للسماء قمر و لقلبي أنت

الجزء 13

#للسماء_قمر_ولقلبي_أنت 💙
بقلم : stories_and_novels
الجزء 13 :
أصبحنا وأصبح الملك لله ☀
الجو رائق والسماء مصحية ، وقرص الشمس يلتهب التهابا ، والأرض تهتز فتنبت نباتا حسنا ، والأشجار تنتفض عن أوراقها اللامعة الخضراء ، والهواء الفاتر يترقرق فينبعث إلى الأجسام فيترك فيها أثرا هادئا لذيذا ☀
تمدات يد سمراء برازيلية من تحت الغطا طفات الغيفي ... ناضت مبوقة بالنعاس تكسلات وطرطقات عنقها ... لبسات كلاكيطة ودخلات خدات دوش خفيف ولبسات ملابس داخلية بالبيج و شورط دجين بالخزي بين رجليها الطوال وديباردور بالبيض ، تقيشرات بيضين وسبرديلة بيضة عاد جلسات قدام المراية دارت كونسيلر ودمجاتو وطراسات حجبانها بانو طبيعين وآيلاينر جبدو عينيها وبينو لونهم الرائع عاد كلوص ... وشعرها خلاتو مطلوق عطاها لوك زوين حيت مموج وأسود ... هزات شكارتها وهبطات لقات الفطور موجود باست باها ومها وجلسات تتفطر
السي المعروفي : غدا ابنتي مكتقراوش العشية ياك ؟ومعندك والو ؟
سمر (كتشرب فعصير الليمون ): نو مكنقراوش ومعندي والو ... علاش ؟
السي المعروفي : قررت غدا نمشيو للفيرمة ندوزو نهارنا تماك اش بانليكوم ؟
م.فاطمة (بابتسامة حنونة ) : اووو فكرة زوينة توحشتها نيت ومنها نيت نرتاحو
سمر : bonne idée (فكرة زوينة) مممم papa واخا يمشيو معانا نديم و وليد .. غنمل تما بوحدي ...
السي المعروفي : معنديش مشكل ا الزوينة ديالي وحتى الا بغا جواد يجي مرحبا بيه ... المهم هو تكوني فرحانة
سمر (بابتسامة ساحرة): mercii papa
ناضت سمر باستهم وخرجات لمدراستها لي جات غير فالضورة ... تلاقات مع نديم و وليد ومشاو قراو .. ملي سالاو مشات سمر و نديم للاصال كتريني الحديد داكشي باش صحتها زوينة ولاطاي ديالها بحال عارضات الأزياء كتافها عراض وكذلك لي هونش والخصر صغيير ... من بعد ما تريناو جلسو فكافي راقي وجبدات سمر كارو وبقات كتكمي ونديم كتشوف فيها بحزن
سمر : مالك مبلقة فيا عينيك ... ياك لباس ؟
نديم : مزال مبغيتي تحيدي داك الويل 😕
سمر (كتنتر وتسوط): علاش غنحيدو ... جربي تنساي الهم
نديم : لا لا يا ختي ... الكارو كيدير les rides (التجاعيد) و زيدي les tâches brunes (طبايع قهويين) وعاد كيزرگ الفم و ...
سمر (قاطعاتها): فففف سكتي سكتي قولي خايفة من خوك
نديم : خويا ومكيكميش ونتي كتكمي
سمر : اش فيها عادي كولشي دابا كيكمي
نديم : باش كتحسي دابا ونتي ريتك وسخ من الدراري ؟
سمر : ههههههههه تانتي عااادي كوني cool (متفتحة) شوي راه غتولي بحال داك المعقد ديال خوك
نديم (ميقات فيها): عاجبني راسي هكا معقدة وعاجبني راسي
سمر (طفات الكارو ): اه حگا نسيت مقلت ليك غدا غنمشيو للفيرمة وقلت لpapa غتمشي معانا وجيبي تا داك الكلب دخوك الا بغا
نديم : ياااااي حلفي ... توحشتهااا ...
سمر : كون كان عندك petit copain (صاحب) تونسي غير شوية ولكن دوماااج سي جواد افندي قاطعهم فيك
نديم : الالة شكيت عليك ... عاجبني حالي هكا
سمر : عرفتي شحال من واحد بغا يتصاحب معاك ونتي معفرة ... تا الشيشة لا عيقتي اصاحبتي
نديم : اختي خليتها ليك و اه فيا العياقة ومرتاحة هكا ... ودابا يالاه راه عييت ونتي مكتقادايش تفو
سمر : زيدي زيدي نيت مزال ماقلت لوليد والو
فعلا مشاو لديورهوم وسمر تعشات فالوقت ودوشات لبسات بيجامة حريرية بالأسود ودارت لشعرها فوطة مشات دارت ماسك لوجهها وتكات فالفوتوي وكتشاطي مع وليد
💬 سمر :Chéri demain on va partir à la ferme (حبيبي ، غدا غنمشيو للفيرمة)
💬 وليد : c'est est bon avec ta famille ou tt seul? (مع عائلتك ولا بوحدك ؟)
💬 سمر : Bien sur avec ma famille nadime et son frere jawad veut tu partir avec ? (بطبيعة الحال مع عائلتي ونديم وخوها بغيتي تمشي معانا )
💬 وليد : avec plaisir , quand (اه ، امتى ؟)
💬 سمر : 2:30
💬 وليد : dacc à demain. Je t'aime(واخا تال غدا . كنبغيك )
💬 سمر : je t'aime aussi (تانا كنبغيك )
حطات التلفون ومشات غسلات وجهها ونشفاتو ودارت مرطب لوجهها وشفايفها ونعسات ... 💤