للسماء قمر و لقلبي أنت

الجزء 42

#للسماء_قمر_ولقلبي_أنت 💙
بقلم : stories and novels
الجزء : 42
هبطو الكوبل ديالنا ... ولقاوهم يالاه حطو العشا ...كاينين كولهوم الا سيف
للالة حادة : بنتي رقية سيري فيقي خوك سيف
رقية (بخوف) : لا لا ... منقدرش غيغوت عليا
للالة حادة : غتحمقووني ... سيري ا غيثة
يالاه غتهضر غيثة وهي تحبسها سمر ...
سمر (بشر) : انا نمشي (متسناتهاش تجاوبها ومشات)
للالة حادة (كتميق فيها وتهضر بصوت منخفض ) : ويلي ويلي ويلي ... ناشفة من الحيا
مشات سمر للبيت فين ناعس سيف وهي ناوية على خزيت ... قربات ليه على قرون صباعها بشوية وبقات كضور فجنابها
سمر (كتشوف فيه) : والله حتى نفديك فيك گاع المعيور لي قلتيه ليا وحتى الضرب والغوات ....طحتي بين يديا .. دابا تشوف
بقات تتقلب فالبيت تا طاحت عينيها على صندالتو ودارت ليها طننن فراسها 💡 هزاتها وقربات لحداه ... دوزات يديها على حنكو برفق وهي تهز الصندالة تال السما وخبطاتو بيها للحنك بجهد تسمعات صلااااااااي وفي ساع فاق مخلوع وعينيه خارجين وحنكو حمر مصورة فيه الصندالة وكيحاول يستوعب اش واقع... أما سمر فرتحاااات وكتغوت ... وهو غير شافها هو يجعر الجنون طلعو ... مع الغفلة وكان ناعس مرضااش عاد الضربة قااصحة بقا كيتحلف عليها وناض بالزربة تابعها كيجري ويغوووووت ... أما مالين الدار كيف سمعو غواتو ناضو قافزين وبانت ليهم سمر خارجة كتجري وهو تابعها بحال شي حمق وكيتحلف عليها ...هربات ليه للسطح وتبعها وبقات كتمشي وتجي ليه
سمر (مخرجة عينيها) : غزييييت فيك ... باش تعلم هاد الخطرة تعايرني وتغوت عليا ... (هربات ليه مور واحد الكرسي) مازااال متزاد شي برهووش ولد المرا لي يغوت عليااا
سيف (تابعها بغا يشدها يخلطها ... عينيه حمريين وعروقو خارجين وفمو مكشكش) : وااااش عارفة اش درتي ؟؟؟؟؟؟ غفلتيني وسط النعاس ومصرفقاني بصندااالة يا البرهوووشة !!!!!! جنيتي على رووووحك برهوشة دالخلاااا
سمر (بقات كضور فالسطح وهازا كرسي زعما الحماية) : بزاااااف عليك ... أنا لالاك بنت سيدك نعطيك طرشة ونزيدك ...يااااااالاه
فهاد الأثناء طلعو مالين الدار كاملين يشوفو اش واقع ... تا لقاوهم بحال المش مع الفار وكيتغاوتو
سيف (كيغوت ومغدد) : قلبتي علياااا ابنت فاطمة ... قلبتي عليااا يا الخربووشة ... غنحييك ونفيك للحبس المنفي لي مافيه لا دفة ولا كرسي ...غنخفيك ونمحي ليك الأثر ... غنقطع ليك داك اللسان السليط وندير منووو گديدة نعلقها فباب الدواااار ... تعلم الفاااهم وتردع الضاسر (غفلها وشدها من شعرها تا غوات وبدات ترطا بين يديه والأخرين غير كيشوفو) قااادر نقطع ليك شعرك نضفرووو ونديرو لجااام نكمم بيه دااك الفم السلييييط لي سابقك للرزية والخطية (كيشوف فيها بعينين بحال الجمر نيشان فعينيها لي كانت نضرة تحدي وكانت قريييبة ليه)
سمر (ملقات باش تجاوبو) : نننننننننننننن ... وا تا نوووض ... قول غلبتك ومرضيتيش (زاد زير ليها على شعرها) ااااااااه طلق ا الحماااار طلااااق
للالة حادة (بدات تولول فاش شافتهم قراب وغطات وكهها بشالها) : ويلي ويلي ويلي ويلي استغفر لله العظيييييم
جاد (شاف القضية غتحماض ومشا فك يد سيف لي كانت مكززة فشعرها) : اش كديير ا صاحبييي ... (فارقو عليها وبعدو شوية) تكالمااا
سمر (كتقيس فشعرها) : والله لبقات فيك يا الكلب المصعوووووور
سيف (بغا يرجع ليها وهو يحبسو جاد) : هادي زاادت فيه بزااااااف
م.فاطمة وغيثة جاو عند سمر اما للالة حادة ورقية بقاو واقفات.. وسمر مزال كتغدد فيه وتشوف فيه شي شوفات ... شي حاجة فوق الكره
جاد (كيشوف فسمر باستغراب ... هي لي جبداتو ومزال مبغاتش تردع ورجع شاف فسيف كيحاول يهدن فيه) : صافي ا صااحبي ...يالاه تعشا يالاه ..
