للسماء قمر و لقلبي أنت

الجزء 53

#للسماء_قمر_ولقلبي_أنت 💙
بقلم : stories and novels
الجزء : 53
سلطانة : وكيفاش ولات حياتك من بعد هادشي ؟ ومنين كتجيبي الفلوس باش تشري ؟
سمر : منكدبش عليك فاللول ... كان عاجبني الحال وكنت فالطوب دو الطوب ... والأعراض مكنتش حاسة بيهم بالمرة حيت جاوني عادي ...ولكن الناس لي ضايرة بيا هي لي لاحضات هاد الأعراض ... ولكن شكون تسوق ليهم ... والفلوس كنت كنتصاحب مع الدراري دالليسي تا يعطيوني الفلوس ونسرسبهم ... وكنت كناخدهم من عند ماما ... مرا نقوليها فوطوكوبي ... مرة خاصني دفتر مرة كتاب ...
سلطانة (حطات يديها على كتفها) : هادشي كولو داز عليك ا مامي
سمر (حطات يديها على حنكها وتنهدات) : ماعليش ... هادشي كولو هو لي خلاني هكا ... (شافت قدامها)جبل ما يهزو ريح
سلطانة (بابتسامة فخر) : أنا فخورة بيك (باستها فحنكها)
سمر : هههههه ... زيدي نهبطو تحرك البرد (ضارت جيهة شيماء) مسكينة نعساات ...عزات عليا نفيقها ولكن غيضربها البرد هنا
سلطانة : عيطي لحبيبي يجي يهزها
سمر : اييه واخا (وقفات) يالاه حنا نعسو ونخليو الكاتبة تكمل للقارئات
سلطانة (وقفات حداها) : اشنو دابا القارئات يكملو وأنا لا
سمر : راه قلت ليك متكونيش فضولية ... كل حاجة بوقتها وا يالاه راه غنموت بالنعاس ... هبطو ينعسو وطلع جود يهز شيماء حيت كانت كتسرح عجول الآخرة ... ودابا اجيو نكمل ليكم تحت ضو هاد النجوم والقمرة ...
#فلاش_باك 🐾
سالاو البنات قرايتهم ودخلو لبيوتاتهم الا ياقوت ونجمة ... بدلو حوايجهم ... غيثة جلسات كتراجع و سمر متكية فوق الناموسية ...
سمر (كتلعب بشعرها) : أم الغيث ...
غيثة(كتشوف فكتوبها) : هممممم
سمر : ضفري ليا شعري
غيثة (شافت فيها) : نعام نعام نعام ؟؟
سمر (قربات لحداها وجلسات) : شوفي ديري شي ستيل زوييين ....ديري ليا الراسطا
غيثة : بحال الشمكارات ؟؟؟ واش شوية لباس ؟؟😒
سمر : الا شمن شمكارات ... بغيتك ضفري ليا شعري كووولو ... راه غير حيت كيعدبني وصاافي !! راه فراسي بلي كتعرفي ... وا عفااااااااك
غيثة : 😒😒😒😒
سمر : عفاااااااااااااك
غيثة : اووف صافي طلقي مني ... يالله زيدي (جمعات الكتوبة) ... جلسي قدامي (جلسات سمر بين رجليها وبدات تفك فشعرها وتمشطو وضفرو) صراحة معرفت منين كيطيحو عليك هاد الافكار
سمر : كنمل من راسي وصافي ...
غيثة (حبسات): اجي بعدا شتك گاعما تليتي تحفضي !! الامتحانات قربو ... وليتي تغيبي بزااف ... فين كتمشي
سمر : فففففف مبقاش فيا عييييت
غيثة : اوا ياك باغا طيري للسما وتعومي وسط النجوم ...اوا راه خاصك تقراي ليل ونهار ...وتخدمي باش توصلي ...اصحاب ليك الجاه والمال كيجيو بالساهل
سمر (بتذمر) : متخاافيش ... داكشي لي بغيت غااانوصل ليه ... سوا بالساهل سوا بالصعيب .... مممممم خليني نفكر ... بالساهل حسن معزيزش عليا تمارة هههههههههه
غيثة : باااز اختي بااااز ... هاني نگولها ليك من هنا ماشي تيفوت الفوت ... الطريق لي كتسلكي مع دوك الرباعة راه مااااهياش ... شوفي غا حالتهم كي دايرة
سمر : هاد النصائح خليهوم ليك أنا عارفة اش تندير
غيثة : ياااك الالة ... اوا عنداك تندمي وتجي لعندي كتبكي
سمر : لا لا أنا مكنبكيش ... متخافيش
غيثة : هانا ساليت يالاه نوضي حيدي عليا
سمر (مشات للمرايا كتشوف) : اوووو حسن من لي كنت كنتخيل الصراحة ... (كتمرر يديها على الضفيرات) هادشي زويين صراحة ... جيت قوقة
غيثة : جيتي بحال سافاريان
سمر (ضرات لعندها) : اشنو ؟؟
غيثة : بحال دوك السياح لي كيجيو هنا فالصيف
سمر : ااااااه ههههههه... واش تماك فين شافك جاد ؟
غيثة(بابتسامة) : ايييه تماك !!
