للسماء قمر و لقلبي أنت

الجزء 137

#للسماء_قمر_ولقلبي_أنت 💙
بقلم : stories and novels
الجزء : 137
أصبحنا وأصبح الملك لله ✨🌻فاقت سمر كيف العادة ودارت روتينها الصباحي ولبسات تيشرت فالبيض وفيه زواقة وصاية مزيرة من الخصر وجاية مطلوقة تحت الركبة بشوية مع سبرديلة بيضة وشعرها دارت ليه ذيل حصان مع مكياج خفيف صيفي مع بعض الإكسسوارات ... خلات غيثة كتزيد اللمسات ديالها على الموضوع وهي مشات باش تلاقا بآدم وباش تجيب دفتارها ...وصلات للبلاصة المعهودة وبقات كتقلب حتى عيات مابانش ليها ... مشات جلسات فالبلاصة فين كانو وطااالع ليها الدم حتى كتسمع سميتها ... تلفتات لمصدر الصوت وقشعاتو من بعيد لابس تيشورت بيض عريييييض وكبير وفيه تخربيقات بالحمر وسروال دجين غامق طاويه وكونرفيرس طالعة حمرة مع تقاشر بيضين طالعين ونضاضر دالشمس فعينيه ونايفيا فيديه وجوج سناسل عراض فعنقو ... شافتو سمر ومشات عندو وهو يعنقها ...وهي كانت ساخطة غير عنقها ونسات بلي معصبة وبادلاتو العناق ...
آدم(تقابل معاها بابتسامة) : يالاه وصلتي ؟
سمر(بقات كتحقق فيه عاد لاحظات بلي تاقب ودنيه وحدة) : لا ... ماشي بزاف
آدم : يالاه ...
لاح عليها يديه وتمو غاديين وهي مزعماتش تسولو فين غاديين ... ماكاملة حتى خمسة دقايق و وصلو لواحد دار الضيافة ودخلو كان مكان رائع وهادئ وطبعا فيه غير الگور ... طلعو فالدروج لي كانو قلال ومن الطين والفوق كان تاهو كيجلسو فيه غير هو خاوي وعازلين الطبالي ماشي بحال التحت ...وآدم مشا نييشان لواحد الطبلة معزوولة على بنادم مغطية بواحد النخلة ومغطية حتى من الفوق والأغرب أنه كان فيها واحد البوگوص اشمنك يا بيوضة ... اشمنك يا جلسة ... داير رجل فوق رجل يا لالة والنخوة والشهامة ... الشعر قهوي وكثير ومقاد والنيف منقاد والفم حمر واللحية خفيفة ومطراسية ... والجسم مقاااد ومبودر ... وزادها بديك القاميجة البيضة ومحلولة من الصدر وباين الوشام ديالو لي على شكل خفاش فالجيهة ليسر... ومطلع الكمام وباينة المگانة الغالية وبراسلي سامبل ... وخاشي القاميجة فسروال التوب كحل مع سمطة عريضة وسباط كلاس كحل ... وداير تريكو كحل فوق كتافو ... وشاد جورنال بيديه الكبار والمعرقين ومرة مرة كيشرب شوية من القهوة بكل برجوازية ... عينيه مزال معرفنا لونهم حيت داير نضاضر دالشمس ...سمر شافتو داااخت ... محسات حتى لقات راسها واقفة حداه بدات كتشوف فآدم بغرابة ... وزادت الغرابة خصوصا فاش وقف وكان طويييييل وعريض وريحتو مكسرة الدنيا ... سلم على آدم بالعناق ...
آدم :  (هادي هي سمر لي .... عاودت ليك عليها)ve bu da samar... sana bahsettiğim kiz
... (حيد النضاضر بشوية وبانو عينيه زرقين وبقا كيشووووف فيها وهو يمد يديه وبتاسم ابتسامة خفيفة): اهلا سمر
آدم(شاف فسمر) : سمر ... هادا خويا أمير ... لي هضرت ليك عليه ... نسيتيه ؟؟؟
سمر (عااد عرفاتو ومدات ليه يديه): ااااه ...
أمير : تفضلو ... (بعدما جلسو ... وكان غياكلها بعينيه) آدم مكنتش متوقع المفاجأة ديالك غتكون بهاد الجمال والروعة(حك لحيتو بشوية وكيحقق فيها وهو يشرب شوية من قهوتو) شنو غاديرو اليوم ؟ (شاف فآدم )علاش ماتمشيو للبلايص لي كنمشيو ليهم ... كنضن سمر غيعجبوها خصوصا وأنها عمرها شافتهم
سمر (واخا تبرزطات بشوفاتو وهضرتو لي كلها فوحان ولكن مبغاتش تبين) : قلنا غير نتلاقاو وصافي ... وأنا مزال خصني نرجع ... يعني مخصنيش نتعطل
آدم(بحزن) : اوووووو ... بصح ؟ ...اوا صافي نبقاو هنايا حسن ... what do you think ? (اش بان ليك)
سمر : ça marche
جا السيرفور وجاب الماكلة لي ديجا طلبها أمير قبل ميجيو .. بداو فالماكلة وأمير بدا كياكل بشوية عليه وبالتاويل عكس آدم لي كان مطلوق وضارب الدنيا بركلة وكياكل بيديه ورجليه ههههه ...سمر بقات حاضية أمير كيف كيتصرف وعجبهاااا ... جاها راقي ومصواب وكيعرف يهضر ... فكرها فأيام العز وهادشي لي خلاها تعلق بيه دغيا ... ونفس الشئ بالنسبة ليه تاهو بقا حاضيها وكيف جالسة وميف كتشوف وكيف كتبتاسم شوية ودغيا كتجمعها وتغوبش ... وكيف كتصرف وكيف كتاكل ... وهي غير جلسات معاهم شوية ورجعات ليها سمر ديال شحال هادي ... سمر البرجوازية ... قاطع تأملاتهم آدم الهبيل ...
آدم : اوووووف ...O kadar *şiştim* ki  hareket edemiyorum (كليت حتى مبقيت نتحرك) غتسمحولي دقيقة ..Geliyorum (هاني جاي)
مشا آدم للطواليت وخلاهم بزوج ساكتين حتى أمير كسر داك الصمت ...
أمير(كيهضر وياكل) : بنت بهاد الجمال ... ستيل unique (متميز) ... هضرة كلاس ... comportement (سلوك راقي ) ...(شاف فيها وغمزها) شنو كدير هنا ؟
#يتبع ...