للسماء قمر و لقلبي أنت

الجزء 56

#للسماء_قمر_ولقلبي_أنت 💙
بقلم : stories and novels
الجزء : 56
سيف (بغا يتلفها ) : الله يهديك اخالتي اشمن سمر ... سمر راه فالمدرسة كتقرا ...
م.فاطمة (شافت فيه) : مضحكش عليا !!! سمر هاديك ياااك ؟؟؟
سيف(بضحكة مزيفة) : ههههه اش كتقولي ... راه غتكون غير تشابهات ليك !!! (شدها من يدها وجرها دغيا)يالاه نمشيو
م.فاطمة (تنترات منو ومشات نيشان ليها وعينيها مغرغرين وشاعلة فيهوم نار العصبية ..)
سيف : ااااخ ا سمر اش درتي ... ااااخ (مشا تبع م.فاطمة بالجرا)
وصلات م.فاطمة لعندهم وكانت سمر عاطياها بالضهر ضوراتها عندها وسمر تصدماات معرفات باش تبلات ...
سمر (وعلامات الصدمة على وجهها) : ما .. (ماجات فين تكملها حتى جاتها تصرفيقة قااصحة حتى ضار وجهها وسدات عينيها من حر الألم ...)
م.فاطمة : هادي هي صيفط بنتي تقراااااا ...هااااا ... اش كنشوف دابا اااش ؟؟؟ (متسناتهاش تجاوب وطارت عليها كتنتف فيها وتعض وتصرفق حتى كانو الدراري و سيف بغاو يفكوها وهي تشوف فيهم شوفة حااادة وغوتات عليهم ) حتى شي حمااار مايقرب ليااااا تفاهمنااااا ... بعدوووووو (مازادو تا كلمة وتسوخرو اللور بقااات فيهم ... و م.فاطمة كملات خدمتها كتبرد فيها غدايدها رداتها حااالة شعرها وااقف وحناكها مزنگين بالتصرفيق ويديها عامريين بالقميش ...عطاتها العصا ديال الغدايد)
سمر (كتنهج وكتحاول تطلع النفس ) : بعددد ... بعديييي .. منييي كح كح كح ... (جمعات النفس وتفكات منها وتفرگعات عليها وحلفات لبكاات) وااا بعدي منييييي ... ممنحقكش تقيسينيي فهمتييييي ... ماشي من حققققققك كح كح كح !!!!!
م.فاطمة (شداتها من شعرها) : سكتييييييي سكتيييييييي ...منسمعششش حسسسسسك ...مشااااااات ديك الوقت ديال الفشووووووش ... داك لي كان مفشششك بااااااح !!!!! سمعتييييييي !!! زغتي بزاااااف ابنتييي و وليتي تسلگطي ليا مع الشماااااكرية !!!!!!(شافت فيهم كولهوم ورجعات شافت فيها) كووون غا سمعت لكلاام الناس وزوجتك وتهنييييييت !!!! شوووفي لاليااتك داخلين كيقراو ونتي كضوري فالزناقي !!!! قولي ليا فين غيثة ؟؟ هااا فينهاا... مكايناش عرفتي علاش ؟؟ حيت كتخدم عقلها باغا تقرا وتوصل ماشي بحااالك
سيف (بقات فيه سمر بزااف ومشا عندهم بشوية وفك يد م.فاطمة) : نعلي الشيطان ا لالة فاطمة !! اش هاد الهضرة كتقولي (دار سمر وراه) كولشي كيتحل بالخاطر ...سيري دابا للطوموبيل تسنايني أنا نوصل سمر ونجي واخا
م.فاطمة (تنهدات ) : الله ينعل الشيطان ... ففففف واخا اولدي واخا (مشات منهارة والدموع فعينيها) ...
سيف (تسنا حتى مشات م.فاطمة وضار لعند سمر لقاها حالتها تشفي العدو حط يدو على كتفها) : شوية دابا ؟
سمر (بحالا لقات علامن تفرگع وجا سيف قدامها ...حيدات ليه يديه بالجهد) : بعععععععععد منيييييي !!!! نتااا نتاااا نتاااااا لي درتيها بلعاني يااااااك !!!!!! فرحتييييي دابا ياااك تشفيتي مزيااان دابا ؟؟؟ (كتهضر بحرقة) عجبببك الحال دابااا ... شفتيني تمرمدت قدامك بحال شي جفاف يااااك !!!!! عارفااك مكتحملنييش ولكن ماشي لهاد الدرجة !!! بعد مني واااه من نهار عرفتك وأنا كطرا لياا شي حاجة !!!!
