للسماء قمر و لقلبي أنت

الجزء 35

#للسماء_قمر_ولقلبي_أنت 💙
بقلم : stories and novels
الجزء : 35
سمر (تكات على الناموسية) : اوووووووف الله دابا عاد رتاحيت ... كنحس براسي عاد تولدت من جديد
غيثة (تاهي تلاحت فالناموسية لي مقابلة عليها) : كنتي طالبة عليها هههههههه اوا لي جبدنا يلقانا ...
سمر (تكات على ضهرها) : باينة هاد العام مغيدوزش هو هداك مع هاد اللفعات ...(تنهدات) تابعينا جوج حروب ... (ضارت عندها ) الحرب اللولة (☝) نخرجو من هنا ناجحين بنقطة زوينة والثانية (✌) نوقفوا هاد الحليقمات على حدهوم (بتاسمات بشر) 😈😈
غيثة (بتاسمات بشر) : حنا درنا لي علينا هضرنا وموقرونا ... الحر بالغمزة والعبد بالدبزة 😈
سمر (شافت فيها باستغراب) : منين كتعملي هاد الهضرة ؟
غيثة : مي علماتنا كولشي ... تربيت على أن البنت خاص تكون دراع ماضي إلى حطيتيها فوق الجرح يبرا ... الشقا والنقا ... تدبغ الهياضر وتصبن الزرابي ... تنكس وتنگش وما تعيا ما تگول أح ...وإلى حطيتيها فالجماعة تشطح وتغني وتنقش الحناني أما إلى دخلتيها للكشينة (الكوزينة) تعجن وتطيب وتفنن فالحلاوي وفوق هادشي قارية القران وتنظم الشعر وتگول الكلام بالقوافي ...وهادي با الله يرحمو ... كيموت وكيوصي فمي تقرينا كاملين ... أنا ورقية وسيف
سمر (ميقات فيها) : بفففففف ...هادا شغل الخدامات ... علميني غير الكلام أما داكشي خليه ليكوم
غيثة (بابتسامة) : تسمعك مي تقرصك من فخاضك
سمر (بفخر) : أنا كتعجبني الحاجة الواااجدة ... منتكرفس ما وااالو ... نعيش الفووق ... الفلوس والطوموبيلات والفيلات
غيثة : اوا لي بغا الزين يصبر لتقيب الودنين ... تا حاجة ما كتجي بالساهل ... والله ومادمرتي وتكرفصتي لا وصلتي ... كيگول ليك خدم يا صغيري على كبري ... خدم بكري ولا روح تكري
سمر : ممممممم ...اي فرصة جات قدامي غنشد فيها بيدي وسني ... منقدرش نبقا كتر من هكا بهاد الحالة (كضور عينيها فالبيت بقرف)
غيثة : التاجر الا طلب لولاد كيجيه غير الريال والمسكين الا طلب الريال كيجيوه غير العيال
سمر : 😂😂😂😂 ... اشنو دابا الا طلبت الفلوس غيجيوني الدراري ؟ بااش ؟ 😂😂😂 اوووف ضحكت
غيثة : ضحكي ضحكي ههههههه اجي بعدا ... راه سيف غيبقا يجينا فالسبت والحد يشوفنا ومرة مرة غتبقى تجي معاه ماماك
سمر (خسرات سيفتها وخنزرات) : افففففففف ... ملقيتي شكون دكري غير داك عوج السيفة يا تفوووووو لاش بيجي لاااااش ... يالاه تهنيت منو يخ يخ يخ 😠😠😠
غيثة : 😳😳😳😳 ... (ضرباتها بمخدة وناضت) يا تي كوني تحشمي راه خويا هداك ... ولا المعايرة فالوجه صابون وفالظهر طاعون
سمر (ناضت قافزة) : انعلك موك ا الحمارة ... راه داك وجه الركبة دايز فيه السبان والمعيار (كتغدد بيديها) مكنحملووووووووووش مكرهت نقتلوووو نقتلووو يعععع كيعيفني
غيثة (ميقات فيها) : مسيكينة ممممم كتغزلي وتبخي فالعافية والشمتة للدل
سمر : الشماتة هو خوووك القرد لاخور يخخخخخخ أنا بغيت ليه الدل المدلوووول ... فار الدقيق لاخور
غيثة (طرطقااااات بالضحك) :هههههههههههههههههههههههههههههههههههه هو فار الدقيق ونتي خربوشة
سمر (ميقات فيها) : لهلا يحيييك ولا يتمنييك ولا يوصل يديك لرجليك ... هاد الزين كولو والطولة والشعر ... وتقولي خربوشة شو غا السمية كي دايرة ... (دارت رجل فوق رجل وضورات وجهها) ويلي با
غيثة : ههههههههه هو لي گال ماشي انا ... وزايدون شكون بحالك شيبات القايد عيسى ودارت داكشي لي مقدرو عليه الرجال كانت مرا حرررة ومرا بميات راجل
سمر (بدا يعجبها الحال) : مممممم ... اجي واش هي لي غنيتي أغنيتها لايطو فاش تلاقيناها المرة الثانية ؟وبغات تموووت بالفقصة
غيثة : هههههههههههههههه ايييييييه ... تال شي نهار ونحفضها ليك ونشرحها ليك ونعاود ليك قصتها
سمر : مشااااات
بقاو البنات كيضحكو ويهضرو ... مرة يدابزو مرة يهضرو عادي تا وصلا الستة وصونات ... وكاين لي مشا لدارو ... ولي عندهم الداخلية هبطو للبلاصة فين كتكون الماكلة وحطو ليهم الماكلة ... كلاو وطلعو للبيت لقاو فيه نجمة وياقوت غير كيخنزرو فيهم ... ماداوهاش فيهم وجلسو كيراجعو اش قراو حتى جا وقت العشا وتعشاو ونعسو ...
