Unicode
အပိုင်း - ၂၀၅ ဆွဲဆောင်မှုခြင်းကွဲပြား
" ယင်းရှောင်ကျဲ !"
မုရှောင်းရှောင်၏ မျက်နှာသည် နီရဲနေပြီး သူ့ကို အပြစ်တင်တဲ့ မျက်လုံးတွေဖြင့် စိုက်ကြည့်နေသည်။
"နင် နင် လူဆိုးကောင် ! ..."
ဒီကောင်က သူမ ကြုံဖူးသမျှထဲတွင် အဆိုးဆုံးပင် ။
မုရှောင်းရှောင် သူမ လက်သီးများကို တင်းကျပ်စွာ ဆုပ်လိုက်ပြီး ယင်းရှောင်ကျဲရဲ့ ရင်ဘတ်ကို ထုရိုက်လိုက်သည်။
စင်္ကြံထောင့်တွင်မူ ဆူညံသံမထွက်အောင် ထိန်းရင်း နံရံထောင့်မှာ ပုန်းနေတဲ့ ယင်းမားမား သူတို့နှစ်ယောက် တစ်တီတူးနေတဲ့ စုံတွဲပုံတွေကို ချစ်စရာကောင်းလွန်းတယ်ဟု ယူဆကာ ဓာတ်ပုံတွေ ခိုးရိုက်ထားလေသည်။
နောက်ဆုံးတော့ သူမ ဓါတ်ပုံတွေကို ကြည့်ရင်း ကျေနပ်သွားကာ အချစ်ငှက်နှစ်ကောင် သတိမထားမိအောင် လှေကားထစ်ကနေ အမြန်ပြေးဆင်းတော့သည်။
ယင်းမားမားက ခင်ပွန်းဖြစ်သူကို ပြုံးပြရင်း
“သူတို့ လက်ထပ်ကြတဲ့အခါ ကျွန်မတို့............."
......
ဆေးရုံရောက်တော့
မုရှောင်းရှောင် လက်ထဲတွင် ဆန်ပြုတ်ဘူးကိုင်ထားပြီး VIP လူနာခန်းထဲ ၀င်သွားသောအခါ ဟန်ချီချင် ရောက်ရှိ နေတာကို တွေ့လိုက်ရသည့် အပြင် သူမလက်ထဲတွင် ဘူးတစ်ဘူးလည်း ရှိနေသည်ကို သူမတွေ့လိုက်ရသည်။
သို့သော် ဟန်ချီချင် က စိတ်ပျက်နေပုံရသည်။
"လုရိချန် ၊ တစ်ဇွန်းလောက်ဖြစ်ဖြစ် စားကြည့်ပါလား ၊ ငါ ဒီ ယာဂုကို ကိုယ်တိုင်ချက်ဖို့ အစောကြီး ထထားရတာ ..."
ဟန်ချီချင် ၏ မျက်လုံးများသည် မျှော်လင့်ချက် အပြည့်ဖြင့် ပြည့်နှက်နေသော်လည်း လုရိချန်ကတော့ တုန်လှုပ်ခြင်းမရှိသည့်အပြင် အသဲနှလုံးမရှိစွာ ငြင်းပယ်သည့် စကားကို အေးစက်စွာပြောသည်
" မလိုပါဘူး။ ငါ မနက်စာစားပြီးပြီ။ ကျေးဇူးတင်ပါတယ်"
ဒုတိယအကြိမ် ငြင်းပယ်လိုက်သောအခါတွင် ဟန်ချီချင်၏ မျက်နှာမှာ အနည်းငယ် ညှိုးငယ်သွားသည်။ သို့သော် သူမမျက်နှာတွင် ဝမ်းနည်းမှုကို ထုတ်ဖော်မပြဘဲ ချက်ချင်းပဲ ပြုံးပြလိုက်သည်။
YOU ARE READING
ချစ်ခြင်းဘီလီယံ 2 ( Billion of Pampering Only For You 2 )
RomanceThis Novel is not my owned. I am just translate it to Myanmar .(Unicode +ZawGyi) All Credits give to the owner . I don't own any creations . All creations go to original author and Eng translators. ချစ်ခြင်းဘီလီယံ 2 ငယ်ပေါင်းကြီးဖော်တွေဖြစ်တဲ့...
