للسماء قمر و لقلبي أنت

الجزء 44

#للسماء_قمر_ولقلبي_أنت 💙
بقلم : stories and novels
الجزء 44 :
جا وقت الغدا وهبطو يتغداو بلا نفس ... والصمت سيد المكان
سمر : خلود ... امتى غتمشي لبلجيكا ؟؟
خلود : غدا غنمشي
جود (بسخرية ومكيشوفش فيها) : علاه مفراسك ... علقو الرحلات اليوم من المغرب لبلجيكا والبرتغال وهولندا وحتى ألمانيا
خلود (تصدمات) : اشنوووو ... (دارت يديها على فمها) اوومايگاد اش غندير دابا !!
سمر : مشكيلة هادي
خلود (ناضت ) :سمحو ليا ندير ابيل ونجي
مشات للجردة وجبدات التيلي عيطات لماماها... تسنات شوية حتى جاوبها . (الحوار باللغة الكورية ... حيت مها كورية وباها مغربي )
خلود : annyeong eomma (سلام ماما)
الأم (سميتها تشو-هي) : Né ttal kentchanayo (كيدايرة ابنتي ؟ )
خلود (دارت قرون صباعها بين عينيها وغمضاتهم) :    Kentchana eomma neon(بخير ونتي ؟)
تشو-هي : Nado kentchana.... eonje olgeoya? (حتى أنا ... امتى غتجي ؟ )
خلود (تنهدات) : Aiisshh... Nan olssu oebseo Geudeul-eun yeohaeng-eul meomchwossda! (ففففف ... هادشي علاش عيطت ليك ميمكنش نجي راه علقو الرحلات )
تشو-هي(بصدمة) : mwooo!! Dangshin eodissoyooo? (كيفاااش !!! وفين كاينة نتي دابا ؟)
خلود (كتمشي وتجي ... وهي تجاوبها مترددة) : Naneun jad eiddaa (عند جاد)
تشو-هي(بصدمة) : Mwoooo!! Neo michyeosseo (اشنوووو ... واش تسطيتي ؟؟ )
خلود : Geuneun imi modeun geoseul algoissda . .. Naeileun hotel ganda (راه عرف كولشي اصلا ... المهم غدا غنشوف نمشي لشي اوتيل)
تشو-هي : Aisshh arasseo arasseo... Naeil bojago jeonhwa halge.(فففف واخا واخا ... تال غدا ونعاود نعيط ليك)
خلود :Chalga yo(بسلامة) ...
قطعات ورجعات لعندهم ...وجلسات كملات غداها بصمت ... كملات وبقات كدير الاتصالات ديالها للاوطيبات و والو ... كولشي ساد وصعيب تلقا واحد دابا ...اليوم دوزوه عادي ملتازموش بالبروگرام ... معندهم خاطر بسبب هادشي لي طرا ليهم اليوم ...بقا كل واحد داخل لبيتو وساد عليه الا سلطانة كتلعب فالزعلولة ودايرة ليكيت... وخلود معاها ولادها جالسة فالجنان...دارو كاسكروط مجموعين فحو يسوده الصمت ... وجا وقت العشا ...
سيف : احم ... لقيتي شي اوطيل ؟
خلود (بضيق نفس) : فففف ... لا كولشي ساد
سمر : بقاي هنا قدما بغيتي ... الدار كبيرة وعطا الله البيوت
جود (شافيها شي شوفات ديال واش من نيتك ؟؟؟؟)
خلود : لا لا ... بلا منتقل عليكم ... اصلا مناوياش نبقا
سيف (جاه ميساج فالتلفون) : فففففف ...
سمر : مالك ؟
سيف : حبسو حتى السفر بين المدن ... ومن غدا الخروج غيتمنع بعد الستة
خلود : لاااااا ... فففففف ... شهاد الزهر
سمر : معندك تا خيار اخور ... غير بقاي معانا
خلود : و حوايجي ؟؟
سمر (بابتسامة) : واش هادشي لي هازة ليه الهم ؟؟ ها حنا تلاتة دالبنات فالدار لبسي معانا ... ولا نشريوهم من الانترنيت
سلطانة : أنا معنديش مشكل نلبسو أنا وياك
شيماء (مهضراتش حسات بناقوس الخطر حيت غتبقى معاهوم ... غرغرو عينيها وبقات حادرة راسها فالطبسيل)
خلود (بابتسامة) : شكرا ليكم بزاف !!
جود (وقف مخنزر) : احم ... تصبحو على خير
سمر : وأنت من أهل الخير ... (شافت فيهم بعدما مشا) أنا مزال مافيا النعاس دابا ... نجلسو برا شوية ؟؟
سيف : أنا عييت ... غنمشي نعس ... تصبحو على خير (مشا)
خلود : واخا ولكن بغيت شي بيجامة باش نرتاح
سمر : واخا نوضي معايا ... ونتوما سيرو سبقونا وقولو للخدامات يحطو لينا فاكية والشكلاط ... المهم راكوم عارفين
مشاو سمر وخلود للبيت باش تعطيها بيجامة وباش ينعسو الولاد... وسلطانة وشيماء قالو للخدم اقادو ليهم البلاصة وجلسو كيتسناو فيهم .. حتى جاو وخلود كانت لابسة بيجامة باللون الأبيض بسروالها وجات على طايتها خطيييرة ...غير شافتها شيماء وهي تكزز واحد المخدة حداها ... بقوة الغيرة ... بالسيييف السيدة مقادة من ساسها لراسها ...
