للسماء قمر و لقلبي أنت

الجزء 108

#للسماء_قمر_ولقلبي_أنت 💙
بقلم : stories and novels
الجزء : 108
⏳2020 ⏳
جوديا (كتسوق الطوموبيل ديالها ودايرة ليكيت كتهضر مع صاحبتها أروى): آلو حبيبة صافا كولشي مزيان ؟ ... حمد لله لهلا يخطيك ...  s'il te plait ma belle (عفاك الزوينة ديالي) واخا دوزي من ورا سلطانة فالسونطر ؟ ... عندي رونديفو ... ههههه .... وصافي حتى نسالي ونعاود ليك ... صافي نعول عليك ... ماح ماح بااي (قطعات عليها ... بدات كتشوف راسها فالمراية ...داىت عكر حمر ماط وكملات السوگان)
وصلات للوجهة ديالها وبلاصات الاوطو ... لبسات نضاضر دالشمس ديالها هزات سوارتها وصاكها وخرجات من الاوطو سدات الباب ... دوزات يديها على شعرها ..مشات بكل ثقة لابسة قاميجة اوفر سايز مخططة بالكحل والبيض مخشية فسروال ديال التوب تاهو بالكحل وطالون دخلات لواحد الريسطو راقي وبقاات كضور عينيها حتى شافت الشخص المقصود ... بتاسمات ابتسامة عريضة مزينة بأحمر شفاه حمر ماط ... زربات خطاويها فرحانة حتى وصلات للطبلة فين كان داك الشخص ... حطات صاكها ودارت نضاضرها فوق شعرها وهي طييير عليه بتعنيقة حنييينة ... كدوز يديها على ضهرو وعينيها فيهم القلوبة ...باستو وجات قدامو شادة فكتافو ... والابتسامة مفارقاتهاش ...
الحوار باللغة الإنجليزية :
جوديا : حبيبيبييي ... متخيلش شحال توحشتك توحشتك توحشتك (بقات كتشوف فكل انش فوجهو بحب) كنبغيك ...
جون (نفس المشاعر): أنا كثر حياتي ...أخيرا شفت وجهك الزوين وابتسامتك الساحرة ...جلسي جلسي ... صافا كولشي مزيان ؟ فين خليتي سلطانة ؟؟
جوديا(شدات ليه فيدو) : كتقرا ... وصيت صاحبتي تمشي تجيبها من الصونتر ...
جون (باستغراب): صاحبتك ؟؟ من امتى عندك صاحبتك ؟؟
جوديا(كتهضر بحماس) : ملي جيت لاكادير تعرفت عليها ... صراحة ضريفة بزاااف ودخل للخاطر وفشكل كتبغي ليا الخير... خاصني ضروري نعرفك عليها
جون : اممممم ... ملي هكا مزيان ...(سكت شوية)ااه نسيت شنو تشربي ؟ (صفق و وحه كلامو للسبرفور) عفاك ...
✨✨عند سلطانة ...✨✨
هاد المدة كاملة ةسلكانة مهداش ليها البال بالتقلاب على مول الصوت ... تقربات من نسرين لي كتقرا معاها غير باش تلقاه وصافي ...واليوم قررات أنها تمشي للإدارة وتسول حيت صافي تقادا الصبر ...
نسرين(كتسد شكارتها) : علاش غتمشي للإدارة ؟؟
سلطانة : بغيت نسول على شي حاجة ...(شداتها من يدها وجراتها) يالاه معايا
وصلو للإدارة ...ومشات عند واحد الموظف تماك ...
سلطانة : السلام ... عفاك بغيت نسول على شي حاجة ...
الموظف(بابتسامة) : مرحبا مادموازيل
سلطانة : واش مزال كديرو les activités (الأنشطة) ؟
الموظف : وي مزال كاينين ... ولكن مع الجائحة نقصنا منهم ودابا كاين conversation club ,extra help ,books club ... وتقدري تسجلي فيهم من الفايسبوك فالباج الرسمية ديالنا غتلقاي تماك ALC agadir ... وحتى الا خاصك معلومات كتر غتلقاي لي لغيتي تماك
سلطانة(عوجات فمها) : هممممم ... والموسيقى مكايناش ؟؟
الموضف : لا مكايناش هاد العام
سلطانة(هزات حاجب ونزلات لاخور) : ابون ؟ ... حيت واحد النهار سمعت كيغنيو و j'ai crû que (كان كيصحابلي) كيدربو
الموضف : لا لا ... هداك كان غير show (عرض) كيجيو فيه des artistes , des chanteurs (فنانين ، مغنيين) ... هدا مكان
سلطانة(فرحات فخاطرها) : ااه داكوغ ... تقدر تعطيني سمية اخر اغتيست جا هنا ... الا مكاين حتى شي مانع
الموظف(بابتسامة): مرحباا ... avec grand plaisir ...let me check (بقا كيقلب فالبيسي)
سلطانة (بابتسامة نصر ... شافت فنسرين لي لقاتها مفاهمة والو)
الموظف (كتب السمية فوريقة ) : هاهي السمية ا لالة ... (عطاها ليها)
سلطانة (سلتات ليها الابتسامه بلا هواها ... شدات الورقة بقات تشوف فيها شحاال وهي ديرها فجيبها) merci beaucoup
الموظف : شي حاجة اخرى ؟؟
سلطانة : لا صاافي .. شكرا بزاف
الموظف : anytime (فأي وقت)
مشاو البنات بغاو يخرجو ...ومشاو حدا الباب و وقفو ...
نسرين : اشنو درتي ... مفهمت والو ...
سلطانة(كاعما حاضرة) :لا والو ... ماشي شي حاجة
نسرين : امممم ... المهم نخليك باااي (سلمات عليها)
سلطانة(سلمات عليها بزز) : باااي ... (خلاتها حتى مشات وتبدلو ملامحها) افففف بقا ليا كيفاش نتفك منك حتى نتي ... (تفكرات الورقة جبداتها وهي تبتاسم وقالت بصوت مسموع) مرااد العراقي
#يتبع ...