للسماء قمر و لقلبي أنت

الجزء 98

#للسماء_قمر_ولقلبي_أنت 💙
بقلم : stories and novels
الجزء : 98
أصبحنا وأصبح الملك لله ☀
هبطات سلطانة فالدروج ... لابسة تريكو بيض عريض وقصير مبين كرشها وصاية دجين تاهي قصيرة حد الفخاض وكونفيرسة كحلة طالعة وتقاشر بيضين طالعين ... شعرها مطلوق كالعادة حيت قصير ... دايرة ليكيت فودنيها وهازة محفضة فوق كتفها ... مشات عند مها فالكوزينة لي كانت لابسة حوايج الخدمة فيست كاروات بالكحل والبيض معاه سمطة عريضة من لويس فيتون وسروالها عريض شوية وتاهو بحال الفيست وطالون بيج ...و مكياج راقي و شعرها خلاتو على راحتو كتحط الفطور وكتهضر فالتليفون لي حاطاه على كتفها ..
جوديا : اه ولفت هنايا ... زوين عجبني ... بخير الناس ضريفين فالخدمة حتى le patron (المدير) ...(جات سلطانة باستها على غفلة وهي ضور شافتها ومحلات بالعمى) اا .. ماما ... عرفتي شنو قطعي قطعي après ونعيط عليك واخا ؟ يالاه بيزو ... (حطات التيلفون ودارت يديها على جنابها وعقدات سبعة فربعة) شهاد الحالة ؟؟
سلطانة (ببرود) : اشمن حالة ؟
جودية (تنهدات) : واش هادي حالة ديال القراية ؟؟
سلطانة : علاش مال حالتي ؟
جوديا : ااا بنتي ااا بنتي ... حتى نكونو خارجين لشي بلاصة à part (من غير) المدرسة ولبسب لي بغيتي mais (ولكن) نتي غادة للمدرسة خاصك تحتارميها ... داكوغ ؟؟ وا يالاه سيري بدلي حوايجك ... وا سيري راه غنتعطلو
سلطانة(كتغبن) : هاهي غادة ... مشات لبسات سروال دجين واسع وطالع وهبطات تاني)
جوديا (فرحات): هاا ... دابا مزيان ... يالاه جلسي فطري
سلطانة(جلسات وبدات تفطر) : واش مامي لي كنتي كتهضري معاها ؟
جوديا : وي هي ... سلمات عليك
سلطانة : كيف دايرين لباس ؟
جوديا : بخير ... هاهوماك عايشين
سلطانة : مساكن بقاو بوحديتهم
جوديا : شنو بان ليك ندوزو الويكاند معاهم
سلطانة : bonne idée (فكرة مزيانة) نيت توحشتهم بزاااف
جوديا : حتى أنا ... (شافت فساعتها) يالاه نوضي هاني كنتسناك فلوطو واخا
سلطانة : واخا
مشات جوديا للوطو ديالها من نوع mercedes g wagon باللون الأسود ... ديمارات و تبعاتها سلطانة طلعات ومشات وصلاتها لمدراستها وهي مشات للكلينيك فاش خدامة كدكتورة جراحة ... هبطات من الطوموبيل وعطات السوارت للسيكيريتي لي كاين حدا الباب باش يبلاصي ليها اللوطو وهي دخلات وعلى وجهها ابتسامة وكتحيي كولشي ... وصلات للبيرو ديالها ولبسات طابلية بيضة طويلة شوية وجلسات ودارت نضاضر دالشوف وبقات كتراجع فشي وراق حتى دخلات بنت طويلة وشعرها كورلي وطويل حتى اللخر ديال ضهرها ... ملامحها بريئة وحروفها كحلين وجمالها طفولي ... حتى هي كانت لابسة طابلية بيضة ...
جوديا (شافتها وفرحات) : أروى !! ... دخلي دخلي
أروى : صافا ؟؟ (سلمات عليها) يالاه جيتي ؟؟
جوديا : وي يالاه دخلت ... اوا اش كتعاودي نتي
أروى(بملل وكتلعب فشعرها) : والو غير الدار والخدمة ...مكرهتش نخرجو ونفوجو شوية ... صراحة عييت من الخدمة
جوديا : هههههه الا بغيتي تفوجي فوجي بوحدك ... واقيلا نسيتي راه عندي بنت
أروى : لا منسيتش ... ا صاحبتي بنتك راه كبرات تبارك الله ... خاصك تانتي ضوري براسك شوية وااه
جوديا : ههههه لا شكرا ممحتاجاش
أروى : هاي هاي هاي عمرك عاودتي ليا ا الجنية
جوديا : اش غنعاود ليك ... اصلا مكاينش هنا ... (تنهدات) اففففف توحشتو بزاااف
أروى : هايهايهاي ... هي طحتي طيحة خاايبة ...(وقفات) خليني خليني نمشي نكمل خدمتي هاد الهضرة خاصها شي جليسة الراس فالراس ... باي باي ا الزين ...(مشاات)
#يتبع ...