للسماء قمر و لقلبي أنت

الجزء 93

#للسماء_قمر_ولقلبي_أنت 💙
بقلم : stories and novels
الجزء : 93
جوديا : سلطانة سيري طلعي لبيتك وجمعي حوايجك ... من الأحسن نوجدو على تيساع
سلطانة : واخا
سيف : صافي بغيتو تهناو منا دغيا ؟
جوديا : اش كتقول ا بابا ... راك عارف سلطانة ضاع ليها العام ... مبغيتش يضيع ليها هدا حتى هو اولا لا ؟
سيف(بابتسامة خفيفة) : غير كنضحك معاك
سلطانة(مشات عندو عنقاتو جنب) : اصلا غنباو نجيو عندكم حنا قراب ... ياك اماما
جوديا : sure (أكيد)
سمر(بتعب ومتسناتهمش يجاوبو) : أنا غنطلع لبيتي ... (تمات طالعة مع الدروج وهي تشدها الدوخة كانت غطيح جاب الله شدات فراسها)
سيف (شافها هكاك وهو يطير عندها مخلوع) : ماالك ؟؟؟ واش كتحسي بشي حاجة ؟؟ كضرك شي حاجة ؟؟
جوديا (مشات عندها كتجري): ماااماا مالكيي ؟؟؟
سلطانة : مامي ...هبطي رتاحي التحت
سمر(بابتسامة صفرا) : لا لا مكاين والو ... غير الدوخة ... امكن من قلة النعاس ... مكاين لاش تخافو عليا ... (طلقات منو وزادت طلعات جوج درجات وهي طيح كاااو ... جا سيف لعندها بسرعة البرق)
سيف(كيضرب ليها حناكها) : سمرررر ... سمرررر ... جوووديااا عيطي للدكتورة بقالي جررررري (مشات)
سلطانة : غنمشي نجيب كاس دالما
سيف هز سمر لي كانت كي عجينة السفناج داها لبيتهم وغطاها وماهي الا دقائق حتى جات سلطانة جايبة كاس دالما ومن موراها جات جوديا و د.بقالي طبيبة العائلة ... خرجو هوما وبقات معاها فحصاتها ومن بعد عيطات ليهم باش طمأنهم ... دخلو عندها وسيف مشا جلس حداها شاد فيديها لقاها فايقة ... وجوديا وسلطانة من الجيهة لوخرا ...
د.بقالي(جالسة مقابلة معاها) : معندكم مناش تخافو ...هدا غير الفشوش ههههه ياك ا مدام ادريسي ... (كتجمع الماطيريال ديالها) هدا غير الستريس والعيا ومكتاكلش مزيان ... à part ça (من غير هادشي) صحتها مزيانة الحمد لله
سيف : الحمد لله
د.بقالي : ياك كنقول ليك ديها فصحتك ... هانتي خلعتي لينا موسيو سيف
سمر(شافت فيه وكتهضر بتعب) : ههههه غير كون هاني راه مغنموتش ليك ... غنبقا لاصقاك لآخر نفس ... والله لتزوجتي من مورايا
سيف : ههههههههههه علاه أنا نقدر
سمر(خنزرات فيه) : اوا غا قدر نيت
د.بقالي : هههههه المهم ياك باقي على داكشي لي قلت ليك ؟ واخا مبانليش
سمر: عندك الصح شحال هادي مدرت السبور ديالي حتى الرجيم خربقتو
سيف : مزيان الالة مزيان ...زيدي شنو اخر ؟؟
د.بقالي : ههههه ماشي مشكل ... المهم غير رجعي ومتخافي والو
سمر : داكووغ ... ان شاء الله
سيف : خلي هاد القضية عليا
د.بقالي (وقفات): المهم نخليكوم ...بسلامة والله يجيب الشيفة
سمر(بابتسامة) : اميين ميغسي ...سلطانة سيري معاها
سلطانة : واخا... نيت ندوز لبيتي (مشاو)
سيف : سمر نخليك ترتاحي واخا ؟؟ أنا نمشي نرسم شوية (وقف وباسها فراسها)
سمر : واخا ... (سكتات شوية) اااه ورسمني معاك هههههه
سيف (مسا وهو كيضحك)
سمر(ضارت عند جوديا) : ونتي غتبقاي هنا معندك شغل ؟
جوديا : بغيت نبقى معاك شوية اويلي
سمر : بقاي الالة ...(سكتات شوية) قولي ليا امتى غتمشيو ؟؟
جوديا : هاد الأيام نيت ...بينما وجدات الفيلا
سمر : ومشيتي شفتي الفيلا عجباتك ؟
جوديا(بحماس) : فنننننننة ... (جبدات تليفونها) هانتي بلاتي نوريها ليك (قربات ليها كتوريها التصاور)
سمر(باعجاب) : زوييينة ... هاد موسيو العلوي عندو الذوق
جوديا : اشمن علوي راه أنا لي ختاريتها ...
سمر : وداك جون ... لباس عليه ؟
جوديا (باحراج ودارت يديها مور راسها): لبااس ... لبااس عليه
سمر : باقيين بجوج ؟
جوديا : بااقي
سمر : وكي غاديرو ونتي غتستاقري فأكادير ؟
جوديا (بارتباك) : قاليا بلي تاهو غيجي
سمر : اهااااااا ... قولي هاد جون طايح فيك عمى ... المهم شوفي منبغييش نسمع عليك شي حاجة خايبة ... راكي كبيرة وبعقلك وعندك بنت من الفوق ... طلقتي وبغيتي تعاودي تعيشي حياتك من جديد كافيها باس ولكن عرفي اش كديري
سمر : مالي اش كندير ؟؟
سمر : اوا منعرف المهم ...عنداك يقول ليك راسك تبقاي تجيبيه للدار راه غندبحك
جوديا : لاااا ..غنعيش أنا وبنتي صافي ... اصلا ...جرحتها وهملتها بزاف وبغيت نتقرب منها ... ومن بعد نهضر ليها على موضوع جون
سمر : مممممم ...(سكتات شوية) اجي نسولك وجاوبيني بصراحة
جوديا : وي فازي
سمر : فايتة ناعسة معاه
جوديا : 😳😳😳😳😳
سمر : مالك كتشوفي فيا هكا جاوبيني اه لا
جوديا : اويلي ا ماما اش كتقولي هههههه جون انسان محترم وميمكنش يطلب مني شي حاجة بحال هكا
سمر : ولكن كيبقا نصراني ... وهوما عندهم هادشي عاادي قبل الزواج ... الا اذا كان ناوي شي حاجة اخرى هنا هضرة اخرى
جوديا : لا لا مكنضنش ... هو كيبغيني ويحتارمني
سمر : ملي كيبغيك ويموت عليك مالو ماجا خطبك ؟
جوديا : ماما واش كتفلاي عليا ؟؟ واش كيبان ليك هدا وقت الزواج مع حنا تبارك الله مكنتقاداوش من المشاكل
سمر : من هادشي كولو ملي يجي للمغرب قوليها ليا
جوديا (بتشكيك): علاش ؟؟
سمر : بغيت نهضر معاه نشوف اشنو تحت راسو ...
جوديا (بعد تفكير عميق): واخا ...
#يتبع ...