Unicode
အပိုင်း - ၁၁၇ အရှုပ်ထုပ်များဖြေရှင်းခြင်း
ဝန်ခံဖို့ ငြင်းရင် သူ သိနိုင်မှာ မဟုတ်ဘူးလို့ ဟန်ရွှယ်အာ ထင်သလား?
ယင်းရှောင်ကျဲက သူမကို အေးစက်စွာ စိုက်ကြည့်နေသည်။
ပြင်းထန်သောဖိအားသည် ဟန်ရွှယ်အာကို လွှမ်းမိုးလုနီးပါးဖြစ်သည်။ သို့တိုင် ဟန်ရွှယ်အာက ဘာမှပြောမလာ သူမခေါင်းကိုသာ အတင်းငုံ့ကာ ငြိမ်နေသည်။
"ကောင်းတယ် အရမ်းကောင်းတယ် "
ယင်းရှောင်ကျဲက ပါးလျသော သူ့နှုတ်ခမ်းရဲရဲများကို ပွတ်သပ်ကာ ဘာမှမထူးခြားဘဲ ဟန်ရွှယ်အာကို စိုက်ကြည့်လို့နေသည်။ စူးရှသော အကြည့်များက သူ့အတွေးများကို ဘယ်သူမှ မသိအောင် ကောင်းစွာ ဖုံးကွယ်ထားနိုင်လေသည်။
ဒါပေမယ့် သူ့အကြည့်တွေက သူမဆီကနေ တခြားမိန်းကလေးတွေဆီ ရုတ်တရက် ပြောင်းသွားသည်။ ပြီးတော့ ရုတ်တရက် သူက
"ဒူးထောက်စမ်း ! မင်းတို့အားလုံး!"
ကောင်မလေးများက ယင်းရှောင်ကျဲကိုကြည့်ကာ အံ့အားသင့်သွားကြသည်။
အပြစ်ပေးခံရတဲ့ မိန်းကလေး နှစ်ယောက်ကိုလဲ ဝူဟောင်တို့လူစုကဘ မူလနေရာဆီ ပြန်ဆွဲခေါ်လာသည် ။
ယင်းရှောင်ကျဲ က
"မင်းတို့အားလုံး ကျောင်းဆေးခန်းကို သွားကြ အဲဒီမှာ မင်းတို့ရိုက်နှက်ခဲ့တဲ့ မုရှောင်းရှောင်ကို ဒူးထောက်ပြီး တောင်းပန်စေချင်တယ်!"
ကောင်မလေးတွေက မျက်လုံးပြူးကျယ်ကျယ်နဲ့ စိုက်ကြည့်ရင်း အံ့ဩသွားပေမယ့် သူ့ကို ဆန့်ကျင်ဘက်လုပ်ပြီး ဘယ်သူမှ မပြောရဲကြဘူး။
ဒီအချိန်မှာ ကောင်မလေးတစ်ယောက်က ချက်ချင်းပဲ ဒူးထောက်ထိုင်ချလိုက်တယ်။ အဲဒါကို မြင်တော့ တခြားမိန်းကလေးတွေကလဲ နောက်ကနေ တစ်ယောက်ပြီးတစ်ယောက် ပြေးပြီး ဒူးထောက်လိုက်ကြတယ်။
အပြေးအလွှား ဒူးထောက်နေကြတဲ့ ကြားမှာ ဟန်ရွှယ်အာကတော့ တစ်ဦးတည်း မတ်တပ် ရပ်နေခဲ့သည်။ သူမ ခံနိုင်ရည်သလို ဟန်လုပ်ကာ ဖျော့တော့သော နှုတ်ခမ်းများကို ကိုက်ထားဆဲဖြစ်သည်။
YOU ARE READING
ချစ်ခြင်းဘီလီယံ 2 ( Billion of Pampering Only For You 2 )
RomanceThis Novel is not my owned. I am just translate it to Myanmar .(Unicode +ZawGyi) All Credits give to the owner . I don't own any creations . All creations go to original author and Eng translators. ချစ်ခြင်းဘီလီယံ 2 ငယ်ပေါင်းကြီးဖော်တွေဖြစ်တဲ့...
