للسماء قمر و لقلبي أنت

الجزء 33

#للسماء_قمر_ولقلبي_أنت 💙
بقلم : stories and novels
الجزء : 33
🌌🌌 في الحاضر 🌌🌌
شفتكوم نسيتو الحاضر ؟ ... اجيو نشوفو اش عاملين هاد خوتنا ونعاودو نرجعو تاني ...
سلطانة (كتشوف فسمر) : اوكي ... ولكن لحد الان كولشي زوين ... ولا لا؟
سمر (كتشوف قدامها وعينيها كيبريو وكتبتاسم) : اه بصح ... عندك الصح ... كولشي زوين لحد الآن ...وياريتني كون عرفت بلي هاد الأيام لي عاودت ليك غيكونو أجمل أيام حياتي (شافت فيها بمرارة) يا ليتني عرفت !!
سلطانة : مفهمتش ... علاه شنو طرا من بعد ؟؟
سمر (وقفات وساست حوايجها) : ماشي دابا ... (مدات ليها يديها) نوضي يالاه غيتشوشو علينا ...فازي
مدات ليها سلطانة يديها ومشاو للفيلا ولقاوهم نيت كيتسناوهم فالجردة ستاغربو كاملين ...غير شافوهوم داخلين و وقفو
سيف (مخلوع) : فين كنتو هاد الوقت كولو ؟
سمر : كنا خارجين ... علاش ؟
جود (مخنزر وداير يديه ورا ضهرو ) : مفراسكش شنو وقع ؟ راه من نهار التنين غيسدو المدارس والجامعات وأي بلاصة فيها التجمعات ... و دارو الحجر المنزلي فالدنمارك هادي شي خمس أيام ... واحتمال كبير اديروه تا هنا
سلطانة : كيفااش ؟؟ علاه كورونا وصلات هنا ؟ وتا المطارات غيكونو محبوسين ياك ؟
سمر (شافت فيها): وي علاه مافراسك ... فففف الله يحد الباس
سيف : المهم ما علينا ... نتوما بقاو هنا اوكي متخرجوش ومتخافو والو اكون خير ان شاء الله ... وأنا غنمشي نجيب اش غيخصنا
سمر : خلي جود يمشي ...
سيف (بامتناع) : ماشي مشكل ... مهم هانا غادي
بعدما مشا سيف يتقدا ... دخلو البقية الداخل ... وسمر وصات الخدم يوجدو العشا و وهي طلعات لبيتها دوشات من فرط العيا ... نشفات شعرها ودارت كريماتها ولبسات بيجامة حريرية وغطت فنوم عمييييييق ...أما سيف رجع ولقاهم كولهم الا سمر طلع عندها لقاها ناعسة ومبغاش يفيقها ... هبط وتعشاو كولهوم ومن بعد كل واحد فين مشا ... شيماء طلعات نعسات وجود بقا فالجردة كيبقشش فالتلفون وسلطانة كالعادة كتمشى بين الشجر لبسات قبية سخونة حيت تحرك البرد ودايرة ليكيت كتموسق ومشات جلسات تحت واحد الشجرة حتى وصلات الجوج وجاها النعاس ... ناضت بغات تمشي تنعس ولقات جود مزال جالس بتاسمات ليه وبادلها الابتسام ومشات دوشات ولبسات بيجامة وطاحت كاااو ...
مرت أربعة أيام ... وفعلا علنات البلد حالة طوارئ والدنيا مقلوبة سفاها على علاها ...جوديا وموسيو علوي بغاو يتسطاو فاش عرفو بلي الرحلات توقفات ... أما فالمغرب ... وبالضبط فطاطا ... خدامين كيعقمو فالجنان ويخملو الفيلا كولشي معاون لا الخدم لا مالين المكان ... سمر لابسة شورط وديباردو فوقهم طابلية والليگات دالبلاستيك وحفيانة وكتسيق بيتها اما سيف وجود كيخرجو الأتات للشمس ... وشيماء مكلفة ببيتها وسلطانة تاهي ... والباقي مكلفين بيه الخدم ...
~~~ عند سلطانة~~~
لي كانت لابسة تيشورت نص كم وقصيير بزاف بالأزرق وشورط ديالو قصيير تاهو بنفس اللون جا مع لون بشرتها الحنطية وصندالة دالصبع فالرجل وخلخال بسيط ... وعشرها جامعاه بمقبط مع قصير حد عنقها ودايرة گصة ... لونو عسلي ورطب بحال لون عينيها ... كانت كتسيق تاهي البيت ودايرة ليكيت وكتغني مع راسها حتى نضات البيت مزياااان وطرفاتو وهزات الكراطات والسطل وتمات نازلة باش تديهم لبيت فين كيحطو مواد التنظيف ... حطاتهم فيه وغسلات يديها وتمات راجعة حتى بانو ليها شي خدامات جايين من واحد البيت جا فالقنت و وحدة منهم سدات البيت بالساروت بقات حاضياهم حتى وقفاتهم ولأول مرة تحقق فيهم وكانو ملامحهم غربية ... وشهبات
سلطانة (كتحقق فيهم باستغراب) : بلاتي بلاتي ... شكون نتوما أول مرة نشوفكم ؟
وحدة منهم : pardon mademoiselle , je ne comprends pas l'arabe ! ( سمحي ليا مدموزيل مكنفهمش العربية)
سلطانة (دارت ليها طنننن فراسها كيفاش هادو گور خدامين هنا): ah c'est vrai !? Non c'est bon... vous pouvez passer (بصح ؟؟؟ لا صافي ... تقدرو دوزوا ) (دارت ليهم يديها باش يدوزو وبقات كتشوووووف فيهم وهي ضور جهة البيت ... ومشات ليه وقفات قدامو وكان بيت من الحديد وباللون الأسود ... حاولات معاه يتحل و وااالو ... ودارت بناقص غير هاد ليام بعدا ... حيت فضولها مهناهاش ... ورجعات للفوق مشات عند سمر لقاتها سالات وشيماء تاهي ... مشاو ضربوها بتحميمة ولبسو لباسهم ونزلو للجردة يتغداو ... وفالعشية الرجال دخلو الأتات بمساعدة لي خدامين تماك ... وطلعو تاهوما دوشو ودارو كاسكروط مجمعين وكيضحكو وكيحاولو يخلقو جو ديال المرح فهاد الحجر المنزلي ... وهاكا دازو أيامهم كل مرة كيختارعو شي حاجة ولا يديرو شي حاجة يكسرو بيها الروتين ... كيفيقو بكري ويجريو مجموعين ... كيفطرو ... وكيديرو ألعاب جماعية ... من بعد كيمشيو يعومو فلابيسين ... كيدوشو ... ويقراو كتاب ... كيتغداو ... وكيديرو قيلولة ... من بعد ... كيلعبو تاني ألعاب جماعية ... وعاد تاني كسكروط ودايرين كل يوم واحد فيهم كيديرو بمساعدة الخدم ...ويجلسو يعاودو القصص والخرافات وكل نهار نوبة شي واحد ... مرة فالجردة تحت النجوم مرة فداخل الفيلا وهكدا ...حتى كيبقاو يغنيو وينشطو ... كيتعشاو ... وكيديرو ابيل فيديو مع الكليكة ديالهم ... وكل واحد كيتفرق شي كينعس شي كيبقا سهران ...