للسماء قمر و لقلبي أنت

الجزء 23

#للسماء_قمر_ولقلبي_أنت 💙
بقلم : stories and novels
الجزء 23 :
~~~~~~~~~~ عند سمر ~~~~~~~~~~
سرررررررررر 🔔
نديم : بشوية اصاحبتي ... واش متأكدة باغا تقوليها ليه !!
سمر : اه متأكدة
نديم : انا بعدا ماداخلاش ... غنتسناك هنا
تحل الباب وكانت واحد الخدامة
الخدامة : مادموزيل سمر !
سمر : كاين وليد ؟
الخدامة : اه كاين ... دخلي !
دخلات سمر ولقاتهم جالسين كولهوم ... باباه وماماه و هو وختو الكبيرة طبعا مكاين غا النفخة على الخوا
م.صباح (بابتسامة) : اهلا ببنتي... اجي جلسي
بعدما سلمات عليهوم جلسات
السي بناني (داير رجل على رجل وفيديه سيگار) : امضرا ابنتي ... لقيتو باباكوم ولا مزال؟؟
سمر (بحزن) : لا مزال ... وعاد ما خيابت الأمور
م.صباح (بتساؤل) : علاش ابنتي شنو وقع ؟؟
سمر : تعرضنا للإفلاس !!
ناضو كاملين وقالو كلمة كيفااش ... إلا وليد لي ممسوقش كيفما ديما ممسوقش كيتفرج
سمر (بتعجب ) :c'est bien dommage (للأسف) ...
م.صباح (كتخنزر) : ولاش جايا عندنا ؟؟ ... ولاا ياكما باغيانا نعاونوكوم 😒
سمر)مطلعا حاجب ومنزلة لاخور) : لا لا جيت غا نهضر مع وليد !!!
م.صباح (كتشير للباب وتغوت) : برااااا عليا ... وليد ولدي ميستاهلش وحدا بحالك فقيرة !!! يالله يالله اش كتسناي
سمر (تصدمات) : ع ع لاش ؟؟؟
م.صباح (بنفس الحدة) : واااش مكتفهمييش ... مبقيتيش من المستوى ديالنا !!! نتي حشرة ... حشرة ومن اليووووم متبقايش تحطي رجليك الموسخين عندنااا !!!! فهمتي يالاه برااا !!!! (كتجرها من يديها بجهد) برااااااا
سمر (تنترات منها ودفعاتها ) : 😠😠😠 ولييد مغتقوول والو !!!!!
وليد (بلا ميشوف فيها وداير رجل فوق رجل ومنشور فوق الفوتوي ) : باااااي ... ومتنسايش تسدي موراك الباب
سمر (تصدماات وبردو عليها ركابيها ) : ياااك !!! دابا فاش معندنا والو وليتو ديرو معايا هكا ؟؟؟ ياك الالة (شافت فمدام صباح ) وياك ا سيدي (شافت فوليد) واخا واخا ... عقلو اش درتو مزيااااان والله لبقات فيكوم واحد بواحد ... عقلو على هاد الوجه مزياااااان (كتوجه صبعها نحو وجهها) عقلو مزيااان غنخليكوم تمناو الموووووت ومتلقاوها (كضرب فالحيط بجهد وتغوت) بالررررررررب ... حتى نرجع كتر من قبل ونشوفكوم كتعدبو ومنشوووووفش فيكوم بالررررررب
م.صباح (كتسد فودنيها ) : اووووف سكتي صدعتينا ... همجية اوووف (كدفعها جيهة الباب )
سمر (كتنتر) : حيدي عليا يديك نتي تفووووو ...(دفعاتها)
خرجات كاافرة ... دازت فنديم وهاد الأخيرة غير تابعاها بحال شي نگافة ... وسمر بحال شي ثور هايج كتمشى ورافعة راسها للسما عينيها عامرين حقد وغل ... وكتنفس بالجهد صدرها كيطلع ويهبط أما الشوفات خلاااص التخنزيرة المعتادة متخفاهاش تنوض الميت من قبرو ... مشات لجيهة البحر ونديم مفاهمة والو كتسول فيها اش وقع وسمر غا ساكتة حيت كانت بحال شي بركان خاصو ينفاجر ... وصلات للبحر وطلقات غوتة خرجات من أعماااق بطنها كانت بحال شي لبوة تجرحات ... بقات كتغوت ومتسوقاتش للناس حتى بردات وبقات ساكتة ومغمضة عينيها يديها فوق قلبها كتنفس بالجهد بحالا خرجات طاقة كبيرة سلبية ... ودابا كتبان مرتاحة... بقات على نفس الوضعية لمدة نصف ساعة ... عاد ضارت عند نديم مبتسمة بحالا موقع والو
سمر :هووووف... نشريو لاگلاص ؟
نديم (كتشوف فيها ممتيقاش ) : اقسم بالله الا ضاربك شي جن ... ولا عندك انفصام الشخصية !!!
سمر (جراتها) : براكا من الهضرة ويالاه ناخدو لاكلاص
مشاو خداو وبقاو كيتمشاو فصمت وكياكلو حتى جلسو فشي دروج
نديم : مزال مغتقولي ليا والو ؟
سمر( شافت فيها) : اش غنقوليك ؟
نديم (كطنز) : على علي مول الحانوت واش طلق ولا مزال (ضرباتها فراسها) يا على قبيلة مالك خرجتي كي شي ثور متلفتي لا لليمن لا لليسر .... اش دارو ليك ؟؟
سمر : اااايييي رصاااي !!! اش عند  الكلاب ميديرو غير النبيح
نديم (شافت فيها شي شوفات) : الكلب لي كينبح مكيعضش وطبعا نتي مسكتيش ليهوم ياك ؟
سمر(بضحكة جانبية) : اش كتعرفي عليا ؟ 😉
نديم : لبوة ههههههههه و اش ناوية ديري ؟ على حسب علمي مغتخليهاش دوز هكاك اولا ؟
سمر : bien sûr ... أنا شخصيا مكنحملش نآذي شي حد ولكن مغنغفرش لأي واحد كيفكر إأذيني
نديم (هزات كتافها) : كتخلعيني بعض الخطرات
سمر (وقفات كتسوس فحوايجها) : يالاه مشينا
نديم (تاهي وقفات) : يالاه زيدي