سلطانة : اواا ... شكون هاد مسخوطة الوالدين لي غنشدو فيها النميمة هاد الليلة هههههه
خلود (هزات مخدة ودارتها تحت مرفقها) : صراحة توحشت بحال هاد الجلسات الجو غزاال ... هاد السنوات كولهوم بقيت بوحدي
سمر : مرحبا بك بيناتنا ... متخيليش شحال عزيزة علينا
خلود : ربي يخليك ... ولكن (طلعات حاجب) مكنضنش عزيزة على كولشي (شافت فشيماء) شيماء ؟ عمرنا هضرنا بزوج ... وكنضن واخدة عليا فكرة خايبة ... شوفي احبيبة انا مناوياش على شر !! وبصراحة أنا بغيت نمشي من هنا مهنية ... وماشي حيت طليقة راجلك غتعامليني هكا (غمزاتها مع ضحكة) وصااافي
سمر : مكاين لاش هاد الحساسية كولها ... أولا ؟
شيماء (دارت ضحكة صفرة) : سمحو ليا 🙂
سمر : هههههه المهم ... شبان ليكون نديرو ابيل فيديو مع أم الغيث ... علم الله كي غتكون حالتهم دابا
سلطانة : يكونو باقي فايقين زعما ؟؟
خلود : راه فرق التوقيت بينا وبينهم جوج سوايع
سمر : نعيط نشوف ... (عيطات ليها وبقات شحااال عاد جاوباتها)
غيثة (معصبة ومشعكة) : ينعل طواسك مك ا الحمااارة تفوووو ..بغيت ليك الصمك ... بغيت ليك الساكتة المسكوتة واش ضربك حمار الليل وجاية تفيقيني انا ؟؟؟ (تسمع صوت جاد مبحوح ومبوق بالنعاس )
جاد(مخنزر) : شكون معيط فهاد الوقت ؟ 😠💤
غيثة : وشكون من غيرها ... خزيييت عليها
سمر (طرطقااات بالضحك) : ههههههههه انوضي اديك البقرة ...ونتا مالنا ياك لباس ؟؟؟ شعلي شعلي الضو نشوفوك
غيثة (باقي معصبة) : تشوووفي جهنم تفووو يخليك بالخلا ... ففففف تسناي بلاتي (شعلات الضو) هاني نمشي نغسل خنشوشي (مشات وخلات التيلي حدا جاد)
سلطانة : جااادوووو
جاد (مغمض عينيه) : ممممممم
خلود : خليه مسكين راه فيه النعاس
جاد (بصوت غالب عليه النعاس) : قوليها لديك اللفعة .... ممممم
جات غيثة وهزات التيلي ...
غيثة : هاني التحت واخا ... خليك ناعس (طفات الضو ومشات)
جاد : ممممممم
هبطات التحت ودخلات لواحد البيت وسدات عليها ... وتقابلات مع الكاميرا
غيثة : هايهايهاي مجموعين كاملين ؟؟ واش خلود هادي ؟؟؟
خلود : ايييه هي انا .. لباس عليك ؟
غيثة : نحمدوه ونشكروه ...شكاديري تماك
سمر : علاه مفراسك ... صدقت جدة ومفراسيش ههههه جود صدق والد التوام من خلود هادي تلت سنين كيحمقووو ياختي
غيثة (بصدمة) : ااااا ؟؟؟ علعااااار ؟؟؟ شنو سميتهوم ؟؟
خلود : زياد و يزيد
غيثة : ايييييي ... غدا صيفطو ليا تصاورهم ضرووووري
خلود : كوني هانية
غيثة : 😍😍😍😍 ياختيييييي توام من الفوق ... الله يخليهم ليك ... (شافت فشيماء) شوشو حبيبة خالتو لباس ؟
شيماء (معندها خاطر) : بخير ونتوما ؟
غيثة : بخييير ... غير البارح جبدناك أنا وريحانة توحشناكم بزاااف
سمر : كيف عاملة بخير ؟ حتى حنا ... ياربي تفك هاد الأزمة ونتجمعو تاني ... توحشت دوك ليام !!
سلطانة : كيف دايرة مع هادشي نتوما كاع عندكوم تما مشقلب
غيثة : غااا سكتي .. لهلا يوريك الطايح كتر من النايض والنايض كيحبو على ركابيه 😟😟
خلود : ففف صافي قلبو هاد الموضوع
غيثة : هي اللولة ... علامن نهضرو اليوم ؟
شيماء (وقفات) : تصبحو على خير ... عييت
سمر (شافت فيها) : صافي مشيتي ...تصبحي على خير
غيثة: بسس ... مالها بانت ليا مقلقة ؟؟
خلود : مقلقة حيت جيت
سمر : الاا لعنداك غا بقا فيها الحال شوية ... راك عارفاها بحالها بحال مها ...
بقاو البنات كيجمعو ودازو على كاااع الناس لي كيعرفو جبدو ضواسيهم ... حتى قرب الفجر وكل وحدة مسات نعسات ... كتسنى فاش مخبي الغد ليه 🍁