سمر : مممممممممم ... مزيااان ... شي نهار نمشيو تماك
غيثة : تال الصيف ... ودابا باركة من الهضرة خليني نحفظ
سمر : هاهي غادة ... (تمت خارجة) خليت ليك البيت كولي الكتوبة نتي گاع ...
خرجات سمر من البيت وبقات كضور فالساحة ... وهي تمشي لواحد البلاصة مدرقة مكيوصلوش ليها الحراس والادارة لقات عشرانها غير دراري جالسين تحت واحد الشجرة كيتبادلو المعلومات ههههه...
سمر (بابتسامة عريضة) : اووووووو نتوما هنا وبلا بيا من الفوووق ... (سلمات عليهوم كاملين وجلسات وسطهم)
سفيان والملقب بالمنونخ(هو لي مصاحبة معاه سمر حاليا حيت لباس عليه فيهم وكيضبر عليهم باه عطار كبير فالمدينة...كان لابس كاسكيطة مقلوبة وسروال وتيشورت هو منونخ وكيقولو ليه تا ولد القايد ..لون بشرتو عادية وعينيه زرقين وملامحو عسليين طوييل وعامر حتى قرب يكون غليض ... غا مگدم ومكلخ ...كيشالي بيديه) : توووما ورقو ليا ا العشراان ... الساطة ديالي جات ويلي ويلي ههههههههااااي (حط يديه على كتافها) افيين احبي
عصام والملقب بالخصيم (أسود البشرة وحروفو كحلين وديما عاقدهم طوييل وعامر شوية شخصيتو قاصحة ومكيدويش بزاف ...كان داير كارو فوق ودنيه وكيشوف قدامو مخنزر ) : وياااااااه العشران ...ختي قمر خودي خودي نطري نطرة مرحباااااا بيك
سمر : ميات مرة كنقول ليك سميتي سمر ماشي قمر
عصام : بحال سمر بحال قمر ... الله يجيب غا الصحة والسلاامة
حبيب الدين والملقب بزريقة(زريقة نسبة لعينيه الزرقين ... هو شهب وشعرو كثير طويل تاهو وعامر شوية ضارب الدنيا بركة وممسوقش وضحوكي ولكن باغي يوصل واخا هكاك): مديييش عليه ا الخوادرية ...
كريم والملقب بولد الحاج (كان لابس كاسكيطة مقلوبة وسروال وتيشورت هو الزوين فيهم ملامحو كحلين وبيض عينيه كبار وشعرو كحل كثيف طوييل وعامر شوية و شخصيتو هادئة نوعا ما ومافيهش التبرهيش يعني شخصيتو متزنة مكيودويش بزااف وعزيز على سمر حيت داخل سوق راسو...) : هانية ؟
سمر : فووووق السلك ا الزين
المنونخ (مد ليها جوان) : هاكي احبي ... هادي على قبلك نطري النطرة اللولة توصلي تاال لقااهرة
سمر (شداتو من عندو وبدات تنطر منو وتسوط الدخان) : احفظااااااك ... وا نطراااا واشمن نطرااا
الخصيم: بصاااحة الخوادرية ... فين خليتي عشيرتك المعقدة
سمر (خنزرات فيه) : اهياااا ... فوت عليك غيثة راها مخطوبة
المنونخ (ضار لعندو) : اهيااا باقي تجبد عشيرة الساطة ديالي تارا بربي ورحمة بوويا تا نخسر خوويا
الخصيم: مبقا حد يسووول ... زريقة كب كب شي كاس معااك
زريقة(كاعما فهاد العالم شد فيه داكشي تا بدا يهضر مع واحد الحجرة) : دابا غا قولي ليا مالك ... مال قلبك قاصح ... هااا ... جاوبيني
المنونخ: الله يعفو
الخصيم : على لي تلفووو
زريقة : اما حنا غا كنتكيفووو هاهاهاهاهاهاهاهاها
سمر (ولاو عينيها حمريين وشد فيها ... بدات تغني وتشالي بيديها) : يااانا يااانا ياناااا ياااناااا... في حبيييبييي اموووت انا ... في حبيييبييي ... امووت انا بلهيييبي يا عذاابي وحبيييبيي ... (وقفات كتشطح) وحبييبيي ماداري بيييي ... وعلشااااااانه امووووت اناااا ههههههييييييهييييييووووو (جلسات)
المنونخ : وااا مييي ميييي ...
بقاو مقصرين حتى قرب يطيح الضلام تفرقات الجوقة ...مشات سمر للبيت مبوقة شادة راسها غير بزز ... ياقوت ونجمة غير كيتغامزو عليها ... وغيثة كتشوف فيها بتشكيك ...
سمر (موجهة كلامها لياقوت) : عنداااك عينيك لاطيح ... وا حضينيي تاني خزييت تفووو بشااار كيداير (تلاحت فوق الناموسية ديريكت)
نجمة (كتعوج غا بوحدها) : غيثة ... مال صاحبتك هاد ليااام همممم
ياقوت (كتغمز ليها): ولات عاطياها غير للسهير و تجي معطلة والضوران مع دراري دالقيسم ...
غيثة : اوا مكيدخل بين اللحم والضفر غير الوسخ ...الجمل كيشوف غا حدبة صاحبو ... طفيو الضو (تغطات وعطاتهم بالضهر)
#يتبع ...