للسماء قمر و لقلبي أنت

الجزء 96

#للسماء_قمر_ولقلبي_أنت 💙
بقلم : stories and novels
الجزء : 96
🇲🇦🇲🇦🇲🇦 في المغرب 🇲🇦🇲🇦🇲🇦
فأكادير ... وبالضبط فمركز تعلم اللغة الانجليزية ... جالسة سلطانة لابسة كسوة كحلة بالكمام ولاصقة وطويلة تحت الركبة معاها سبرديلة بيضة واقاشر طالعين بيضين ... شعرها طالقاه ودايرا ميكاب خفيف وكمامة ...دايرة يديها على حنكها واليد لوخرا كتلعب بستيلو ... وقدامها الأستاذة كتشرح الدرس ... تحل الباب ودخل الحارس العام ...
الحارس العام : The music class will start after 5 minutes ... you can go to the room 7 if they bother you ... thank you (حصة دالموسيقى غتبدا من بعد خمسة دقايق ... تقدرو تمشيو للغرفة رقم سبعة الا برزطوكم ... شكرا )
الأستاذة : okay ... thank you (واخا شكرا)
كملو فالدرس عادي ... وهي تعطيهم شي تمارين يخرجوهم ... والأستاذة بقات كدور فالقسم بيدما سالاو ... وفهاد الأثناء كان الصقيييل حتى كسرو صوت شاب جاي من قسم الموسيقى ... وكيغني بواحد النبرة خطيرة وملفتة لدرجة كولشي بقا كيسمع ليه بانتباه ... وخصوصا انه جمع بين جوج دالاغنيات لي تشهرو بزااف « dance monkey و 3 دقات»
*
They say oh my god I see the way you shine
Take your hand, my dear, and place them both in mine
You know you stopped me dead while I was passing by
And now I beg to see you dance just one more time
Ooh I see you, see you, see you every time
And oh my I, I, I like your style
You, you make me, make me, make me wanna cry
And now I beg to see you dance just one more time
So they say
Dance for me, dance for me, dance for me, oh, oh, oh
I've never seen anybody do the things you do before
They say move for me, move for me, move for me, ay, ay, ay
And when you're done I'll make you do it all again
إمتى الحب طال
قلبي ولا في الخيال
عودك ده فيه يتقال موال
وياعيني ياه
يا سيدي على الأيام
لما تهادي قلوبنا غرام
فجأة يهون كل اللي فات
الأستاذة (كتسمع وكتبتاسم) : very nice voice (صوت واعر بزاف)
كولشي كان كيسمع باعجاب الا شخص واحد لي كان الاعجاب زايد نغزة عندو لدرجة سهااا ومبقاش حاس بلي حداه وبهاد العالم ... وهاد الشخص هو سلطانة ... لي كيف سمعات صوتو قلبها ضرب وترفعات وبدات تبتاسم لا شعوريا ... ومشاات مع الصوت والبحة ديالو ... الأستاذة شافتها ساهية وبقات كتعيط ليها ما مرة ما جوج ... حتى عيات وقربات ليها ...
الأستاذة(بصوت مرتفع شوية) : sultana ??
سلطانة (قفزات)
الأستاذة (بابتسامة) : Do you like it ? (واش عجبك)
سلطانة (طلعات معاها السخونية) : yeah ... uuuh .. I mean ... yeah his voice is very beautiful ( اااه ... ااا ... زعما .. اه صوتو زوين بزاف)
رجعو لقراءتهم عادي الا سلطانة لي دماغها خدام ... بغات تعرف شكون مول هاد الصوت لي خربق ليها دماغها وأحاسيسها ... بقات كتلعب بالستيلو وكضور فعينيها وكتفكر ... كتفكر ... بغات امتى غير تخرج ... جاتها ديك ساعتين بحالا جالسة على الجمر ... ولات كتحسب بالدقائق باش تخرج ... دازت ساعتين جمعات كتوبتها ومشات خرجات قبل الكل وبقات كتسنى فالدروج حتى بان ليها البلان فواحد البنت كتقرى معاها قالت مع راسها تقدر تعاونها ... سلطانة عمرها هضرات مع شي واحد فيهم ... ولكن على مصلاحتها غتضطر دير أي حاجة ...وأول حاجة غدير هي تقرب من نسرين
سلطانة (بابتسامة مزيفة) : نسرين ...
نسرين (باستغراب) : صافا ؟
سلطانة : صافا ونتي ؟
نسرين : très bien
سلطانة :c'est possible تصيفطي ليا داكشي لي صورتي ؟
نسرين : واخا ... عطيني نمرتك ؟
سلطانة (عطاتها نمرتها) : سي بون ... ميرسي
مشاات سلطانة وعلى وجهها ابتسامة نصر ... بدات كتنفذ خطتها خطوة بخطوة ...خرجات قدام الصونطر ولقات مها كتسنى فيها ... مشات ركبات فيها وسلمات عليها ومشاو لدارهم ...
#يتبع ...