للسماء قمر و لقلبي أنت

الجزء 107

#للسماء_قمر_ولقلبي_أنت 💙
بقلم : stories and novels
الجزء : 107
دخل ولد الحاج هو وسمر للبيرو ولقاو المدير جالس فوق المكتب ...وهوما بقاو واقفين
المدير(كيطلع ويهبط فسمر) : عاونها وتجلس وسير ... ملي نكمل معاها نعيط ليك
ولد الحاج : واخا ... (دار داكشي لي قال ليه وخرج)
المدير (بسخرية): صدقتي بخبيزتك هاا !!! ... (ناض كيمشي ويجي)قالت ليا مدام حسناء بلي درتي شي زبلة وخرجاتك الأستاذة ودرتي كسيدة ..(شاف فيها) هادشي بصح ؟؟
سمر (بقات كتفكر فهضرة حسناء شحاال عاد جاوبات بتوتر) : اه بصح ..
المدير(رجع كيمشي ويجي) : هممممم ... ولكن ...(قرب ليها وتحنى عندها وحاصرها بيديه) أنا ممتيقش هاد الهضرة وإلا لاش كولشي كيقول هضرة أخرى ؟؟
سمر (مقدراتش تشوف فيه ...تنهدات وجاوبات بقلة صبر): ملي كطيح البقرة كيكترو الجناوة
المدير(قرب ليها وجهو كيهضر ويشوف ليها فعينيها) : اممممم هادي عندك ... ومقتل سفيان ... صاحبك وسيف الدين لي دخل الحبس ... وفنفس النهار ...اشنو زعما هادشي كولو صدفة ؟؟
سمر (توترات بالشوفات ديالو): الا كان شي حساب بيناتهم ... أنا ماشي شغلي ... وهادشي لي قلتي دابا أنا فراسي غير فالصباح
المدير (حنى راسو): كنتمنى ... كنتمنى ...(رجع شاف فيها وبغى يقيس ليها شعرها)
سمر (بعدات راسها): عفاك ... الا كملتي بغيت نمشي
المدير (بتاسم بسخرية): شنو زعما ... دايرة فيها شريفة عفيفة ونتي ديما مضورة عليك العزارى
سمر (خنزرات فيه): هادوك العزارى صحابي ... وبيناتنا الاحترام لا غير
المدير (بسخرية) : الاحترام ؟؟ ... واخا ... (بقا ساهي فلون عينيها وجاز كيشوف ففمها) باش حسن مني هوما ؟ أولا حيت كيخلصوك وأنا لا ؟؟
سمر(طلعات ليها القردة للسطح ومحسات براسها حتى دفعاتو بجهد) : جمممع فمممك !!! (شافت فيه بقرف)وأنا بزاااف عليك
المدير (رجع حاصرها وكيهضر معصب) : إلا هوما كيخلصووك أنا راه نشريييك !!!
سمر عينيها حمارو بالغضب وهي تصليها معاه حتى ضار راسو .. وبدات كتحاول توقف وهو يشدها من ذراعها ورجعها لبلاصتها .. يالاه بغا يهجم عليها وهي تغوت «كرييييم» عندها الزهر ولد الحاج كان على القرص ودغيا حل الباب ...وشاف فالمدير لي كان عاقد سبعة فربعة ...
ولد الحاج : صافي ؟؟
المدير (مهضرش ... حدو دار ليه بيديه صافي وضور راسو كيعض فيديه)
أما ولد الحاج مشا عند سمر شد فيها وخرجها وهي كانت كتغلي ...وصلو للساحة لي كانت خاوية وهو يحبس ..
ولد الحاج (شافها معصبة) : مالك ؟؟ واش داك الحمار دار ليك شي حاجة ؟؟ قاليك شي حاجة ؟؟
سمر : فففففف ... كريم عفاك مافيا ميهضر دابا ... ديني غير لبيتي كنحس براسي غنطيح دابا
ولد الحاج : صافي واخا واخا .. ياكما بغيتيني نهزك ؟؟
سمر (بامتناع): لا لا بلاش ... ماقادة على هضرة أخرى تاني
ولد الحاج(مبغاش يحكّر عليها) : صافي يالاه
سمر (بزز باش ابتاسمات): merci (شكرا)
مشاو جيهة بيتها ولقاو الكليكة من غير غيثة جالسة تحت الدروج ومعاهم م.فاطمة ... غير شافوهم وهوما يوقفو ...
ولد الحاج(باستغراب) : الدراري ... اش كديرو هنا ؟؟؟
الخصيم : كنتسناوكم ..(دوز يدو على شعرو) غيثة عاودات لينا كولشي
م.فاطمة (مشات عند سمر بغات تعنقها): بنتي ...سمحي ليا .. سمحي ليا عفا(قاطعاتها)
سمر (شافت فولد الحاج بحدة): كريم قلت ليك ديني راني عيانة
م.فاطمة(كتقيس فيها وكتبكي) : معرفتش شنو طرا ليا ... اهئ اهئ عفاك ابنتي .. مكانش عليا نتيقهوم ونكدبك نتي لي بنتي وكبدتي اهئ اهئ اهئ
سمر (بحدة): تصدمت فيك ... ااخر واحد كنت نتوقعو يجي ضدي هو نتي !!!
م.فاطمة(بندم) : عااارفة عاارفة ابنتي عاارفة ...ولكن رااه .. رااه معرفت اش طرا ليا ... كولشي كيقول عليك نفس الهضرة اهئ اهئ اهئ وكولشي تخلط عليا معرفت مندير سمحي ليا اهئ اهئ اهئ عفااك سمحي لياا
سمر (ساطت بعصبية ودوزات يديها على شعرها) : صافي ... باركة باركة ...(شافت فولد الحاج) الا مبغيتيش تعاوني غنمشي بوحدي
م.فاطمة (نقزات وبعدات كريم وشدات فيها) : صافي أنا غنوصلك وندير ليك كولشي ابنتي ...(كتعنق فيها وتبوس) لي بغيتيها ا بنتي ... (باست ليها راسها) سمحي ليا ابنتي
سمر : وا صاافي طيبتيني ... فففف فين غيثة ؟
زريقة : مشات مع الوالدة ديالها ...
عم صمت طويل ... وصلو سمر ومن بعد كل واحج مشا قضا شغلو ... دازو أيام وأيام وسمر مكتخرجش من بيتها كتقرا فبيتها وتراجع فبيتها ودوز الامتحانات فبيتها ... وغيثة كتعاونها واخا هكاك متخلاتش عليها ... وحتى صحابها لوخرين ... وماماها كتجي كل ويكاند تشوفها وتمشي ...سمر كانت مكتنعسش والا نعسات كتنوض كتبقى تغووت وتبكي من داكشي لي وقع ليها ... ومن داك النهار قررات تبدل كليا وتديها غير فقرايتها باش تقرا الحقوق ... سالا العام والكليكة كولها نجحات ... ولكن الفرحة كانت ناقصة حيت ناقص سيف ...وهاد المرة م.فاطمة هي لي جابتهم ورجعاتهم لديورهم باش يدوزو العطلة الصيفية ...
#يتبع ...
البنات راه كاين مشكل فواتباد الأجزاء مكيبغيوش يتلاحو ليا ... وراني درت تعديلات على الأجزاء زدت صور الأبطال الا بغيتو تشوفوهم 🌸