للسماء قمر و لقلبي أنت

الجزء 89

#للسماء_قمر_ولقلبي_أنت 💙
بقلم : stories and novels
الجزء : 89
أصبحنا وأصبح الملك لله ☀
فاقت وريقة الحناء قبل الفجر شطبات وخملات وجمعات الدار ومن سفاها لعلاها وهادشي كولو والبنات ولالة هنية شاابعين نعاس ... وجدات وريقة الحناء الحسوة والفطور عاد فاقو كاملات وفطرو مجموعين وهاينة بغات تاكل وريقة الحناء بعينيها ...
لالة هنية : يامنة ... سيري سرحي البهايم
يامنة : ولكن ا مّي ..(قاطعاتها)
لالة هنية : راه هضرت معاك ... خلي هاينة توجد الغدا ... يالاه تحركووو
طلعات وريقة الحناء الفوق باش توجد الغدا ...ويامنة خرجات تسرح البهايم ولالة هنية كتنقي الزرع وحداها هاينة كتلعب بشعرها ساهية .. حتى كيسمعو الدقان فالباب ...
لالة هنية : نوضي نوضي ... شوفي شكون !!
هاينة : هااا ؟؟؟
لالة هنية : اتي نووضي شوفي شكووون اناااري ميمتي !!!
مشات يامنة تشوف شكون وكانت غيثة لي جات ... دخلات وتسالمات معاهم وبقاو كيعاودو على الأحوال كيف ديما ...
لالة هنية : شتك غبرتي ماتليتي طلي علينا ولا تسولي فينا
غيثة : غير مع الدنيا ... جري عليا نجري عليك
لالة هنية : ههههههه داكشي لي كاين
غيثة : هانا ا لالة هنية ... كي شتي خالتي فاطمة صايبات شي حلوة شهوة منها وگلت ندوقكم منها نتوما اللولين
لالة هنية : بسم الله بسم الله ....(داقت منها) الله يعطيك الخير هادشي بنييين ... شكون گلتي مصاوبها ؟؟
غيثة : خالتي فاطمة
لالة هنية : شكون هادي ؟؟
هاينة (بالتعواج) : مت سمر ا مّي
لالة هنية (كتميق) : ممممممم اوا الله يعطيها الخير ... مصاب غا تجمع بنتها شوية وهي ...(قاطعاتها)
غيثة(بضحكة صفرا) : فين وريقة الحناء ... مبانتش ليا ؟؟
لالة هنية : راه الفوق كتنصب الغدا ...(سافت فهاينة) سيري ا هاينة عيطي ليها
غيثة : لا لا مكاين لاش ...(وقفات) نطلع عندها راسي
لالة هنية : واخا لي بغيتي ا بنتي
مشات غيثة طلعات عند وريقة الحناء ولقاتها كتنقي الخضرة ....
غيثة (مشات جلسات حداها) : ورييقة الحنااا
وريقة الحناء (عاد شافتها): ااااه غيثة هادي نتي
غيثة (تسالمات معاها وكتهضر بهمس) : شوفي باش بلا منطول عليك ... سمر لي رسلاتني
وريقة الحناء (بان على ملامحها الدهشة)
غيثة (حطات يديها على رجليها) : بلا متخلعي ...المهم لي جيت نخبرك بيه بلي غدا مع الفجر كوني حدا الواد ... وجدي حوايجك وراسك
وريقة الحناء(بحزن حنات راسها) : حتى نتي فراسك
غيثة(دارت يديها على جنابها) : علاه بالسلامة ماباغانيش نعرف ... شوفي أنا راه صحيبتك ماشي عدوتك
وريقة الحناء (صوتها كيترعد): لا ماشي قصة صاحبتي غير ... حشمت ... و خفت
غيثة(كدوز ليها على ظهرها) : معندك مناااش تخافي ... مبقا قد ما فات ... وكولشي غيدوز مزيان ... ااه بعدا الله يفكرنا فالشهادة راني جمعت ليك شي حويجات تلگاي متبدلي تماك ووجدت ليكم شي رغيفات تقضيو بيهم راه سمعت بلي المعيشة فأكادير صعييبة
وريقة الحناء(فرحات وبتاسمات وهي تعنقها) : لهلا يخطييك علياا ... الله يعطيك الخيييير
غيثة(بابتسامة) : بلا جمييل ... راه هادشي لي قلت ليك عليه غتلگايه فالطوموبيل فاللور واخا ؟
وريقة الحناء(باستغراب) : اشمن طونوبيل ؟
غيثة : ديال سيف الدين ... خويا
وريقة الحناء(دارت يديها على صدرها) : هاااويليييي هيييه ... علاه تاهو عاارف ؟؟
غيثة : وراه هو لي غيديكم ا الهبيلة ... أصلا معندك مناش تخلعي راه گاعما عارفك شكون ... كي شتي ملي رسلاتو سمر لعندي گاليا غير راه كاينة واحد البنت وها اش واقع ليها ولكن أنا فهمتها طياارة ... حيت سمر كانت شاكة بلي بيك شي حاجة من گبل
وريقة الحناء(بأسى) : ااااه
غيثة : رخفي نفسك ومتخافيش ... (بغات تبدل الموضوع) اواا عاودي ليا كي دايرة مع هاد اللفعة وبناتها ؟
وريقة الحناء(بابتسامة) : كيف ديما ههههه وقتما شافتني تنهر فيا وتسبني ... والبارح لصقات فيا شقا دالدار كولو
غيثة : بنت الحراااام ...شوفي ربي كبير والزمان حنات والدنيا دواارة
لالة هنية (دخلات على غفلة): اش ساايرين تحتتو تماك هااا ؟؟؟ ههههههه
غيثة : غير هضرة تجيب وهضرة تدي ...(وقفات كتقاد فالحايك ديالها) المهم خليتكم على خير
لالة هنية : هاويلي تي گلسي معانا حتى تغداي ... شهاد المجية
غيثة : لا اخالتي خاصني نمشي باقي تابعني شلا ميدار والله ...(هبطات مع الدروج وكتهضر معاها ) مرا أخرى ان شاء الله
لالة هنية(تابعاها من اللور) : واخا ابنتي لي بغيتي ... سلمي على مالين الدار
غيثة : مبلغ
هاينة(جات لعندها وكطل على وريقة الحناء لتكون كتسمع وكتهضر بهمس) : مّي ... معرفتيش اش كانو يگولو الفوق ؟؟
لالة هنية : اش غيكونو غيگولو گاع ...(بتشكيك) ولاش كتسولي ؟
هاينة : لا والو
لالة هنية : احيااانا عليك نتي فاش تتضوري فدوك العوينات غير گولي اش كاين
هاينة (بعد سكوت طوييل): مّي ... بغيت نگولك واحد الحاجة ...
#يتبع ..