سيف (كيشوف فيها عاقد حجبانو) : كملتي ؟ خويتي قلبك ؟ ... (باقي كيشوف فيها) يالاه ا الدراري غا سيرو ...
زريقة : ولكن ...
سيف (شاف فيه شوفة حادة وهوما يمشيو ... وحول شوفتو ليها) : سمعيني !! دابا لي طرا طرا ونسايه !! مغنقوليكش علاش وكيفاش حيت فايت حذرتك ومسمعتيش ليا !! ما علينا ... ماماك دابا معصبة منك وبزااف ... راك شتيها مسكينة حاسة بالشمتة ... داباا عندك حل واحد ... راه الا بقيتي هكا (طلعها وهبطها وميل راسو) مانتي فخير .. خاصك تجيبي نقطة مزيااانة باش تفرحيها ... تفاهمنا ؟
سمر (مجاوباتوش)
سيف : يالاه دابا ...
مشاو للمدرسة وطول الطريق والصمت سيد المكان ... سمر مرضاااااتش مها ضربها وسط عباد الله أما سيف بقات فيه واخا صوت اخر كيقول ليه مزيان فيها يالاه تردع شوية ولكن معااامن نتا ا السي سيف ... ما علينا دخلات سمر بلا متشوف فوجه سيف ومشات ديريك للبيت لقات غا نجمة بوحدها بدات طلع وتهبط فيها ... وسمر كاعما مسوقة ليها جات وتكات ويديها على عينيها ... حتى جات غيثة كي العجاج ... جلسات حداها ...
غيثة (كتحرك فيها) : فييين كنتي ا ديك الصگعة ؟؟؟؟؟ بقيت نتسنا فييك ... (شافت يديها) هييييييييييه مااالك شكون دارك ليك هاد الحالة
سمر (ناضت جلسات بزز)
غيثة (شافت شعرها مشعكك وحناكها مزنگين) : ويييليييي ... ويليييييي شكون دار فيك هاد الحالة !!! (كضور فوجهها)
سمر : وصافي تانتي متزيديش فيه !!!!
غيثة : كيفاش منزيدش فيه .... واش شفتي حاالتك فين كنتي هااا ؟؟
سمر : واش دارووك بوليسية ومفراسيش ؟؟؟ خليني عليك
نجمة (كتشفى) : علم الله فين كانت وشكون دار ليها ديك الحالة
سمر (يالاه بغات تنوض ليها وهي تشدها غيثة حبساتها) : ****
غيثة : مغتقولي ليا والو ؟؟؟
سمر (غوتات عليها) : وااااا بععععععدي منييييي بععععديييي منيييييي واش غتبقاي لاصقة ليااا ف***** اووووووف
غيثة (بقا فيها الحال) : يااك واخا هاهي غادة (خرجات)
كملات الاستراحة ومشات سمر تاخد ورقة الغياب طبعا ملقاتش مشكل حيت قالت ليهوم حالة خاصة وفهاد الحالة دغيا كيعطيو الورقة .... مشات دخلات وجلسات حدا غيثة بلا متشوف فيها وهاد الأخيرة مداتهاش فيها حيت مقلقة منها ...
نجمة (بهمس): عندي ليك واحد الخباار سخوونة
ياقوت (كترسم فالدفتر) : قولي
نجمة : ديك **** ديال سمر و**** ديال غيثة تخااصمو
ياقوت (حبسات الرسم وشافت فيها) : واااااايليييي ... ميمكنش هي شي يهودي مات !!
نجمة : قسما بالله تي راه شفتهوم بعيني وسمعتهم بودني
ياقوت (ضحكاات تا الضرسة دالعقل) : مزياااانة
الأستاذة : ادوك الجوجات سكتوووونااا !!
*** عند سمر ***
سمر كانت كتقلب على شي طريقة باش متبقاش غيثة مقلقة منها ..ّ وهي تشد ورقة صغيرة وكتبات فيها <sorry> وحطاتها قدامها ... كي قراتها غيثة بتاسمات ... وكتبات ليها <bchert ... t3awdi lia ach w93 o db> شداتها سمر وجاتها الضحكة وبدات كتكتب ليها ولوخرا كتسنا ... غتموت بالفضوول ... وملي كملات خطفات ليها الورقة وبقات كتقرا وملامحها كيتبدلو مع كل سطر كتقراه حتى كملات كولشي وهي تحط يدها على قلبها وقالت بجهد ومع الصقيل فالقسم
غيثة : اويلي لعااار
وكوولشي ضار كيشوف فيها ... وسمر ميتة بالضحك ....
