للسماء قمر و لقلبي أنت

الجزء 18

#للسماء_قمر_ولقلبي_أنت 💙
بقلم : stories and novels
الجزء 18 :
هكا دوزو العائلة السعيدة نهارها فالفيرمة ... وكانت هادي نبذة عن حياتهم الجميلة ... ولكن واش هاد الحياة غتدوم دائما ؟ ... يقال بأن السعادة ماهي إلا فاصل زمني يفصل الحزن عن الحزن الآخر ...
~~~~~~~~~~ عند سمر👑 ~~~~~~~~~~
من بعد ما خدات الإذن من عند والديها باش تبات مع نديم ... مشاو للفيلا ديالهم لي لا تقل روعة على ديالها ...جواد مشا للمكتب ديالو يكمل شي شغل ... وهوما طلعو لبيت نديم لي كان كيوت وهادشي كيعكس شخصيتها ... خداو دوش ولبسو بيجامات وطلبو من الخدم يطلعو ليهم الحلويات والشوكولا وشيبس وداكشي لي كان ... قادو جليسة قدام التلفازة لي كانت بالأبيض والأسود وجلسو هوما فمخاد كيوت ... خدمو أفلام وكياكلو ويبرگو
سمر : اححححح البطل شحال تيتيز ... كنموت على أفلام اودري هيبورن ومارلين مونرو
نديم : مالك زهوانية مالك
سمر (مركزة فالفيلم) : ايييييه زهوانية ونموت فالزين (ديديكاس لهبة 😂)
نديم : اجي بعدا اش قالب داك وليد ... جيتوني غير كتنافقو فبعضياتكم وصافي
سمر(كتشوف فالتلفازة) : مدي مدي داك الشكلاط (مداتو ليها ) شكراا ... تماااما انا غا مدوزة بيه الوقت وصافي وتاهو ...(كتعبر بيديها وتاكل) بيني وبينك بدا يطلع ليا فراسي واخا عمرو دار لي شي حاجة خايبة ... ولكن راك عارفاني الا كترت trois mois (تلت شهور) والله يعاون العاونات
نديم(كتشوف فيها) : اه صراحة هو داخل سوق راسو ... واخا انا معنديش معاه هههه
سمر : فخبارك لقيتيني كنفكر فشي سبة نكركبو ... كنتسناه يدير شي حاجة والسيد واااالو لصقة
نديم : كون كانت باينة فيه كيبغيك كنت غنقولك حرام عليك ولكن تاهو n'est pas là (محاضرش) اتس أوكي يعني
سمر : ففففف ياربي يدير شي حاجة نفرتكو الشمل ملييييييت ... باش نيت فالصيف نضبر على شي تيتيز اخور
نديم : يا ختي باااااز مكتعيايش
سمر (غمزاتها وضحكات) : يا ختي نعيشو الحياة ههههههه
نديم : اجي علاش مكضحكيش بزاف ... ضحكتك زوينة والله ... ونتي يا ربي السلامة ديما مخنزرة بحالا دايين ليك الورث
سمر : باش يعطيني بنادم التيقار ... وميضسارش فهمتي
نديم : هههههه (تلاحت عليها كتبوسها) والله تا عزيزة عليا كنموووووت فيك
سمر (دفعاتها) : ويلي توبة توبة استغفر لله شهاد المنكر ... اجي ياكما ليسبيانة وأنا مفخباريش ؟؟ همممم وأنا نفهم داكشي علاش عمر عجبك شي حد (قرصاتها) دوي يا الحمارة همممم
نديم : اويلي arrête هههههههه باراكا ... صافي غير حيت عزيزة عليا أنا ليسبيانة واخا فيك
سمر : حالتك عليا ... انا بعدا كيخلعوني الهضور الزوينين ... مكرتاحش ليهوم ومكنعرفش نجاوب عليهم
نديم : قلبك قاصح يا ختي
• دق دق دق •
نديم(بالغوات) : دخوووووول
سمر(يديها على قلبها) : الجهل تفو قفزتيني
طل عليهوم جواد من الباب وكان لابس بيجامة فالأزرق ونضاضر دالشوف والشعر طايح على عينيه كيبان كيوت
جواد : باقي منعستو ؟
سمر : التيتيز فين غابر
نديم : جوجو دخل
دخل جواد وجلس فالأرض حداهم وجاو تخشاو فيه وحدة عالليمن و وحدة عالليسر
جواد : مزال مبغيتو تنعسو زعما راه غدا داخلين مع التمنية هممم
سمر : مزال الحال ا ماما
جواد (ضربها لراسها) : والله يا مك 😒
سمر : اححح ... متعرفش تشد مكافشك عندك
جواد : ونتي متعرفيش تشدي لسانك هاد الطولة والتجريدة والزين والعينين زرقين وتقولي ماما
نديم : ههههههه وا باراكا مادابزو
جواد : نوضو نوضو تنعسو
نديم (تفوهات) : اه نيت انا فيا الموت دالنعاس 😴😴
سمر : هادي هي لي عولنا عليها نسهرو طزز
جواد (هز نديم وغادي بيها للناموسية ) : هوووبلا ... زيدي تنعسي ونتي فيك كترة الهضرة
سمر : تانا هزني يااالاه ولا والله لنعست
جواد (ضحك تابانو سنيناتو اابيضين المستفين ) : ههههههه واخا يا لالة
مشا هزها وحطها حدا نديم لي سرحات عجول الاخرة ... غطاهم وباسهوم
جواد : good night ladies
سمر : sweet dreams
طفا الضو عليهوم وخرج خلاهم ناعسين ... وتاهو مشا يكمل واحد الكتاب سميتو « الروح الحية » زوييييين وغطس بين سطوره حتى داه النعاس ...
#good_night_ladies 🍁