فالصباح فاقو بكري ولبسو حوايجهم ...غيثة كيف العادة جلابة ونقاب وصباط وسمر كسوة بالصفر فايتة الركبة شوية وحد المرفق وصندالة كحلة ... كانت كتمشط شعرها ويالاه بغات دير الايلاينر وهي تحبسها نجمة لي كانت مراقباها بحقد وغل ...
نجمة : الماكياج ممنوع هنا ... (شافت فشعرها وضرباتو بخفة) تا الشعر ممنوع يتطلق
سمر (وقفات تقابلات معاها مخنزرة هبطاتها وطلعاتها وشدات شعرها بقرون صباعها كتلعب فيه) : شنو قلت ليك البارح ... هممم ... متقيسينيش ا بنادم ... وحاجة اخرى جيبي شي قانون كيقول هاد الهضرة وجي عندي
دازت فيها ضرباتها فكتفها وجرات غيثة ومشاو هبطو فطرو كل مرة والفطور فشكل مرة الخبز والزيت والزبدة مرة كيزيدو فرماج مرة كوفيتير ... مرة قهوة مرة أتاي مرة حليب ... ومع التمنية كيمشيو اقراو على حسب الساعات لي عندهم ... دخلو للقسم وجلسو فالمقاعد ديالهم ودخلو تا نجمة وياقوت جلسو وراهوم غير التخنزير لي خدام بيناتهم ... تا دخلات الأستادة كرشها لفمها وكتمشى بحال شي بطة ودايرة الزيف ...
الأستاذة (كتمشى بشوييية عليها) : اووووف اوكوووك اووكوووك ... سكاااااات السكاااااات منسمعش الدبااانة كتزنزن فهمتووو ... اوووووف مي كرشي (توجهات للسبورة ومسحاتها وكتكتب فالتاريخ وتغوت) السكاااااات براكا من الصدااااع (ضارت عندهم) غنمشي للإدارة ...قطعو حسكوووم ... اووووف (مشات بشوية وكتوجع)
ياقوت (كتهضر وكتشوف قدامها) : الله ينجينا من مولات اللسان السليط لي شافت راسها لاصقة فالحيط يصحاب ليها عند راسها جوهرة معلقة فالخيط
سمر (عرفاتها كتمعني عليها شافت فغيثة باش تجاوبها حيت مكتعرفش ضرب المعاني وتهضر بالقوافي عندها غير لغة اليدين هههه)
غيثة (جاوباتها بنفس الطريقة) : كيت لي ظل تنگر وتنين بحال الناعورة السحاحة النواحة لي ميگر فيها خير بحالها بحال الكلب تتجبّر فيه وهو يعض فيك
سمر (ضحكات تا بانت ليها الضرسة) : وااااا هههههههههههههههههههههههههههههههههههه الكلب لي كينبح مكيعضش
نجمة (خنزرات فصاحبتها) : جاااوبيها !!
ياقوت (ضارت عند غيثة) : الدجاجة كتقاقي والفروج اش حرگ شطاطو ؟؟
غيثة (بكل برودة) : اوا الديك جاتو الدجاجة على گانتو !!
ياقوت (وجهات ليها أصبع الإتهام) : حتااارميني حسن لييك
سمر(بالغوات) : مكنحتااارموش لي مكيحتارمنااا !!!
غيثة (خرجات فيها عينيها) : وقرووونا راه سنانو فكرشووو
نجمة (ضارت عندهم) : هيااااش ؟؟؟
غيثة : المنجل ... ديما مقلق ومخرج سنانو وماضي ... (وقفات معولة على خزيت وشافت فسمر ) ضرب السارية تحشم الجارية ...
سمر دغيا فهماتها وطلعات فوق المقعد وتلاحت على نجمة وبركات عليها بالنتيف النتيف والعضان فالشعر والقميش فاليدين وشي كيفك شي بقا جالس خايف تجيه الدقة ... وغيثة تحمسات وشافت ياقوت ملهية كتفك صاحبتها وهي تلاح عليها كتنتفها وما أجمل الضربة ديال الغفلة كتفدي كل ما فات ... بقاو على ديك الحال تا ولاو حاااالتهم وهي دخل الأستاذة لقاتهم مناوشين تصدمات وبدات تغوووت
الأستاذة (كتغوت وشادة كرشها) : عوووووكعوووووووك اعباد الله غيسطيييوني .... غنولد غنولاااااااااااااد ... غتولدوني قبل الووووقت الله يعطيكم الجدااااااااام ... الله يلگيها ليكووووم اووووف اوووووف (تكات على الحيط) سكتووووو سكتووووووو الصداااااع لا الصدااااع لا جلسووووو جلسوووووو (شافت فكرشها) متخافش اولدي (طلعات راسها) ميييييييمتيييييي ميييييمتي ...واااااهيا ناااااري واااااهيا ناااري وااا عبد الحمييييد ياااا عبدالله ياااا عبد البشييير...هااالا هااالا يا رجااااب... ادوووك الرباااعة تركنووو لارض ولا هزو قلوووعكم خرجو براااا ... برااااا
سمر (كتجمع فكتوبتها بالزربة) : يالاه يالاه ... قبل متولد لينا هنا تحركو ...