Unicode
အပိုင်း -၂၀၈ ရိုမန်းတစ် ဆန်သော ခံစားချက်များမရှိ
ကားထဲသို့ဝင်သွားသည့်တိုင် ယင်းရှောင်ကျဲ ၏အမူအရာမှာ ပျော့ပြောင်းမသွားပေ။
မုရှောင်းရှောင်က သူ့ကို ထပ်ပြီး စကားနဲ့ကျူးလွန်မိမှာ ကြောက်လို့ စကားမပြောရဲတော့ဘဲ ခေါင်းငုံ့ပြီးသာ ဦးနှောက်တွေ အလုပ်ပေးနေမိသည်။ ယင်းရှောင်ကျဲ ကို ဘယ်လို နှစ်သိမ့်ရမလဲ ဆိုတာကိုပေါ့
ရုတ်တရက် ယင်းရှောင်ကျဲ က ကားရပ်လိုက်ပြီး
" မင်း ပြောတဲ့ အဲ့ဒီသူငယ်ချင်းမိတ် ဆွေပါလို့ ထင်နေတဲ့ ကောင်က မင်းကို သူငယ်ချင်းလိုမဟုတ်ဘဲ တခြားဘာမှစိတ်မှ မရှိဘူးလို့ မင်းတကယ်ထင်နေတာလား? "
မုရှောင်းရှောင်က သူ့ကိုကြည့်ဖို့ ခေါင်းကို မော့လိုက်သည်။ သူမနှင့် စကားပြောရန် သူ ဘက်က အစပြုခဲ့ခြင်းအတွက် ဝမ်းသာအားရဖြင့် သူမ ခေါင်းကို တွင်တွင်ညိတ်ပြီး
"ဟုတ်ပါတယ်ဆို ၊ နင် တို့ နှစ်ယောက်လုံးက အတွေးလွန်နေကြတာ၊ ငါ့ အမေရိကမှာတုန်းကလည်း သူငယ်ချင်းတွေအများကြီးရှိတယ်၊ သူတို့ကလဲ ငါ့ကို အရမ်းဂရုစိုက်ကြတာပဲကို ဂရုစိုက်အလေးပေးတာနဲ့ပဲ အားလုံးက ငါ့ကို ကြိုက်တယ်လို့ ယူဆလို့ မရဘူးလေ ဟုတ်တယ် မှတ်လား? "
"ယောက်ျားလေး သူငယ်ချင်းရှိတာလား?"
ယင်းရှောင်ကျဲ က သူမကို လှည့်ကြည့်လိုက်ပြီး မျက်လုံးများ မှေးကျဉ်းကာ မေးလိုက်သည်။
မုရှောင်းရှောင် ခေါင်းညိတ်လိုက်ကာ
"ယောက်ျားလေးရော မိန်းကလေးရော ရှိတယ် "
ယင်းရှောင်ကျဲ မီးနီ နေတဲ့အခွင့်အရေးကို သုံးပြီး သူမ၏မျက်နှာကို သေချာလေ့လာစစ် ဆေးလိုက်သည်။ သူမ၏ မျက်လုံးများသည် ကြည်လင်ပြတ်သားပြီး အပြစ်မရှိဟု ဆိုလိုသည့် အပြင် သူမပြောသည့်အရာသည် အမှန်တကယ်ဟု ပြောနေသလိုပင်။
ယင်းရှောင်ကျဲ ကူကယ်ရာမဲ့သော တစ်စုံတစ်ခုကို ရုတ်တရက် သဘောပေါက်သွားသည်။
YOU ARE READING
ချစ်ခြင်းဘီလီယံ 2 ( Billion of Pampering Only For You 2 )
RomanceThis Novel is not my owned. I am just translate it to Myanmar .(Unicode +ZawGyi) All Credits give to the owner . I don't own any creations . All creations go to original author and Eng translators. ချစ်ခြင်းဘီလီယံ 2 ငယ်ပေါင်းကြီးဖော်တွေဖြစ်တဲ့...
