للسماء قمر و لقلبي أنت

الجزء 16

#للسماء _قمر_ولقلبي_أنت 💙
بقلم :
stories_and_novels
الجزء 16 :
~~~~~~~~ عند جواد الكناني ~~~~~~~~
كان جالس حاط يديه تحت ذقنو وكيشوف فاص مخنزر وكيهز رجليه باستمرار وهضرة سمر عنكشاتو فدماغو ... واش فعلا هو معقد ؟ واش بصح محكر على ختو وممخليهاش تتنفس ؟ واش فعلا ختو كتعتابرو معقد وزامتها ؟ وهو باغي ليها غير الخير ومتمشيش فديك الطرق حيت هو كبر منها دا وجاب فالزمان وعارف اش كتسوا ديك الطريق وشنو نهايتها ... شاف صحابو اش وقع ليهوم ... أفكار كثيرة تتضارب فراسو وبالو ممهنيهش وخاف ليكون قاسي عليها ... مصبرش وناض على غفلةبديك الضخامة ديالو تا كولشي بدا يشوف فيه
جواد (بابتسامة مزيفة) : خالتي ... عمي .. هاني غنمشي مع نديم جيهة الأحصنة
م.فاطمة : خود راحتك ا ولدي
جر نديم من يديها وهي غير كتشوف مافاهمة والو .. داها للاسطبل و وقف قدامها ...
نديم (ببرائة) : ههه خويا مالك ؟
جواد : بغيت نسولك ؟
نديم : وي سول .... بلاتي بلاتي ياكما شي وحدة هادي همممم ... كيدايرة ؟ زينة ؟ خايبة ؟ طويلة ؟ قصيرة؟ بيضة ؟ سمرا ؟ شكون زوينة أنا ولا هي ؟؟
جواد (ضحك ودوز يديه على شعرو) : من نيتك ؟ ههههه لا لا ماشي هادشي ههههه (شد نيفو بقران صبعو وكيضحك كيبان جذاب) ضحكتيني والله
نديم : 😅😅 اوا شنو لاش جايبني هنا
جواد : نديم ... واش كتحسي بلي خانقك ؟
نديم : كيفاش ؟ اش هاد الهضرة ؟
جواد (شد بكافها ) : زعما واش ممخليكش على راحتك ... شوفي أنا راه معاك هكا غير على مصلاحتك
نديم : شنو خلاك تقول بحال هاد الهضرة
جواد : قبيلة فاش قالت سمر ديك الهضرة ... خفت لتكون بصح ..و (قاطعاتو)
نديم (بابتسامة ساحرة) : من نيتك ؟ واش سمر كيديو عليها الناس (يالاه بغا يهضر وقاطعاتو) راه عارفها كيف كابرا و واليديها كي دايرين ... تانا معاجبنيش حالها ولكن قلبها بيض وعزيزة عليا وماشي بالضرورة خاصني نكون بحالها فكولشي وانا عاجبني راسي هكا ...(ضورات يديها على خصرو حيت قصيرة عليه وهو لاح يدو معنقها جنب وبداو كيتمشاو) ومعاك وعارفاك كتخاف عليا داكشي علاش ... وبالعكس نتا عادي .. (شافتو بتاسم ) عرفتي شنو ... كون كنت ولد كون خطبتك (تفرگع بالضحك) هههههههههه شكون بحالك دري زينو قتال ولاطاي دونجي وبوكو حبة وممبليش وداخل سوق راسك ... بيني وبينك سعدات هادي لي غتديك ههههه
جواد (ضربها بخفة لراسها) : منين تعلمتي هاد الهضور ا المشة هممم ... الله يخليك ليا عرفتي متصوريش شحال عزيزة عليا وكنحسبك بنتي
نديم : احححح ...اوا راني بنتك
جواد : ايييه بنتي الصغيرة لي كنبغيها ... عرفتي من هاد المعزة غنخليك حدايا مغنزوجكش
نديم (تكوانسات بلاصتها وجات قدامو دارت يديها فجنابها وخنزرات فيه وكتحرك راسها وقالت على طريقة ساري كول) : شناااااااااااااهوووا شنااااااااهوااااا ... اوا
ماشي لهاد الدرجة تاني ويلي با
جواد (تفرگع بالضحك ) : ههههههههههههههههههههههه والله يا مك ههههههههههههه شووف ليك البرهوشة تي مالك كابرا فدرب سلطان هههههههههههه
نديم : هههههههههه اوا نتا لي كتخور فهضرتك (باااق فراسها) اااااااي راه شي نهار غنفقد الذاكرة على يديك
جواد : نتي لي كتخسري الهضرة ... اجي فين صاحبتك
نديم : جيهة الزعلولة نمشيو عندها ؟
جواد : يالاه
شد فيديها وجرها معاه ومرة مرة كيعنكشها فشعرها الأشقر تا وصلو عند سمر ولقاوها غايبة عن هذا العالم ...باقي كتزعلل... مبغاوش يبرزطوها وجلسو فجليسة قريبة ليها
نديم : جوجو ... هاك صورني شحال هادي متصورت
جواد : اراي غديري تاني دوك لي بوز العجيبة ديالك
نديم : اييييه اش فهمك نتا فهادشي ... صبر نتقابل مع الشمس باش يبان الهايلايتر
جواد : لا حول ولا قوة إلا بالله ... يا ربي تصبرني
بقا جواد كيصور فنديم وهي كل مرة ببوز ... حتى تعصب ... وفالأخير معجباتها تا وحدة ... نديم كتموووت على شي حاجة سميتها التصاور والكاميرة والجورنال .. كيعجبوها أمثال Mariln monroe و Audrey hepburn و hedy lamar ...