للسماء قمر و لقلبي أنت

الجزء 17

#للسماء_قمر_ولقلبي_أنت 💙
بقلم : stories_and_novels
الجزء 17 :
•••••••••• عند م.فاطمة و السي المعروفي••••••••••
بعدما مشا جواد مع ختو ... بقاو م. فاطمة و السي المعروفي مع وليد لي ممسوقش ساهي وكيكمي ... بقات م . فاطمة كضور فجنابها وكتغمز راجلها باش ينوض معاها بعد عدة محاولات فهم وناضو دخلو للفيلا ودخلو للمكتب ديال السي المعروفي كيخدم فيه بعض الخطرات الا بغا يبعد على الصداع ... كان طاغي عليه اللون الأسود ... جلس السي المعروفي فواحد الفوتوي دالجلد ومقابلة معاه م. فاطمة
السي المعروفي : كنسمعك
م. فاطمة : علاش مهضرتيش قبيلة مع سمر ... اش هاد الفشوش كولو ؟ واش فراسك غتخرج عليها غير بهاكا !!!
السي المعروفي : واش جايباني تال لهنا باش تسمعيني نفس الديسك ؟؟
م.فاطمة : البنت كضييع كضيييع ... ها الگارو ها الشيشة ها السهير ها الماطر ها الويل الكحل ونتا مشجعها والا هضرت أنا غنتسمى ممزياناش !!
السي المعروفي : اووووف !! راه عادي كاع صحابها كيديرو هكا فين المشكل ؟
م.المعروفي : المشكل ا سيدي هو بنتنا غتخرج على حياتها هكا كتفهم !! الفشوش الزايد ديالك غيخرج عليها لا (ضحكات بسخرية) وقال ليك بغا يشري ليها موطور باش تفقصو ليا مرارتي !!! فففففف
السي المعروفي : لاتزيديش فيه تاني هاديك بنتي وباغي نفرحها
م.فاطمة : تانا راه بنتي ومنقدرش نشوفها هكا ونسكت كتسمعنيييييي
السي المعروفي (ناض متوجه للباب) : ففففففف طلعتي ليا فراسي نتي وهضرتك واش معندك فراسك تاحاجة من غير هاد الديسك بدلي شوية واااه (خرج وردخ الباب)
م.فاطمة (على إثر الردخة سدات عينيها قافزة وهبطو دموعها ) : اهئ اهئ غيخرج ليا على بنتي ياربي عاوني اهئ اهئ (كدوز يديها على فخادها بحرقة) ياربي تهديها وتهديه يااربي ... 😢😢😢
وقفات ومسحات دموعها وخرجات تشم الهوا ... ولقات وليد بوحدو جالس كيفما خلاتو ... جلسات حداه وشوية جات نديم كتجري
نديم (كتنهج) : وليييد اجي الا بغيتي تلعب معانا
وليد (شاف فيها ) : اوكي واخا
م.فاطمة : وأنا ؟ .. ولا هادشي بين الشباب
نديم : ممممممم بحال هكاك اخالتي هههههه تشاااااو
ومشاو لعند سمر وجواد وجلسو كيلعبو كارطة ... ها الرونضا ها راس الغميز ها جبّن قرّع ها بونجوغ مدام ... إلخ حتى قلبوها action / vérité ... بداو يضورو فالقرعة وجات فسمر تسول نديم
سمر (شافت فيه بشر ) : مممممممممم اشنو مواصفات فارس احلامك ؟
نديم (كتشوف فخوها) : هااا
سمر : بلا متشوفي فيه راه عادي ويلي
نديم : مممممم اكون بحال ويليام هولدين ولا ميل فرير اححححححح
جواد (هبط عليها للراس) : اسبحان الله ا الشريفة
نديم : ااااايييي
سمر : ياكما بغيتيه محمر من الجناب ومدردر عليه الكوك ؟؟ بففففف غيخرجو عليك دوك المجلات والأفلام
نديم : دخلي سوق راسك (خرجات لسانها) 😝
وليد (بملل) : واش مغتكملوش اللعب ؟
جواد : وي يالاه
ضورو القرعة تاني وبقاو كيلعبو حتال العشية عيطات ليهم الخدامة باش يديرو كاسكروط ... سالاو ماكلتهم
السي المعروفي : بنتي الغزالة ... عندي ليك مفاجأة !!
سمر : بصح ؟؟ اشناهيا ا papa
السي المعروفي (غمزها) : اجي معايا
نديم : و انا ؟ 😋😋
السي المعروفي : ههههه يالاه كولكوم
فعلا مشاو كاملين وسمر وباباها القدام وصلو حدا واحد الشجرة ولقاو طاووس كبيير زويين
السي المعروفي : surprise (مفاجأة ) !!!
سمر (باستغراب ) : paon ?? (طاووس)
نديم (كتشوف بإعجاب) : زوييين ا عمي
السي المعروفي : oui paon (اه طاووس ) ، عرفتي علاش طاووس بالضبط ؟
سمر : نووو
السي المعروفي (عنقها من كتافها) : جبت ليك طاووس باش كل مرة جيتي هنا خاصك تجي تشوفيه ... عرفتي علاش ؟ باش كل مرة شفتيه افكرك بلي مرا بحالك خاصها تحيا بحالو (شير ليه) بحال الطاووس
سمر (أخيرا بتاسمات ديك الابتسامة الساحرة) : wooooow (عنقاتو بجهههههد) merci papaaa
السي المعروفي : c'est rien pour toi ma petite
نديم : 😍😍😍 ayyyyy çok güzel (ايييي زوين بزاااف )