للسماء قمر و لقلبي أنت

الجزء 14

#للسماء_قمر_ولقلبي_أنت 💙
بقلم : stories_and_novels
الجزء 14 :
فاقت الصباح كيما عادتها قرات داك الصباح وخرجات مع الطناش ومشات للفيلا هي ونديم و وليد ومن بعد غيلحق عليهوم جواد ... من بعد ماسلمو على واليديها طلعو لبيتها بينما وصلات الوقت ... سمر ونديم كانو متكيين فالناموسية كيجمعو و وليد جالس فواحد الفوتوي حداهوم ... حتى دخل عليهوم جواد بعجاجتو ومحمل بساشيات
جواد : سلاااااام عليكم ا الكلاب
سمر (شافتو وناضت جلسات ونديم باقا كيما هي ) : افين ا كبيرهوم (تسالمات معاه بالوجه) صافا
جواد (من بعد ما سلم عليهوم جلس حدا وليد ): نحمدوه ونشكروه ...
نديم (تقادات فالجلسة) : اش جبتي معاك ا خويا
جواد (بتاسم بجنب تا بانت حفرة الزين) : غير شي حاجة باش نتلهاو ... شكلاط شيبس ، بيموات .. مهم السقاطة ومنساوش كارطة
سمر (كطنز) : كارطة ؟؟ ويلي با خاصك غير گارو وقهوة
نديم : الگارو كاين والقهوة حالها ساهل
جواد (جمع الضحكة وتكا اللور) : الله يعفو
سمر (ببرود) : على لي تلفو أما حنا غا كنتكيفو
جواد : باااز الالة .. غتخرجي على راسك ونتي باقا صغيرة ا بنت المعروفي
سمر (بتذمر) : اووووف هاد الديسك طلع ليا ف*** با با لي والدني وميتقول والو وزايدون أنا ممبلياش غا مرة مرة وصافي كونو كووول وااه
جواد (زف عليها بمخدة ) : جمعي كابينتك ا البقرة متبقايش تسبي ... فراسك هاد الهضرة كاع لي بداوه قالوها
سمر (رجعات زفات عليه ) : أنا حرة مسوقش فيا تمام
جواد (شد المخدة عندو) : خاطرك بغيت غا مصلاحتك حيت بحالك بحال نديم
سمر (قلبات عينيها وهاد الحركة معروفة بيها) : مصلاحتي كنعرفها ا التيتيز ... قلب الموضوع بليز
جواد (ضار شاف فوليد لقاه ممسوقش) : هاد خونا گاعما معانا
سمر : هو لي بقا ماعنكشتيهش ...هيييه خلي عليك الناس بلحيتك زعما 😒
جواد (زف عليها بمخدة تا طاحت) : طوال ليك اللسان ا البرهوشة گالسا تزيدي فالطول ولسانك عاد مزاد فالطول
(وجا عنكشها فشعرها)
سمر شعلات فيها العافية وقلبوها نتيف ومضاربة شافتهم نديم ونضامات للمضاربة أما سيهوم وليد محطوط كي شي ديكور خاشي وجهو فالتيليفون ... هوما مولفين ديما هكا عمرهوم يجلسو بحال الناس ولكن ميفوتوش بعضياتهم ... جواد عزيزة عليه سمر بزاف كيعتابرها بحال نديم حيت كيعرفها ملي صغيرة واخا كبير عليها بخمس سنين... لي شاف الضخامة والطولة واللحية يقول هنا نبات ولكن كيهبط لمستواها وكتفوج عليه وكينسا معاها ستريس دالخدمة وداير هكا غير معاها ومع ختو أما فالخدمة كيلبس قناع الجدية والقسوة... وحتى هي بالمثل كتعتابرو خوها لي مولداتوش مها قريب ليها بزاف ... علاقتهم نقية ... علاقة أخوة رائعة ... ميفوتوش بعضهم فالفرح وفالحزن ...
من بعد ما سالاو المدابزة ديالهم طاحو فوق الناموسية كينهجو وغير جواد بوحدو شاد نصها ... حداه سمر ونديم حدا سمر
جواد : سخفيتيني ا البقرة
سمر : اوا باز ا خويا قد قد البغل وكتقول هكا ... راك بلحيتك زعما
نديم : ههههههههههه توحشت ندابزو هكا
سمر : نتي لي جات معاك حيت مكيحگرش عليك بحالي التريكة الناقصة ... كحز كحز ونتا فيك عشرة اووف
جواد : خمسة وخميس ...بصاحتي الا عندك شي ذراع بيني ليا بقات فالهضرة طززز ا بنتي
سمر : اوا لهلا يحييك غير مبغيتش نفوت فيك شي دقة ونخسر زينك لي تكساب
جواد : الحمد لله على نعمة الزين لي شافعة ليا (تهز بالضحك) هههههههههههههه 😂😂😂😂
فهاد الأثناء دخلات مدام فاطمة باش تقول ليهوم باش يهبطو ... حتى كتلقاهوم بثلاثة فوق الناموسية ولاخور مقلز بوحدو
م.فاطمة (كانت لابسة كسوة فالأحمر حد الركبة وصباط كلاس وشعرها طالقاه) : اويلي ... اش كديرو نتوما ... يالاه تهبطو
جواد (تقاد فالجلسة حيت كيحتارمها ) : هههه كيف ديما اخالتي غير مدابزين ... يالاه نهبطو
سمر (ناضت) : وي واخا نمشي نجيب maya ونجي
نديم : ياااي غتديها ؟
سمر : of course
فعلا هبطو ومدام فاطمة والسي المعروفي ركبو فطوموبيل والشباب طلعو فطوموبيل ديال جواد من نوع Ford mustang بالأسود وداخلها بيج ... نديم حدا خوها واللور سمر و وليد وحداهوم مايا المشة ديالها ... وطبعا مكاين غا النشاط حتى شاط حتى وصلو للفيرمة ديال آل المعروفي ... كانت بحال شي قصر ... بيبانها كبار وفيها فيلا وسطها قدامها بيسين كبير و تلاتة الجليسات أنيقين ... عاد كاين بلاصة فين كاينين الأحصنة حيت السي المعروفي كيشري ويبيع فيهوم عندو غير الأحصنة العربية الأصيلة ... وحتى البقر والنعاج والخرفان .. وجوج كلاب حراسة ... وفاللور دالفيلا كاينة جليسة وحداها زعلولة وهاد البلاصة سمر لي قاداتها على ذوقها ...