للسماء قمر و لقلبي أنت

الجزء 116

#للسماء_قمر_ولقلبي_أنت 💙
بقلم : stories and novels
الجزء : 116
🐾🐾 عند سلطانة 🐾🐾
خرجات من دارهم والدموع شلال ... معرفات فين تمشي والدنيا كتصفر خااااوية ... الضلام وغير صوت الكلاب لي كيتسمع + صوت الخطوات ديالها... بقات غادة وحانية راسها وكتبكي ودايرة القبية فوق راسها ... بقات غادة حتى لقات راسها فلاكوط ... وتماك كانت غير بوحدها كي البومة ... بقات غادة نيشات ومواعياش بلي ضاير بيها حتى كانت غدخل فيها بيكالة جاب الله مولاها عوج الطريق وهي طاحت على ركابيها وتجرحات شوية ... وبقات طايحة متحركات متململات ... أما مول البيكالة فرانة وبقا كيشوف فيها كان معول على خزيت ولكن ملي شافها متحركاتش وحانية راسها تخلع ... حيد الكاسك وقرر يمشي عندها ...
مول البيكالة (بعد تردد تحنى عندها وحط يدو على كتافها) : صافا ؟؟
سلطانة(شافت فيه ببطء وجات عينيها فعينيه الخضرين وحركات ليه غا راسها منطقاتش ... والدموع مبغاوش يحبسو )
مول البيكالة(شافها كتبكي وتخلع وعقد حواجبو الغلاض) : ياكما تجرحتي ؟؟ تقصحتي ؟؟
سلطانة(حركات راسها يمين شمال) : تؤ
مول البيكالة : ومالك كتبكي ؟؟ ..(مجاوباتش) اجي بعدا حيدي من الطريق ...(شدها من كتافها وداها لديك البلاصة في كيكلسو الناس ههههه مهم صحاب أكادير غيعرفوها) اجي جلسي ... (شافها ساهية والدموع نازلين) مالكي ؟؟(مجاوباتش) نجيب ليك الما ؟ (شاف ركابيها مجروحين و وقف)بلاتي نجيبو (مشا لبيكالتو وهز قرعة الما ديالو ورجع جلس حداها) هاكي شربي ... ركابيك مجروحين واش كيضروك
سلطانة (شافت فيهم ببرود ) : لا
مول البيكالة : ومالك كتبكي ؟؟ (مجاوباتش) واخا ... اش مخرجك فهاد الوقت راه خطار عليك ... ونتي مزال صغيرة ... مخفتيش ؟
سلطانة(تنهدات ومسحات دموعها) وجاوبات بلا متشوف فيه ... لحد الان مزال محققاتش فيه) : مناش غنخاف ؟
مول البيكالة :الله يحفظ الا تلگاو ليك راه مكاين لي غيشوفك ولا يسمعك
سلطانة (بسخرية) :تاحاجة مبقات كتخلعني
مول البيكالة(باستغراب بقا كيشوف فيها شحاال) : شحال فعمرك
سلطانة : 16
مول البيكالة(بصدمة) : وااايلي... باقة صغيرة على هاد الهضرة ...(وقف) عرفتي شنو يالاه نوصلك لداركم ... واليديك غيكونو مشوشين عليك
سلطانة(بامتناع) : لا مبغينش ... الا كنتي باغي تمشي غير خليني وسير
مول البيكالة : لا مغنخليكش بوحدك هنا ونمشي ... (دوز يدو على شعرو الكثيف الطويل القهوي) بففففف واخا اجي معايا ...(بقات كتشوف فيه) متخافيش غير يالاه
ناضت سلطانة ويالاه بغات تمشي معاه وهو يصوني تلفونها ...
سلطانة(جاوبات وكان باها) : الو ... وي بابا ... أنا مكيناش فالدار علاش ... علاش شنو واقع ؟ ... كيفااش ... non c'est pas vrai (لا ماشي بصح) واش أروى صاحبتها نيت ؟؟؟ صافي صافي واخا ... هانا غنرجع ... صافي (قطعات)
مول البيكالة : مالك ؟ ياك لباس ؟
سلطانة :خاصني نرجع للدار دابا ...
مول البيكالة : واخا أنا غنوصلك ... (لبس الكاسك وبقا ساكت شوية)واخا نعرف المشكل ... نقدر نعاونك
سلطانة (سكتات شوية) : ماما داوها البوليس حيت ضربات صاحبتها
مول البيكالة (بقى مصدوم وبقى كيفكر شوية): واخا يالاه طلعي ... غنديك لداركم دابا ميمكنش نديك للكوميسارية واخا ؟؟ فين ساكنة ؟ (طلع وتبعاتو سلطانة)
سلطانة :واخا غير سير...ساكنة فصونابة
مول البيكالة(بتعجب)ّ : نعام ؟؟ (حيت صونابة طيسكنو فيها غير الناس لي لباااااااس عليهم)
سلطانة : صونابة قلت ليك ...
#يتبع ...