سيف : والله لبقات فيها ... والله لبقات فيها
وتمو غاديين هو وجاد هابطين للتحت ... سمر غير عطاها بالضهر وهي تهز مقبط ديال النشير ونيشات عليه للقلقولة دالراس خلاتو كيغوت ...
غيثة : اويييلي اش درتي
سمر (كتشوف فيه بشر) : عبرت على بوووه
مشاو كيجريو عندو مخلوعين حيت بقا شاد راسو بيديه بجوج ويتوجع ...وسمر واقفة وراهم كتشوف فيهم وعلى شفايفها ابتسامة نصر ... وفجأة وبدون سابق انذار ... تاحد مفهم شنو وقع ... ناض سيف جرا جيهتها بسرعة البرق ... زداها مع الحيط شانق عليه وهازها للفوق وهي تقطع ليها النفس ... شافوه غيثة وجاد وم.فاطمة وللالة حادة ورقية هكاك ومشاو كيتجاراو باش يفوكوهم ... خافوه يقتلها حيت كانت معمية ليه البصيرة بكترة الغضب ...جاد كان شادو وكيحاول يجرو وغيثة من الجيهة لوخرا ولوخرين كيتغاوتو
سمر (النفس مقطوع ليها ومعلقة الفوق وكترطا) : كحححح كحححح ... (كتهضر بصعوبة) ط ل ق ... عفاا ... عفاااك
غيثة (كتحاول تجرو) : نعل الشيطااان اخويااا ... اويلييييي
جاد (كيغوت مغوبش) : وااا طلق اصااااحبي !!!! راه غتقتل البنت طلللللق (جرو بجهد حتى سيف طلق من سمر وطاحت للأرض كتلطاقت أنفاسها بصعوبة )
سيف (كيشوف فيها بحقد) :دايرا بحال القرد تشدو يرغبك تطلقو يعوجك !!
سمر : كححح ... كحححح (وقفات بصعوبة وكتشوف فيه شحاااال ... وهي تجمع رجليها عندها وركلاتو للمعلم خلاتو كيتلوى بلاصتو) : القرد هو نتا ... (مشات بالزربة قبل ميشدها وديريكت لدارهم وتبعاتها م.فاطمة)
للالة حادة : ويلي ويلي ويلي ويلي اش هادي !!! يخ يخ يخ نااشفة من الحيا ..ناشفة من الحيااا
جاد وغيثة عاونو سيف يوقف وهو كيغووت ... نزلوه للتحت وتكاوه فوق السداري ... بقاو معاه حتى تهدن ليه الألم و ولى لباس ... تعشا وهو سااخط .. ومشا ديريكت نعس ... وتبعوه البقية تا هوما نعسو... أما سمر مسلماتش من المخاصمة والنگير ديال مها ... وهي كانت فرحااانة حيت حسات بطعم النصر ... مداتهاش فيها وخلاتها تا كملات وخسرات عليها «تصبحي على خير» ونعسات وخلاتها كتغدد بوحدها ...