للسماء قمر و لقلبي أنت

الجزء 103

#للسماء_قمر_ولقلبي_أنت 💙
بقلم : stories and novels
الجزء : 103
فهاد الأثناء كان سيف غيتسطى بالتقلاب ... حيت جا للمدرسة معطل حيت كان جايب كتوبة ليها ولغيثة وملي وصل مالقا حتى واحد من غير صاك سمر مليوح فالأرض ... بدا يقلب حدا المدرسة ويعيط عليها و وااالو مكاين ليها أثر ... قرر يسول فالناس عليها ...كان كي شي حمق كيجري ويوقف فالناس ... وللأسف تاحد مشافها ...
سيف (كينهج والعرق فجبهتو كي الشتا ...وكيقلب فگاع القنات والدروبة) : يااربي يااربي ميكون طاري ليها والو يااربي ... ياربي تحفظها ليا ليا يا ربي ... (بانت ليه واحد المرا غادة بوحدها) فففففففف عفاك ا لالة نسولك
المرا : سول ا ولدي
سيف(مخلوع) : ما بانتش ليك واحد البنت طويلة وسمرة وشعرها كحل طويل ؟؟
المرا : لا اولدي ما شفت حد ...
سيف (ساط بعصبية ودوز يديه على شعرو): فففففففف
المرا : راه موحال تكون جات لهاد الجوايه ... طلع الفوق مزال وسول تماك
سيف(باستغراب) : علاه مال هنا ؟؟
المرا : هنا اولدي راه غير خلا وقيفار وديور مهجورة ومسكونة بسم الله الرحمن الرحيم ... وكيعمروه غير الشماكرية والسكايرة
سيف(دارت ليه طن فعقلو) : بصاااح ؟؟ هكاااك ... (دار يدو علة صدرو) الله يكتر خيرك الالة
المرا : بلا جميل اولدي ... ورد البال راه خايب تماك
مشا سيف بلا عقل حيت قال مع راسو اقدر تكون فدوك الجوايه مع صحابها ... بقا كيقلب كيقلب وقلبو كيضرب وفعلا كان تماك خااااوي وكيخلع بحالا ماساكن حتى واحد ... وصل حدا واحد القنت ولقا واحد الشمكار كاع حوايجو موسخين ومقرد فالأرض وكيكمي ...
سيف(تحنى ليه ودار يدو على ركبتو) : عفاك ا خويا
الشمكار(عينيه مقلوبين ومبوق) : اش تما ا خو
سيف : ااا ... بغيت نسولك ... مبانتش ليك واحد البنت طويلة وسمرة وشعرها كحل ؟؟
الشمكار(كيفكر بصوت مرتفع) : سمرة وشعرها كحل ... سمرا وشعرها كحل ... (شاف فيه) اجي ماشي رقيقة لا ؟؟؟
سيف(قفز بالفرحة وقلبو كيضرب) : ايييييييه ايييييييه
الشمكار (كيهضر ويشير بالگارو لي فيديه) : اوا راه ورقتها دايزة هي واحد الساط شهب وداير كاسكيطة ومشادين اليدين ومشاو من تمااك
سيف (تقبط عليه قلبو حيت عرفو المنونخ ): الله يحفظك اخوويا (ناض مقلق ويالاه كان غادي وهو يحبسو)
الشمكار : هااانية ... ولكن بيني وبينك اعشيري ... ديك الطريق راه خااايبة .. جري تبعها قبل ماتوقع ليها شي حاجة
سيف(طبطب على كتفو) : شكرااا اخويا
مشا كيجري تاني من ديك الطريق وعقلو مشوش .. معارف واش مقلق حيت غادة مع المنونخ ولا حيت غابر ليها الأثر ...
سيف (عاقد سبعة فربعة وغادي وكيقلب) : اشدرتي ا سمر .. اش كتخربقي تاني ...رجعتي لداك الجلاخة تاني فففففففف  اااخخخخ ا سمر اخخخخ غتخرجي على راسك بيديك
بقا كيهضر مع راسو حتى شاف بزاف ديال الطيور طارو لجيهتو ... مشا لجيهة منين طارو بشوية بشوية وماحدو كيقرب وكيسمع فالتخرخيش ... قرب مزال وشاف المنظر لي خلاه يفقد الوعي والأحاسيس ديالو ... لقا المنونخ عريان وعاطيه بالضهر وفوق من سمر تاهي عريانة ولكن مكتحركش... جهل ومابان ليه غير واحد الجرف هزها بالجهالة ومشا كيجري وغوت تلاح عليه ... ماجا فين يضور حتى ضربو للراس حتى طوش دمو وطاح كاو على سمر ... خرج ليه الدم من نيفو و ودنو وراسو ... مات فالبلاصة ... أما سيف شافو هكاك دفعو برجليه ومشا لعند سمر ...
سيف (هز ليها راسها وكيحرك فيها كي شي مسطي ... وعينيه كلها خوف وحمريين ومغرغرين بالدموع وسوطو كيترعد) : سمر ... سمر ... فيقي ... فيقي هانا جيت ... صافي ... سمر عفاك فيقي متخيلينيش بوحدي ... (كيحرك بجهد ويغوت) سمر !!!! (طاحت عينيه على جسمها لي كان عاااري وفيه شوية دالدم ديال المنونخ وآثار الكي فيديها ورجليها المنطقة الحساسة ديالها ... ضار شاف فالمنونخ بحقد وعاض على شفايفو كيتغدد ولاخور طاااايح كيسرح عجول الاخرة ... رجع شاف فسمر حيد التيشورت ديالو ... ولبسو ليها وهو بقا غير بالديبارضور ... ضور عينيه ولقا حوايجها مقطعين ومشتتين ... مشا هز الكيلوط ديالها ولبسو ليها وهزها ومشا فطريق المدرسة وخلا المنونخ تمام ميت كي شي كلب ...
#يتبع ...