الأستاذة : ياك لباااس ؟؟؟
غيثة : سمحي ليا
سمر : باااز هيشة صافي !!
غيثة : وا ماشي لخاطري واه
من يعد ساعتين خرجو للاستراحة وكانو مجموعين كاملين غيثة وسمر والدراري ...
سمر(متكية على الحيط ومربعة يديها وكتشوف قدامها) : العشران بغيت نقول ليكم شي حاجة ضرووري
زريقة (كياكل فالزريعة) : قولي نسمعوك
سمر : مبقا والو ويسالي العام وخاصنا نجحو باشما كان ... خاص نتقاتلو ا الدراري ... وهاد الطريق لي حنا فيها راه ممسلكاش
ولد الحاج : وشنو المعمول
سمر : غنقراو فهادشي لي بقا ونشاركو ... مهم نجيبو مهم هاد النقط
زريقة : اودي راك عارفانا مشللين فهادشي دالقرايا فهمتي ... غا متنسايناش لاحفضااك
سمر : متخافووش نموت معاكم
الخصيم : اخفضاااااك
المنونخ (بقا كيشووووف فيها مغوبش)
غيثة (بمهس) : اديك اه ... اش تما ؟
سمر : طلع معايا القالب ا الساطة
غيثة : هممممممم عليا أنا ... تنكون مكنعرفكش
سمر : وا بقاي تمصي عليا فالحامض تماك ...
زريقة : قولوليا الا خدينا  هاد **** دالباك ...
الخصيم (زواه) : اهيااا راه معانا الدرية اصاحبي !!
زريقة : اح ... سمحيليا ا الخوادرية والله تا نسيت
غيثة : ماشي مشكل
زريقة : المهم اش ناويين ديرو ؟؟
سمر : أنا باغا ندير حقوق
زريقة : هايهايهاي ... تمجهدتي ا الساطة
سمر : اوا شنو مالنا كنلعبو هنايا ... اوا ونتا ؟
زريقة (دار يديه ورا راسو) : اودي والله معرفت ... لي درتيه ا الزين نديرو تانا
سمر : مالك ناوي تلصقني حياتي كاملة
زريقة : صراحة كنت ناوي نلصقك غا تا الباك ... ولكن فاش قلتي هاد الهضرة علاش لا أنا نيت معند بويا ميدار
سمر : شويني فيك ويلي بّا
زريقة(شاف فغيثة) : ونتي ا ختي ؟
سمر (شافت فيها) : اه حقا ... ملي تمشي اش غديري ؟؟
زريقة : علاه فين غادة ؟
سمر : للطاليان عند راجلها (غمزاتها)
غيثة : غندير علم النفس ان شاء الله
الخصيم : تبااارك الله ..الله يسخر ليك أختي
غيثة : اميين
سمر : ونتا ا الخصيم ؟؟
الخصيم : اودي فينما مشيتي حنا معاك هههههه
زريقة : شتي اش قلت ليك هههههه ونتا ا المنونخ
المنونخ (مخنزر) : معرفت
زريقة: حيد عليا لاش اصلا كنسولك اصلا نتا خانز فلوس ههههههههه
المنونخ (خنزر فسمر): سمر اجي نهضر معاك (سبقها وبعد من حداهوم)
زريقة : هاه مال هدا تاني ... سيري سيري
سمر (تبعاتو وتقابلات معاه) : نعام ؟
المنونخ (زير على يدها) : منين طاحت عليك هاد الفكرة دالقرايا تاني هااا ؟؟؟؟ من جاك ميخي يااك ؟؟ دوي اش بينك وبينو تا لي قالها ليك ديريها هااا؟؟
سمر (تنترات فيه) : هييييييه (وراتو يديها) شوووف هنا شوووف هنا ... مكاين والو ياك ؟ مكاين تااا خاتم ...يعني مانك خطيبي ولا راجلي اوا ا ولد الناس دخل سوق جواك واااخر مرة تحط عليا يديك ولا عينيك نجبدهوم ليك سمعتيييي !!!! وحاجة أخرى ديك القضية دالغيرة الحامضة غا نساها حيت مكنحملهااش (مشات رجعات بلاصتها)خلاتو كيتغدد
المنونخ : ضرتي فيا الضورة دالكلاب !!! واخا !!!
#يتبع ...