للسماء قمر و لقلبي أنت

الجزء 117

#للسماء_قمر_ولقلبي_أنت 💙
بقلم : stories and novels
الجزء : 117
الطريق كاملة وهو ساكتين ... غادين والهوا كيضرب فيهم وشعر سلطانة كيطير وغير صوت أنفاسهم هو لي كيتسمع ... وصلو لعين المكان ومول البيكالة بقا كيشووف فالحي لي كان راااقي وكالم والدار وااعرة ...ماعلينا هبطات سلطانة وشكراتو وهو بقا كيتسناها حتى دخل ...مشات بغات تحل الباب وهي ضرب جبهتها ...
البيكالة(غوبش) : مالك ؟
سلطانة(ضارت عندو) : نسيييت ماهزيت السوارت
مول البيكالة : وايلي ؟؟ وشنو دابا ...
سلطانة(ساطت وشافت ليمن وليسر) : ففففف معرفت
مول البيكالة(بقا ساكت شحال وتردد قبل ميهضر) : ميمكنش تبقاي فالزنقة ... وبطبيعة الحال مغنخليكش ...(سكت كيشوف فملامحها) ااااا ... يالاه معايا ... (طلعات حواجبها) نعسي هاد الليلة والصباح نجيبك ...(يالاه بغات تهضر وهو يحبسها بيديه وكمل هضرتو) متخافيش أنا غنخرج من الدار
سلطانة(رجعات شعرها بيديها) : شكرا بزااف ... ولكن ... (دارت يديها على حناكها)ففف غا خليني نفكر أنا غنلقى شي حل ... (بقات كتمشي وتجي وهي طيح عليها واحد الفكرة تقابلات معاه وطلعاتو وهبطاتو يالاه غتلاحظ بلي راه طويل بزاااااااف ومگضر «وسميمر لونو برازيلي خطيييير 🔥🔥 هاني زدتكم هادي 😂» وهي تشوف فدارهم ... ضوراتها فراسها وهي تقرب ليه ... رجعات شعرها ورا ودنيها ) : امممم ... (درات يديها قدامها) بغيت نطلب منك طليبة
مول البيكالة : مرحبااا
سلطانة : اممممم ... طاحت عليا واحد l'idée (الفكرة) ... تقدر تنقز السور ... وتحل الباب من الداخل ...اااا الا مبغيتيش غير عاوني أنا نقز ... أنا قلت هكا غير حيت نتا طول مني ...(بابتسامة) يعني (قاطعها)
مول البيكالة(دار ابتسامة جانبية خفيفة وحيد الكاسك) : شدي ...
مشا بقا كيشوف كي غيطلع ... شد فالباك لي كان من الحديد وهو يطلع ونقز للداخل وحل ليها الباب ... وخرج لعندها كيسوس يديه
سلطانة(كتنقز فبلاصتها بالفرحة) : شكرااا بزاااف ... وسمح ليا عدبتك معايا اليوم
مول البيكالة(حرك راسو) : معليش
سلطانة (بقات كتحقق فيه والضحكة واصلة للودن ... نسااات راسها وبقات ساهية فيه وعاد لاحظات بلي راه بوگوص عندو لحية خفيفة والنيف منقاد وملامحو بين الأسود والبني)
مول البيكالة(بقا ماد يديه باش تعطيه الكاسك ومبتاسم) : الكاسك
سلطانة (عاد عاقت براسها): اااه ... ويلي سمح ليا هههههه
حرك راسو يمين وشمال ولبسو وطلع فوق البيكالة وشير ليها بجوج صبعان ومشا
سلطانة : بسلااامة ههههههه(بقات متبعاه بعينيها حتى مشا وبقات كتسوط بيديها) افففففف شحال بوگوص ... ولد الحرام مزيناتو
دخلات لدارهم وعيطات لباها وطمآنها وهي مشات لبيتها بقات كتفكر حتى داها النعاس ....🌌
أصبحنا وأصبح الملك لله ☀
دخلات أشعة الشمس من الشرجم ديريكت لوجه سلطانة ... تعنكشات وبدات تقلب وتخبي وجهها بيديها حت. تعصبات وقررات تفيق ... تقادات فالجلسة وتكسلات مزيااان هزات تلفونها ولقات الجوج دالنهار ههههه وبزاف ديال ليزابيل من عند باها وجداها وجدها وخالها ... متصوقاتش ومشات دوشات على خاطرها نشفات شعرها وخلاتو مطلوق ولبسات شورط دجين قصير حد الفخاض وضوني سماطيه غلاض بالزرق وقصير تاهو وسبرديلة بيضة مع تقاشر بيضين طالعين ... دارت غير طوانغ مضورين كبار و وجهها خلاتو هكاك ... خرجات من البيت وكتجاوب على الميساجات ... ملي كانت هابطة من الدروج سمعات شي حس فالدار ... تخلعات ومشات للكوزينة ولقات مها واقفة عاطياها بالضهر كتصاوب الغدا بالصدمة بدات كتكح ...
سلطانة (مخرجة عينيها) : كح كح كح ... ماما ؟؟ شكاديري هناا ؟؟؟