للسماء قمر و لقلبي أنت

الجزء 3

#للسماء_قمر_ولقلبي_أنت 💙
بقلم : stories and novels
الجزء 3 :
🇲🇦🇲🇦🇲🇦🇲🇦🇲🇦 في المغرب 🇲🇦🇲🇦🇲🇦🇲🇦🇲🇦
هبطات طائرة جاية من مكان بعيييييد ... في أدراج المغرب ... بالضبط فمطار رباط سلا الدولي ... خرجات من الطائرة بنظرات باردة ... كملات الإجراءات ديالها وخرجات منو رافعة راسها... شدات طاكسي ومشات لفندق اونومو طوال الطريق وهي كتشوف فهاد المدينة لي توحشاتها بزااف ... وصلات للفندق كملات كاع الاجراءات الروتينية ودخلات للغرفة ديالها دوشات حيدلت عليها العيا ولبسات بيجامة نشفات شعرها بكل هدوء... طلبات الأكل ... ماهي الا عشر دقائق حتى وصلاتها كلات بشوية عليها وجلسات فوق الناموسية كتخمم فالخطوة الماجية !! ...
🇩🇰🇩🇰🇩🇰🇩🇰🇩🇰 في الدنمارك 🇩🇰🇩🇰🇩🇰🇩🇰🇩🇰

جوديا (انهارت بالبكاء ) : اهههههئ اههههئ اههههههههء 😭😭😭😭😭😭😭😭😭😭😭😭😭 رجعو ليا بنتي اهء اهئ اهئ عفاااكوم اهئ اهئ اهء (طاحت للأرض وشدها جون كيواسيها) اهئ اهئ اهئ اهئ اهئ اهئ اهئ
موسيو العلوي (مخنزر وكيقلب فالتلفون) : ففففف سكتينا تانتي ... ماشي وقت البكا خاصنا نلقاو البنت كتفهمي !!!!
جون (شاف فيه بحدة) : منسمحش ليك تهضر معاها هكا !!! ردة فعلها عادية راها أم !!!
موسيو العلوي (كيسوط ويهز فيديه) : خلاااااص علياااا ديك الفلسفة ديالك خليها للمرضى لي عندك !!!!!
جون (تجاهلو وشاف فجوديا) : حبيبة ... معندكومش شي عائلة ... ربما تكون مشات عندهم !!!
جوديا (وقفات كتفكر) : لا .... لا .... مستحيل تكون مشات عندها !!!
جون : عند شكون ؟
جوديا (بحزن) : عند ماما !!
موسيو علوي : اااه ... معيطناش ليها !!!
جوديا (بانفعال) : ااااش غيوصلها لتمااااا !!!! ميمكنش تمشي لعندهاااا !!! فففففف وزايدون راه حوايجها كولهوم هنا !!
جون : تهدني عفاك ... غير تاصلي بيها ... كولشي ممكن !!
جوديا (بحزن) : منقدرش نتاصل بيها !
جون (بتساءل) : علاش ؟
جوديا : مخاصمة معاها ... مكنهضروش !!!!
موسيو العلوي : خلي الكبرياء ديالك فجيه ... وفكري فالبنت !!!!!
جوديا (بحدة) : لا ممتاصلاش بيها !!! و ... وأصلا كون مشات سلطانة عندها كون تاصلات !!!
موسيو العلوي : فففففف على قصوحية الراس عندك افففففففففف
جون (بقلق) : علاش شنو دارت باش تعامليها هكا ؟؟
جوديا (بسخرية) : قول شنو مدارتش !!
🇲🇦🇲🇦🇲🇦🇲🇦🇲🇦 في المغرب 🇲🇦🇲🇦🇲🇦🇲🇦🇲🇦
قضات شي أيام فالرباط ... بين الأوطيل والمول ... تيليفونها طافي ... قررات متهضر مع حتى واحد حتال الوقت المناسب ... قررات أنها تهبط لمراكش الغد ليه باش ميلقاوهاش ... وجدات حوايجها لي يالاه شراتهم من المول ... تعشات غسلات فمها و نعسات ...
أصبحنا وأصبح الملك لله ☀
لامسات أشعة الشمس وجهها وتسللات لعينيها ... تعنكشات وناضت قضات روتينها الصباحي ... وخرجات في اتجاه المطار ... ديريكت لمدينة البهجة «مراكش»
ماهي الا ساعات حتى وصلات ... كيفما العادة دازت من الإجراءات الروتينية شدات طاكسي ومشات لفندق كنزي منارة بالاس ... ودماغها خاوي ... رافضة تفكر فأي حاجة ... أجلات التفكير لمن بعد ... وغطت فنوم عميييييق ... 💤💤
🇩🇰🇩🇰🇩🇰🇩🇰🇩🇰 في الدنمارك 🇩🇰🇩🇰🇩🇰🇩🇰🇩🇰
دخلات جوديا لبيت سلطانة منهارة ... مشات تكات فالناموسية ديالها وكتشم فريحتها وتردد كلمة «سمحي ليا» جا جون لقاها هكاك جلس حداها وبقا كيدوز يدو على شعرها بحنية وهي عاد مكتزيد فوتيرة البكاء ... بقات على داك الحال حتى غفات ... أما جون يالله بغا ينوض يمشي وضرب صبع رجليه الصغير مع الكوافوز (احح شحال قاصحة) وهو يرجع يجلس كيكمد فالحرقة حتى طاحت عليه فكرة 💡... حل الكوافوز وبدا كيقلب فيه بهيستيرية .. مشا للبلاكار كيقلب كيقلب و والو ... بانو ليه صيكانها تاهوما قلبهوم و واالو ... وجوديا سرحات عجول الآخرة ... عزات عليه يفيقها بحرا ما رتاحت ... وهو يخرج يتاصل بموسيو العلوي ... قاليه باش يجي ضرووري ... وطبعا معطلوش ... مشاو جلسو فالصالون ..
موسيو العلوي (مخنزر) : اش كاين ؟
جون : عارف ماشي من حقي ... ولكن راني قلبت فبيت سلطانة لربما نلقا شي حاجة توصلنا ليها ...ولكن لي ثار شكوكي هو أني ملقيتش وراقها ... لا كارط ناسيونال لا باسبور !!
موسيو العلوي (بتعجب) : كيفاااش !!! وراقها مكاينينش ؟؟؟ واش متأكد ؟؟ (ناض) فين جوديا هي لي غتكون فين كيتحطو الوراق ... ميمكنش
جون (تاهو ناض) : جوديا ناعسة !!
موسيو العلوي : ماشي وقت النعاس هدا !! (دخل مدرم للبيت حتى قفزها ) نوضي نوضي ... عارفة فين وراق سلطانة !!
جوديا (مزال مدعوقة) : ااا ... اش .. شنو .. واقع ... شمن وراق ... بففففف 😵😵
موسيو العلوي (بجدية) : وگضي معايا ... وراق سلطانة فين حاطاهوم ؟؟
جوديا (كتحك فعينيها) : راه فالكوافوز
جون : مكاينيش فيه
موسيو العلوي (تجاهلو ومشا كيقلب) : مكاين والو هنا ... واش متأكدة ؟؟؟
جوديا : كيفاش مكاين والو ؟؟؟ (ناضت بالخف وبدات تقلب) اويلي ... ميمكنش !!!! (مشات للماريو ) تاهنا مكاين والو !!! شنو زعما ؟؟؟ تكون هربااات سافرات ؟؟؟