للسماء قمر و لقلبي أنت

الجزء 20

#للسماء_قمر_ولقلبي_أنت 💙
بقلم : stories and novels
الجزء 20 :
حينما نقع في مأساة ما ... تقوم القيامة «الدنيوية» ولا تقعد إلا لنلتقط أنفاسنا ولنستعد لقيام قيامة جديدة ...
ففيلا ديال عائلة المعروفي ... كان مخيم عليها الحزن والصدمة والبكاء واليأس ... كان خليط بين المشاعر الحزينة فمكان لي طالما عرف غير الفرحة والسكون ...
م.فاطمة(بقلق وكتمشي وتجي) : ميمكنش نبقا جالسة هكا !! خاصني نقلب عليه سيمانة وهو غابر حتى تيليفونو طافي
سمر (هازا تلفونها وكتمشي وتجي ) : فففففف كنتاصل بگاع صحابو ومعارفو و واالو
جواد (تاهو كيتاصل) : بان ليا الحل لي كاين عندنا هو نمشيو نقولوها للبوليس
م.فاطمة : اااه كيفاش مفكرتش فيها من قبل بففففف أنا غنمشي دابا
جواد : تانا غنمشي معاك ... منقدرش نخليك بوحدك ونتي فهاد الحالة
سمر : تانا غادة
م.فاطمة : لا لا ابنتي غير بقاي
سمر : ولكن راه بابا و ... (قاطعاتها مها )
م.فاطمة : عفاك ابنتي سمعي ليا لمرة وحدة ... مبغيتش نتشطن من جيهتك حتى نتي ريحيني عفاك
جواد (شاف فيها بمعنى غير بقاي ) : بقاو نتوما بجوج وحنا غنرجعو دغيا واخا
نديم : واخا ا خويا غنبقاو ... ياك اختي ؟
سمر شافت تا عياات وجلسات بلا كلمة منفخة... وجواد و م.فاطمة توجهو للبوليس
~~~~~~~ فمركز الشرطة ~~~~~~~
م.فاطمة (بصدمة ) : كيفاش سد گاع الحسابات ديالو ؟؟
الكوميسير : اه ا لالة سحب گاع لي كيملك من فلوس في البنك وغير هذا راه قبل ما يغبر راه تسلف من البنكة مبلغ كبير ... واش عارفة شنو دار بيهم ؟؟
م.فاطمة (بخوف) : لا معارفاش ، امكن ااا سدد شي ديون عندو
الكوميسير : مدام .. صراحة حنا مالقينا عندو حتى شي دين تجاري من غير البنك وما تسددش ... بغيت نسولك واش راجلك كان كيلعب القمر ولا مدمن مخدرات ؟
م.فاطمة (بصدمة) : لا لا ...😶
الكوميسير : هاد الحالات دازو عندنا بزاف ا مدام .. واش مشاكاش بلي كاينة مرا أخرى فحياتو ؟
م.فاطمة(غرغرو ليها عينيها) : راجلي كيبغيني ... مستحيل اديرها اهئ اهئ ...
جواد(بجد ومغوبش) : سمح ليا ... ولكن كون كانت شي وحدة أخرى الحسابات ديالو مغيكونوش مسدودين أولا ؟
م.فاطمة : اوووف ... عنداك غير يكون تورط فشي حاجة ولا مخطوف... ياك قلتوليا لقيتو تيليفونو طايح أولا ؟
الكوميسير : ممكن ولكن شنو يمكن يخليه يبيع الشركة ؟
م.فاطمة (ممتيقاش وخرجات عينيها ) : كيفااااش الشركة تباااعت ؟؟؟؟ ميمكنششششششش 😱😱😱
جواد (تقاد فالجلسة) : ميمكنش
الكوميسير : واش مكنتيش عارفة ؟؟
م.فاطمة (شدات وجهها بين يديها ) : ميمكنش
جواد : الا كاينة شي حاجة عفاكوم علمونا ... بسلامة
بعدما غادرو مركز الشرطة كانت م.فاطمة جد منهارة وممتيقاش بزاف دالأفكار كيضورو فراسها من جهة خافت ليكون مشا مع وحدة أخرى وفنفس الوقت ليكون مخطوف ولا مقتول ... حتى ولات كتقول اللهم يخونها ولا يموت حيت فالأخير كتبغييه ... داها جواد للفيلا ومحبساتش من البكا ... شطناتو وكيفكر كيف يعاونها ... وقفو حدا الفيلا ولقاو واحد الراجل واقف مع سمر ونديم ... استغرب وخرج كيجري لعندهوم
سمر : واش نتا حمق كيفاش غتدي الاوطو (وكتعبر بيديها وتغوت)
جواد : نقدر نعرف اش واقع هنا ؟؟ شكون هاد الراجل ؟؟
سمر (شافت فيه بحدة) : هاد خينا صايت ليه البرد فمخو وبغا يدي الاوطو
.... :حتارمي راسك عفاك ... الطوموبيل ديالنا وهاد البنت مبغاتش تعطينا السوارت
م.فاطمة : كيفاش ديالكوم ... هادي راه طوموبيلتي !!
.... (مد ليهوم ورقة ) : ها الدليل من كاتب العدل ... الطوموبيل راه تباعت (شدها جواد وكيقرا فيها)
م.فاطمة(بتعب) : فففف الطوموبيل راه ديالي !!😞
جواد (بأسف) : خالتي ... الطوموبيل مسجلة على الشركة ... هادشي كيعني بلي السي المعروفي نقل كاع الطوموبيلات مع الشركة
م.فاطمة (دارت يديها فوق راسها) : بفففففف ياربي اش مزال مخبي لينا
.... : عفاك السوارت ا مدام
م.فاطمة (مداتهوم ليه بزز) : 😢😢
دخلو للفيلا مصدومين ومنهارين ... الأم دموعها شلال ... وسمر رافضة تهبطهم حيت من طبعها مكتحملش تبين ضعفها قدام الناس ... وفنضرها بلاصة ما نبقاو نبكيو ونبدبو من الأحسن نلقاو حل ... أما جواد كيفكر كيف يعاونها وخايف لايوقع داكشي لي فبالو ... أما نديم قربات تبكي بقاو فيها بزاااف ... وكل واحد جالس فقنت كيحاول يسوعب هادشي لي طرا ... ونتوما فنضركم اش مزال كيتسناهوم ؟؟؟