للسماء قمر و لقلبي أنت

الجزء 8

#للسماء_قمر_ولقلبي_أنت 💙
بقلم : stories and novels
الجزء : 8
فطرو العائلة فجو مليئ بالفرح والضحك والنشاط ... وطبعا كولشي كيتغزل فجمال سمر وهي عااحبها الحال ...
سمر (بابتسامة) : وصافي حشمتووني 😂😂
سيف الدين (عنقها بجنب) : خليو عليكم مراتي
سلطانة : ههههههه ... مامي وريني الألبوم ديال التصاور
سمر : واخا نساليو ونطلعو للفوق ونتفرجو فيه
سيف الدين : اه حگا ... سلمو عليكوم رقية و آدم
سلطانة (بالغوات) : ااااااااااااه ... داك المهرتق توحشتووووو
سمر (قفزات) : بشوية ... الله ابنتي الله (دارت يديها فوق قلبها) ... اش كيعاودو لباس ؟ مقالوش ليك بلي غيجيو ؟ توحشتهوم كاااملين ... توحشت نتجمعو بحال شحال هادي
جود (حنحن) : احم احم ... مهم أنا غنخرج (وقف) عندي شي شغل نقضيه على برا ... (شاف فشيماء) اجي معايا
ناضت تبعاتو حتال الباب وشاف فيها مخنزر
جود : مالك ... اش واقع ساهية بوحدك ؟
شيماء (عينيها فالارض) : سلطانة
جود : مالها .... (ماجاوباتوش) يا طلقينا !!
شيماء(بصوت خافت) : شافت فراشنا ... مفرق ... الصباح
جود (حد لحيتو ومحافظ على نفس التغوبيشة) : هممم ... واش قلتي ليها ؟
شيماء : مخاصمين
جود : واخا ...مهم بلا متشغلي راسك بيها ... خاصك شي حاجة ؟
شيماء : لا ... والو
مشا خرج جود .. وهي رجعات حداهوم ... كملو فطورهم
ومشات سمر طلعات لبيتها هزات تلفونها كتاصل بموسيو العلوي
سمر(بابتسامة) : السلام ... كيداير لباس عليك ؟
موسيو العلوي (بتعب) : بخير ... ونتوما ؟
سمر : بييخيير ... احسن حاجة درتوها فرحتونا والله ... عمرات علينا الدار
موسيو العلوي (تقاد فالجلسة ) : نعام ؟ علاياش كتهضري
سمر (بابتسامة) : اويلي علاياش كنهضر ... على سلطانة !! فرحت بزاااف والله
موسيو العلوي (تصدم) : اشنوووو ... (وقف) سلطانة عندكووم ؟؟؟ بلاتي بلاتي ... ياك كنت تاصلت بيك وقلتي ليا مكايناش !!!
سمر (باستغراب) : اه ... ولكن غير البارح جات ... علاه مفراسكش ؟؟ هي قالت ليا فراسكوم ... و (قاطعها معصب)
موسيو العلوي : سلطاانة راه هرباات ... عيينا منقلبو عليها وغبر ليها الأثر اخالتي !!!!! فففففففففف (ساط بعصبية) متخيلتش انها توصل لتماك !!!
سمر (وقفات بصدمة) : اشنووو ... هربات ؟؟ ... يعني هي كدبات علينا !!! وفين كنتو تا هربات ... ففففف ... قطع قطع تال الشوية ونعاودو نهضرو ... بسلامة ...

