للسماء قمر و لقلبي أنت

الجزء 82

#للسماء_قمر_ولقلبي_أنت 💙
بقلم : stories and novels
الجزء : 82
م.فاطمة (بابتسامة) : بصح عجبااتك ؟؟؟
سمر (عينيها كيبريو بالفرحة) : bien sûr !
م.فاطمة (حطات يديها على كتفها): فرحت بزاف ملي عجباتك ..(بابتسامة) بصحتك !!
ولد الحاج (قرب ليها هاز فيديه صنيديقة من الورق باللون الأسود): احم ...معرفتش واش غيعجبك ولا لا ... ولكن هادشي لي فكرت فيه ... مهم هاكي (مد ليها الصنيديقة)
سمر(مدات الكسوة لمها) : ماما شدي هادي عفاك ... (شدات الصنيديقة) اووه واااو كتبان كيوت بزااف ... شنو فيها ؟؟
ولد الحاج(فرح) : بصح عجباتك ؟؟ راه أنا لي صايبتها
سمر(بتعجب) : وااايلي ...زدت تحمست باش نشوف اش فيها هههه (حلاتها ولقات فيها كتاب متوسط الحجم بالحق فيه الوراق بزاف وكيبان قديييييم حداه قرعة صغيييورة ديال الزاج وفوقهم ورقة ومحزومة بورد موف صغير )
ولد الحاج (شافها مدارت تاشي ردة فعل) : هداك الكتاب كانت واحد المرا نصرانية عطاتو للواليد فاش كان صغير وملي تزاديت أنا عطاه ليا وحيت عندي عزيز بزاف جبتو ليك ... وفالداخل ديالو كاينة واحد الحديدة طويلة وعلى شكل ورقة ديال شي نبتة مكتوب فيها «feel asleep here» وبيها باش كتعلمي فين وصلتي
سمر(كتصنت ليه وعجبها الحال) : وااااو ...وعلاياش كيهضر هاد الكتاب ؟
ولد الحاج(بابتسامة) : نخليك حتى تقرايه هههه
سمر : ههههه واخا ... وهاد القرعة ؟
ولد الحاج : هاديك القرعة راه معلقة فيها واحد الورقة صغيرة الا شفتيها ... مكتوب فيها «تمنى أمنية» وفهاد القرعة كل مرة كتلقاي ديك النبتة البيضا لي كنشوفو فالطريق ملي كنسوطو عليها وكطيير ...عرفتيها ؟ (أومأت ليه بآه) ملي كنسوطو عليها كنتمناو أمنية وكنحطو داكشي لي بقا منها فهاد الورقة
سمر : واااااو جادوووغ !!!!!! وشكون قاليك نتا هادشي ؟
ولد الحاج : الواليد كان كيخدم مع النصارى بزاف داكشي علاش
سمر : هممممم ... وهاد الورقة لي فيها الورد ؟
ولد الحاج : هاديك أنا لي كتبتها ... قرايها !!
سمر(شافت فيه عاد هزاتها وقرات اش فيها لقات مكتوب فيها « أختي ... أعدك بأن أكون دائما هنا من أجلك لأنك لطالما كنت هنا من أجلي أيضا » : اوووووووه طغوو مينيوون ... (بدون سابق إنذار مشات عنقاتو عناق حاار) صدمتيني هادشي غزاال بزااف !! شكراا بزااف بزاااف
ولد الحاج (بابتسامة) : بصحتك !!
الخصيم : هاانتي ا الساطة باش متقولي راحنا ناسيينك ولا شي لعبة ... هانتي جبت ليك فانوس باش كل مرة شعلتيه تفكري كمارتي
الجميع : 😂😂😂😂😂😂😂
سمر : هههههههههه شكرااا اسيدي (عنقاتو تاهو) والله تا زوين هههههههه اجي ياكما خديتيه من شي بلاصة
الخصيم : واايلي واش حنا ديال داكشي
سمر(بنظرة تشكيك) : شووف وكاان
الخصيم : الاا راه معاك رااجل ... (سكت شوية)راه غا ديال جدة وصافي
سمر : هاااااااااا هههههههههه اويييلي خليتيها بلاش
الخصيم : الااا اصلا مدير بيه والو ... غا خوديه
سمر : ههههههههيا خوويااا بااااز
زريقة : وأنا هااا ديالي ا الخوادرية ... اخر مكاين فالسوق .. طوانغ ضوري المغرب كامل متلقاي بحالهم
سمر : اوووووه شكراا ... (كتشووف فيهم) غير هوو منين جاوك هادو ؟؟
زريقة(تلفات ليه الهضرة) : هااا ...(سكت شحاال) بغيتي الصراحة ؟؟
سمر(حابسة الضحكة) : قول ؟؟
زريقة(دار يديه ورا عنقو) : وا غا طرگتهم للواليدة وصافي
كولشي مات بالضحك ...حتى من سيف لي كان معصب طاحو ليه الدموع من قوة الضحك ...
سمر : اويييلي واش من نيتك هههههههه جايب ليا طوانگ داللويز شافرهم لمك 😂😂😂
م.فاطمة : والله تا راكم عالااام هههههههه والله الا راكم مسطيين ولكن أنا فرحانة بزاف حيت بنتي لقات صحاب كيبغيوها بحالكم ... وهادشي باين من لي كادو عطيتوها أغلى ما عندكم ... شكرا بزااف
زريقة : وايلي تانتي ا خالتي راه سمر راه بحال ختنا
سمر : هههههه والاه تا صدمتوني ... عندكم الذوق عجبوني لي كادو والله ههههه
كملو الشباب ديالنا الجلسة ديالهم فالضحك والنشاط ... وسمر واخا ممبيناش على برا ولكن كانت كنتسنى بفارغ الصبر اش غيعطيها فالكادو ولكن مجاش لعندها وبقا واقف بعيد طول الوقت مكيهضرش غير كيشاركهم الضحكة الا ضحكو مجموعين وصافي ...وهي طول الوقت مقابلاه ولكن بقا فيها الحال بزاااف بزاااف ... وفالأخير حاولات تقنع راسها بلي راه معندوش باش يشري ليها شي حاجة وصافي ... جا وقت العشا وتعشاو بالرفيسة لي صاوبات ليهم لالة حادة بهاد المناسبة وكانت بنييينة (الا كانت شي موحمة تسمح لينا 😅) وطبعا تعشاو فجو كولو ضحك ونشاط وغنا ...وملي سالاو شربو كاس داتاي وبقاو مجمعين وكيضحكو فجو ياسلام حتى طاح الضلام و وصل الوقت فين يمشيو الدراري ... توادعو معاهم بالعناق ومشاو مع سيف باش يوصلهم وسمر هبطات للتحت عند العيالات ...
#يتبع ...