للسماء قمر و لقلبي أنت

الجزء 48

#للسماء_قمر_ولقلبي_أنت 💙
بقلم : stories and novels
الجزء : 48
الأيام تمر بسرعه فقط في اللحظة التي تدرك فيها أنك على وشك مفارقة شيء تحبه، تتنبّه لتفاصيل يومك الصغيرة و تعيشها بعمق ... 🍁
🖋🖋 الكاتبة 🖋🖋
عمرنا عشنا فزمان بحال زمان"كورونا" كولنا كنا كنسمعو من جداواتنا وجدودنا حكايات على ضحايا الأمراض والأوبئة فحياتهم وماكناش كنتخيلو الحالة ديالهم، كانت قصص غريبة ومؤلمة لداكشي لي نتج على مرض الكوليرا، والتيفوئيد، والملاريا، والجدري من وفيات، ولكن واخا هكاك ... و واخا داكشي لي عاناوه شحال هادي ... كنضن أن "زمن كورونا" عمرنا شفنا بحالو فالزمن الماضي، وكنضن يستاحق رواية فاعلة تاركة على غرار "الحب في زمن الكوليرا" ... ومن هنا جات الفكرة باش ندخلها فالقصة 🍁🍁
في حياتي كاملة عمرني عقلت بلي عشنا شي حالة من الرعب والهلع في العالم بحال لي دار فينا هاد الفيروس، اقدر حيت معشناش فزمان الأوبئة وماعارفينش اش دار مثلا الطاعون ... التاريخ غيسجل هاد الظاهرة أو الجائحة ... غيسجل بلي فيروس كورونا بدل هاد العالم كتر من الحروب وحتى المجاعات ... وهاد الفيروس لي بدا فاللول بمدينة ووهان الصينية ... سااح فأرجاء العالم ... وكيتحدى جبروت وعظمة الدول ... وبزز على العالم العزلة ويسد الحدود ديالو ...و حطو قواعد الديمقراطية على جنب ولجؤو لقوانين الطوارئ وتقييد الحريات العامة والشخصية ... 💔
فاللول فاش تعلن بلي الفيروس كان فالصين ... كنا كنعتاقدو أنها حالة عابرة وغدوز ... والأضرار ديالو غتبقى محدودة ... والصين خاصها تفك محاينها بوحدها ... وبدات غلا غلا فالعالم ... وكاين لي كيقول بلي هادي مؤامرة وهاد الفيروس مصنع من طرف الإنسان ... ولكن هاد النظرية مابقات عندها تا معنى ملي الفيروس خرج من الصين ومشا لدول القارة الأوروبية ... والعام عاد فاق من الگلبة ... وبداو كيقلبو على حلول باش ميطراش ليهم بحال الصين ...
ولكن مع الأسف ولحدود اليوم العالم كيسجل ما يقارب 3 المليون و 600 ألف إصابة، وكتر من 251 ألف حالة وفاة ، و مليون و167 ألف واحد تعافى وغادرو مستشفيات الحجر الطبي ... الحمد لله ❤
العالم تغير بعد هاد الفيروس ... والمدن لي كانت صاخبة بالحياة ... ولات كتصفر ... والناس ختارت تبقى فديورها خوفا من العدوى ، وأستاذ علم الأوبئة الإيطالي روبرتو بورياني كيقول "الديكتاتورية هي الفيروس الذي حرمنا من الأحضان والقبلات، وتناول العشاء مع الأصدقاء واحتساء الشراب مع الأصحاب ويوم النصر سيكون جميلا"، وكيقصد هنا بالنصر هي هزيمة الفيروس وعودة الناس لممارسة حياتهم الطبيعية.
مدينة ووهان عطات لمسة أمل باش نواجهو هاد الفيروس ... حيت كيما شفنا قدرو يحصرو انتشار الاصابات ... وهذا كيعني أننا نقدرو تاحنا نحصروه بإجراءات طبية حاااسمة ❤ ولكن السؤال المطروح واش تقدر المجتمعات لوخرا تدير بحال الصين ؟؟ وتخضع لقوانين صاااارمة بحالهم ؟؟ واش تقدر المجتمعات الديمقراطية تتبع نفس النموذج لي تابعو بكين ؟؟ و واش يمكن للحكومات تطوع التكنولوجيا وطائرات الدرون ، والرجل الآلي باش يقومو بالمهام الطبية ... ويوصلو المساعدات والماكلة للناس وتعقيم المدن بحال كيف دارت الصين ؟؟
وإيطاليا الدولة الثانية لي كتعاني من أعلى عدد من الإصابات بعد الصين .... باقي متاخداتش إجراءات صارمة بحالهم ...ولي خايفين منو أن سيناريو ايطاليا اتعاود فبلايص اخرين فالعالم الله يحفظ ... وهذا ما يسمى بالانتشار الصامت ... وهادشي راجع لسوء التعامل مع المرض ... وغياب التنسيق بين إدارات الدولة ومعندهومش سرعة اتخاذ القرارات ... والضغط على المجتمع باش ابدل حياتو والسلوك ديالو ...
الدرس الأول لي خاصنا ناخدوه من الصين باش نواجهو هاد المرض هو سرعة التحرك باش امكن لينا نكتاشفو الحالات المصابة ويتعزلو ... وهكا يمكن لينا نغيرو مسار المرض ويتوقف النمو ديالو ...حتى يبدا يتقلص ... ويتحقق داكشي لي وقع فووهان ... ❤
الحياة فزمن الكورونا صعييبة و بزاااف ... ولكن ماعلينا غير بالصبر ونبقاو فديورنا ونتخلاو على حريتنا بزز منا ...ونبدلو طقوس حياتنا ... هادشي كولو تحسبا من شي خطر الله يحفظنا كاااملين ❤🙏
نحاولو فهاد الفترة نبقاو مكالميين ... نديرو احطياتاتنا كاملين ...النظافة ونبدلو عاداتنا السيئة ...نتعلمو شي حاجة جديدة كنا باغييننتعلموها شحال هادي ... مغنقوليكومش قراو حيت بكل صراحة النفسية ماااكتسمح دابا غا الله يسمح ليهوم بغاو يعذبونا ويزيدو على ما بينا ... عافاكوم لتازمو باش ان شاء الله نخرجو سالمين غانمين ... وتاحد مناقص منا ❤ بزاااف دالبوسات منكم وعطيوني تخميناتكم باش نعرف واش شادين معايا الخط ولا والو ... بزاااف دالبوسات ليكوم 💋