🇩🇰🇩🇰🇩🇰🇩🇰🇩🇰 في الدنمارك 🇩🇰🇩🇰🇩🇰🇩🇰🇩🇰
موسيو العلوي فور ما سمع الخبر مشا طااااير لعند جوديا ... دخل بعجاجتو والكشاكش ففمو كيحيح عليها
موسيو العلوي (كيغوت والعروق خارجين) : صاااافي تهنيتيي امدااام ... شتي الكبريااااء والغرووور ديااالك فاين وصلنا !!!!!
جوديا (وقفات معصبة) : اسبحااااااان الله ا الشريف ... داخل مدرم وزايدها بالغوااات
موسيو العلوي : هادشي فاش فااالحة فييه ... الغوات وتخرااج العينين بنتك ا لالة راها عند موووووك
جوديا (تصدمات ) : كيفااااش ... شكتخربق نتاااا ...
موسيو العلوي : ااااه ا لالة بنتك مشاات للمغرب ونتي مجايبة للدنيا خبااار ...
جوديا (جلسات للأرض مصدومة) : ميمكنش ... ميمكنش تمشي لعندها ... مغنخليهاش تمشي عندها ... ميمكنش
موسيو العلوي (بالغوات) : يممممممكن الالة يمككككن ... دابا لي عطا الله عطاااااه ... هاهي هربااات وخلاتنا هنا كنتشواو ... مشااات عندها عرفتي علاش ... حيت لاقية الحب والاهتمااام كتر من واليديهااااا ...
🇲🇦🇲🇦🇲🇦🇲🇦🇲🇦 في المغرب 🇲🇦🇲🇦🇲🇦🇲🇦🇲🇦
سمر طلعات ليها القردة للراس ومشات نيشان ليها للبيت .. دخلات مدرمة وقابلاتها معايا ...
سمر (معصبة) : كيفاااش عطاك خاااطرك تكدبي عليا ... دووووويييي !!!
سلطانة (معرفات باش تبلات) : مامي ... مالك ؟
سمر(بحدة) : نتي هاااربة وكتقولي ليااا توحشتكوووم !!! واش غتخرجو ليا العقققل !!!!!!!!
سلطانة (جمد ليها الما فالركابي) : ا شنو ...
سيف و شيماء سمعو الغوات وجاو كيجريو ...
سيف (مخلوع) : ياك لبااس شواقع ؟؟؟
سمر (شافت فيه) : شواقع ... لي واقع هو هاد العقل لي باقي لينا غيمشي !!! البنت ا سيدي كدبات علينا !!! راها هاربة من واليديها !!
سيف (عقد سبعة فربعة) : اشنووو ... سلطانة هادشي بصح !!
سلطانة (خافت منو حتى تحشو ليها الركابي وجلسات فوق الناموسية حادرة راسها ماراضيااش)
سيف (قرب ليها بخطى متثاقلة وقال بحدة) : شوفي فيا
سلطانة (حادرة راسها)
سيف (بالغوات) : راه قلت ليك شوفي فيا !!!!! (هز ليها راسها من ذقنها) علاش درتي هكا ؟؟ واش مفكرتيش فماماك لي غيكون قلبها محرووق عليك ؟ مفكرتيش الا وقعات ليك شي حاجة اش غيطرا فينا !!!! باغا تهربي عالأقل قوليها لينا حنا !!! ولا قوليها كاع لماماك مغتقوليكش لا .... (تنهد) 😤😤
سلطانة (طلقات العنان لدموعها) : لاااااااا .... لااااااا .... انا عيييت .... عيييت من المشاكل كل نهار .... اهئ اهئ اهئ عيييت من الغوات والصداع كل نهار ... اهئ اهئ اهئ بغيت نرتاح .. (ببحة تدبح القلب) واش ماشي من حقي ؟؟؟؟؟ اهئ اهئ اهئ أنا هنا فين كنرتاح اهئ اهئ كنرتاح معاكوم ... بغيت نعيش معاكوم اهئ اهئ ماما وبابا مطالقين ولكن مزال كيتخاصمو ... وماما مصاحبة مع واحد البسيكولوغ اهئ اهئ نهار ومطال خارجة معاه فينما درت شي تديني ليه اهئ اهئ اهئ اهئ انا عيييييييييت عيييييييت
سمر (بقات فيها) : بنتي سلطانة ...
سلطانة (بعصبية مخلطة مع البكاء) : خلييييونييي اهئ اهئ اهئ خليييونييييي (مشاات خرجات كتجري وخرجات من الجنان بقات كتجري بدون وجهة محددة بقات مسافة بعيدة وهي كتجري وكتبكي وماحاساش بالطريق حتى بانت ليها دار مهجورة بحال لي فالدنمارك جلسات فواحد القنيتة وجمعات رجليها وكتبكي وهي فبالها بلي باغا تهرب وترتاح وانسب مكان هو دار مهجورة ولكن هي معارفاش بلي هاد الدار المهجورة ممكن تقلب حياتهم رأسا على عقب ...)
توقعاتكوم ؟؟؟