للسماء قمر و لقلبي أنت

الجزء 127

#للسماء_قمر_ولقلبي_أنت 💙
بقلم : stories and novels
الجزء : 127
كمل مراد الغنا ... وبقات سلطانة كتشوف فيه باعجاب ...
مراد (بنظرات جذابة وغمزها) : كيجاتك ؟
سلطانة : واااااو ... I mean ... perfect (كنقصد ... مثالية) كيبان ليا غنولي فان ديالك موسيو مراد العراقي هههههه
مراد(حط يدو على صجرو وحنا راسو) : ça me fait vraiment un grand plaisir mademoiselle sultana el alaloui (شرف كبير ليا آنسة سلطانة العلوي)
سلطانة (اكتافات بابتسامة)
مراد : نتفرجو ؟؟
سلطانة : واخا
مراد (حط الغيتارة حدا الناموسية و وقف): ختاري نتي شي فيلم على ذوق ...(غمزها مع ابتسامة خفيفة) منها نيت نشوفو ذوقك مادموزيل العلوي ... (ضرب يديه)وأنا نمشي نصاوب بوبكورن واخا ؟...(مشا حتى لعند الباب وهو يضور عندها) ياكما فيك الجوع ؟
سلطانة (بابتسامة): لا شكرا ...
دخلات سلطانة لنتفليكس وبقات كنقلب على شي فيلم ...حتى لقات لي كيعجبها ... ومراد تم جاي بزلافة كبيرة فيها البوبكورن ...
مراد(جلس فالأرض) : وها البوبكورن وااجد (حط الزلافة فالأرض) ... (شاف فيها )اجي جلسي هنا ...(ناض هز مخدة وحطها حداه) بلاتي جلسي على هادي باش ترتاحي ...
سلطانة (جلسات فوق المخدة فالأرض): ونتا ؟
مراد (بابتسامة): أنا مولف ...(حك عنقو باحراج) وهي فالصراحة فوق الناموسية حسن ولكن مجاتش ههههه
سلطانة (ضحكات باحراج) : 😅😅
مراد : اوا ... شنو ختاريتي ؟
سلطانة : The fault in our stars (تفرجو فيه وااعر وحطو كلينيكس حداكم)
مراد(صفر باعجاب) : اووووه ...ذوقك زوين حساس واقعي... (شاف فيها بهيام) بحالك
سلطانة(حشمات وولات حمرة كي ماطيشة) : تفرج تفرج ههههه
مراد (عجبو الحال فاش حشمها وبقا كيضحك حتى بانو غمازاتو)
بداو كيتفرجو فالفيلم ومرة مرة كينقبو ...سلطانة كانت مركزة مع الفيلم ونسااات راسها فين ولا معامن ... أما مراد مرة كيتفرج مرة كيسها فسلطانة ويبتاسم بلا هواه...حتى جات اللقطة فاش البطل قال للبطلة :
🌸Augustus Waters:
What's your name? (اشنو سميتك)
🌸Hazel Grace Lancaster:
Hazel (هايزل)
🌸Augustus Waters:
No, your full name (لا ، شنو إسمك الكامل)
🌸Hazel Grace Lancaster:
Hazel Grace Lancaster ... why are staring at me like that (هايزل گرايس لانكاستر ... علاش كتشوف فيا هكا)
🌸 Augustus Waters :
Because you're beautiful (حيت نتي زوينة)
🌸 Hazel Grace Lancaster :
Oh my god ...
شافو فبعضياتهن وبداو كيضحكو بزوج حيت حتى مراد فايت قالها لسلطانة ...وكملو التفراج ديالهم ... مرة يضحكو مرة يبتاسمو ومرة وكيضهر الحزن على ملامحهم ...حتى وصلات اللقطة فاش البطل طلب من البطلة يسمع اش غتقول عليه فالجنازة ديالو ودموع سلطانة بداو كيطيحو كي الشلال بلا ميحبسو ... كانت كتبكي في صمت حسات بقلبها تزير وكاينة غصة فحلقها ... ضار عندها مراد بالصدفة ولقاها هكاك وتخلع ...
مراد(قرب عندها وحط يدها على كتفها) : سلطانة ؟؟ مالك ؟؟ ... علاش كتبكي ... راه غير فيلم
سلطانة (بقات فنفس الوضعية ومجاوباتوش ... حيد يديه وبقا مشوش عليها وبزرطاتو فدماغو)
كملو الفيلم و وتيرة البكاء عند سلطانة عاد ما زادت ...حطات يديها على قلبها وبقات كتنخصص وتبكي بحرقة وتشهق وسادة عينيها ... مراد تخلع عليها عيا ميواسي فيها وهي والو مكتسمعو كاع اش كيقول ...
سلطانة(تهدنات شوية وتنفسات بعمق ومسحات دموعها وقالت بصوت خافت) : الحمام ؟
مراد : على ليمن (وقفات وتمات غادة) ... نمشي معاك ؟
سلطانة (حبساتو بيدها بلا مضور عندو وكملات طريقها)
مشات سلطانة للحمام وغسلات وجهها مزيان ... وهي تخرج عندو لي كان هو باقي فبلاصتو وحاني راسو ...جلسات حداه وسكتات شوية ...وكتهضر بلا متشوف فيه ...
سلطانة : ماشي غير فيلم كيما كيصحاب ليك ... ماشي غير فيلم ...أنا وأغسطس (البطل) عندنا نفس نقطة الضعف ...(شافت فيه شوفات كولهم خوف وحزن) وهي نموتو وينساونا الناس بلا منخليو حتى أثر مورانا
مراد (بنظرة مواساة ...ومحس حتى حط يدو على حنكها): سلطانة
سلطانة(نزلات دمعة حارقة وهي تحني راسها) : مراد ... معرفت ... (شافت فيه بعنين مغرغرين بالدموع)ولكن حاسة بلي غنموت صغيرة
مراد(تصدم) : اش كتخربقي ... اش هاد الهضرة (قاطعاتو)
سلطانة : معاك بصح ...
مراد(شدها من كتافها) : سكتينا ... براكا من التخربيق راه غير الفيلم لي أثر عليك
سلطانة (بابتسامة سخرية وحنات راسها) : 😏
مراد (بحنان): صافا دابا ؟
سلطانة (بابتسامة وشدات فيديه): شكرا على هاد النهار ...(طبطبات على كتفو وهي توقف) كنظن جا الوقت فين نرجع فيه
مراد (وقف معاها وبقا ساكت شحال مسخاش بيها ومبغاهاش تمشي وهي مقلقة): واخا غنوصلك
سلطانة(بابتسامة حزينة) : لا لا بلا متعذب راسك غناخد طاكسي ... (بجدية) محتاجة نبقى بوحدي ... (طلباتو بعينيها) عفاك
مراد (بقا كيشوف فيها بحزن) : واخا ...نهبط معاك حتى التحت ... عالاقل
#يتبع ...