للسماء قمر و لقلبي أنت

الجزء 81

#للسماء_قمر_ولقلبي_أنت 💙
بقلم : stories and novels
الجزء : 81
الجو ولا مشحون سيف و المنونخ بقاو كيتبادلو التخنزيرات ... وعلاين يقلبوها سباط ...
م.فاطمة(بضحكة صفرا) : هممممم ...مالكم ساكتين مالكم فعزو ؟؟ راه عندنا anniversaire زعما !!
بدات م.فاطمة كتفرق فالحلوة عليهم كاملين وهوما كانو جالسين كياكلو وهي تمشي تدي للبنات التحت غير مشات والمنونخ هجم على سيف شنق عليه ...
المنونخ(معصب وكيغوت) : اش كيصحااب ليك راسك تشد ليا فيدي ؟؟؟ شكوووننن نتاااا !!!!
سيف (حط الطبسيل بهدوء وهو يشدو من قرفادتو وقربو حتال لوجهو مخنزر وهضر بهمس) : صاحبي !!! سير تكمش بلاصتك حسن ليك ولا مغيعجبك حال
ولد الحاج(وقف) : ياك لباس شنو كاين ؟؟؟ واقعة شي حاجة ؟
المنونخ(ضار لعندو معصب) : نتا صوقك ؟؟
ولد الحاج(جاي قاصدو مخنزر) : شنااااهوااا ؟؟؟
سمر(وقفات مخنزرة وكتغوت) : هييييييه هنيوناا مالنا ياك لباس ؟؟؟(شافت فالمنونخ وكتشالي بيديها) ونتا ا الشريف مالك داير لينا الطيارة ؟؟؟ جمع راسك ولا دردب مع الدروج!!! قلنا نكونو ضرفيين ساعة شكون خلاك !!
المنونخ(كيشوف فيهم كاملين وكيهضر بالغوات) : صاافي زعما تحاميتو عليا دابا ولا شنووو !!! ضورتو ليا السمطة !!!
سيف(بالغوات) : هييييييه متغوتش !!! تصحااب راسك فزريبة هنا ولااا
المنونخ(ضار عندو مغدد) : نتا ماشي صوقك ديها فراسك حسن ليك !! يصحاب ليك معارفكش علاياش ناوي ... سمع مني هاد الهضرة مزيااان ... عمرك تحط عينيك على شي حاجة ماشي ديالك
الخصيم(بالغوات) : سفياااان !!!!
سيف(تنفس الصعداء ...حاول ان ميمشيش يضربو) : خرج ... 😤😤😤
المنونخ(كيهضر تحت سنانو) : ماشي نتا لي غتقول ليا امتى نخرج
سيف(تعصب ومشا شدو من دراعو وجرو لاحو بجهد) : قلت ليك خراااااج
المنونخ (شاف فيهوم كاملين بنزرة تهديد) : عقلو على هاد البلان مزيااان ... عقلووو
سمر(تعصبات وبدات تغوت وتشالي بيديها) : واش مكتسمعش ... سير فحالك ا بنادم قبل مطلع ليا القردة للسطح غنبدا نسب ونخلط فبنادم هنا ... سييير
المنونخ (بنفس النظرة ... طول فيها الشوفة) : واخا ... واخا ... عقلي على هاد الوجه مزياااان
مشا مدردب خرج وردخ الباب حتى خرجو العيالات التحت مخلوعين ... طلعات م.فاطمة باش تشوف شنو واقع ... لقات الجو مكهرب ...وكولشي مغوبش
م.فاطمة(مخلوعة) : ياك لباس شنو وقع ؟؟ شكون لي خرج ؟
زريقة : غير سفيان لي خرج
م.فاطمة (باستغراب): علاش مشا من دابا ؟؟(بنظرة تشكيك) ياكما دابزتو ؟
زريقة(حاول يلطف الجو) : راكي عارفاه كيف داير معندك لاش تخافي ... دغيا كيتقلق .. هههههه غدا يرجع كيضحك عاادي (مشا وقف حدا سمر وعنقها بجنب) ونتي ماباغاش تشوفي الكادواات ؟؟
سمر (مغوبشة): بففففف داك النم طيرها ليا بالله !!
زريقة : شوفي الا مبغيتيهوومش عطيهم ليا والله منقول لا
سمر(شافت فيه زعما من نيتك) : ههههههه شناهواااا ... زيد زيد نشوف اش جبتو ليا !!
م.فاطمة(بحزن) : مسكيين مشا بلا ميتعشا !! مي بون مرا أخرى ان شاء الله ...(شافتهم كيضحكو وصافي نسات الموضوع) اوووو صافي غتعطيوها لي كادو ؟؟ اوا تسناوني (مشات كتجري هبطات للتحت)
زريقة (شد سمر و وقفها فالوسط وجاو الدراري وقفو حداها)
سمر : اوا ياللاه راني كنساين !! نشوف واش عندكم الذوق ولا لا
الخصيم : بلاتي ا الساطة تجي مك
سمر(بهمس) : ادووك ااه ياكما جبتو ليا شي قرعة ولا شي جوان ..راني عارفة طاسيلتكم معند مكم علاش تحشمو
زريقة : الصراحة فكرة واااعرة هادي ... ضوماج مجاتش فالبال
سمر (ضرباتو لكرشو) : يااك لمك !!! هادا منسوا عندك
ولد الحاج : شششش ها مك جاية
م.فاطمة(جاية وهازة فيديها بلاستيكة) : هاني جييييت ... اشنو كنتو كتوشوشو ودابا سكتو همممم
سمر(حابسة الضحكة) : واااالو ... يالاه عطيوني الكادوات ... (بحماس) شكون غيبدا ؟؟
م.فاطمة : انااا (قربات ليها ومدات ليها البلاستيكة) joyeux anniversaire ma princesse (عيد ميلاد سعيد أميرتي) (عنقاتها وباستها) ماشي شي حاجة مي كنتمنى تعجبك
سمر(بابتسامة) : ميغسييي ...(خنزرات فيهم) اويلي توما صفقوو ... (صفقو) هكاك هههه ... (بفضول) نشوفو اش جبتي لياااا ...(حلات الساشية ولقات شي حاجة بيضة) اووووووه c'est une robe ? (هادي كسوة ؟ )
م.فاطمة : حليها بعدا كولها و شوفي !!
سمر(حلاتها كولها) : وااااااو ... كسوة دعرسك ؟؟؟ واااااو (عنقاتها) شكرااا ... شكرااا بزااف ...
#يتبع ...