Unicode
အပိုင်း -၁၂၄ မင်းကို တွေ့ချင်တယ်
သူမ... ယင်းရှောင်ကျဲ ကို သဘောကျလား။
ဒါကိုတွေးရင်း မုရှောင်းရှောင် က တွေးနေရင်း သူမကိုယ်သူမတောင် မသိဘဲ ချစ်စဖွယ်ကောင်းတဲ့ အမူအရာလေး လုပ်လိုက်မိလေသည် ။
"သဘောကျပါတယ် ၊ ဒါပေမယ့် ရှင်ထင်တဲ့ သဘောကျတာလိုမျိုးတော့ မဟုတ်ဘူး ..ဘယ်လိုပြောရမလဲ နဲနဲရှုပ်တယ် "
ယင်းရှောင်ကျဲ နဲ့ သူမကြား အချစ်ဆိုတာ ပေါ်ပေါက်လာနိုင်လား ?
မဖြစ်နိုင်ဘူး!
ယင်းရှောင်ကျဲကို သူမ သဘောကျချစ်ခင်တာတော့ ဟုတ်သည် ။ ဘာလို့လဲဆိုတော့ သူတို့ကဘ ငယ်သူငယ်ချင်းများဖြစ်ကြပြီး ငယ်စဉ်ကတည်းက အလွန်ရင်းနှီးခဲ့ကြသည်။ သူက သူမအတွက် မိသားစုသဖွယ်ဖြစ်ပြီး သူမကို ကောင်းမွန်စွာ ဆက်ဆံပေးသည်။ ဒါ့ကြောင့် သူ့ကို သူမ ဘယ်လိုမှ သဘောမျကဘဲ မနေနိုင်ဘူး။
ဒါပေမယ့် သူနဲ့ ပတ်သတ်ပြီး အချစ်ရေး ခံစားချက်တွေ ရှိဖို့ ဆိုတာကတော့ ဘယ်တုန်းကမှ မတွေးခဲ့မိ
လုရိချန် က အသံတိုးတိုးလေးဖြင့် ရုတ်တရက် မေးလာသည်
"ရှောင်းရှောင် အခု မင်းဘယ်မှာလဲ? "
"အိမ်မှာလေ ဘာလို့လဲ"
မုရှောင်းရှောင် အတွက် ဒီမေးခွန်းက အရင်မေးခွန်းတွေထက် ပိုလွယ်သည် ။
"မုရှောင်းရှောင် မင်း ခဏ အပြင်ထွက်လာဖို့ အဆင်ပြေလား? "
မုရှောင်းရှောင် ခဏလောက် စဉ်းစားလိုက် တော့ အခုလောလောဆယ် သူမ စားသောက်ဖို့ လိုအပ်နေပြီး စားပြီးရင် တော့ အချိန်တွေ အားနေသည် ။ ဒါ့ကြောင့် သူမ ခေါင်းညိတ်ပြီး
"ရတယ်လေ ဘာဖြစ်လို့ မေးတာလဲ? "
"ကိုယ် မင်းကို တွေ့ချင်တယ်"
လုရိချန် ပြောလိုက်တဲ့ စကားလုံးတို့သည် ရိုးရှင်းသောစကားလုံးလေးလုံးဖြစ်သော်လည်း မုရှောင်းရှောင် ၏နှလုံးကို တုန်လှုပ်သွားစေခဲ့သည်။ ချစ်သူရဲ့ ညည်းညူသံကို နားထဲကြားလိုက်ရသလိုဖြစ်ပြီး နှလုံးကလဲ ရုတ်တရက် ခုန်ထွက်သွားသလိုပင်။
YOU ARE READING
ချစ်ခြင်းဘီလီယံ 2 ( Billion of Pampering Only For You 2 )
RomanceThis Novel is not my owned. I am just translate it to Myanmar .(Unicode +ZawGyi) All Credits give to the owner . I don't own any creations . All creations go to original author and Eng translators. ချစ်ခြင်းဘီလီယံ 2 ငယ်ပေါင်းကြီးဖော်တွေဖြစ်တဲ့...
