Unicode
အပိုင်း - ၁၄၆ မုရှောင်းရှောင်နဲ့ ဘာလုပ်ဖို့ စီစဉ် နေတာလဲ?
မုရှောင်းရှောင် ယုကျန် ကို ရှက်ရွံ့စွာ တစ်ချက်ကြည့်လိုက်ပြီး ယင်းရှောင်ကျဲ ကို
"မလိုပါဘူး၊ အခု အရမ်းသက်သာနေပြီ၊ မမူးတော့ဘူး"
သို့သော်လည်း ယင်းရှောင်ကျဲ က "တက်" ဟု ပိုင်စိုးပိုင်နင်း ပြောနေသေးသည်။ သူတို့အနားတွင် ယုကျန် သူ့ကိုယ်သူ စိတ်ထဲကနေ ရယ်မောလိုက်မိသည်။ သူ့ရဲ့ကြင်နာမှုကို ဖော်ပြချင်ပေမယ့် သူ့လည်ချောင်းက ထူးထူးခြားခြား ကပ်နေပုံရပြီး စကားတစ်ခွန်းမှ မပြောနိုင်ခဲ့။ မုရှောင်းရှောင်က သူ့ကို အားနာစွာနဲ့ တောင်းပန်ပြီး
"ယုကျန် ၊ နင်အတန်းထဲ အရင်ပြန်သွားလို့ရပြီ၊ ငါ ဒီမှာ သူနဲ့ နေလိုက်ဦးမယ်။ ငါ့ကို ကူညီပေးတာ ကျေးဇူးတင်ပါတယ်၊ နောက်တစ်ခါမှ နင့်ကို ထမင်းလိုက်ကျွေးမယ်"
ယုကျန် နောက်ဆုံးတော့ သူ့အသံကိုသူ ပြန်ရှာတွေ့သွားကာ
"ရှောင်းရှောင် မင်းက ယဉ်ကျေးလွန်းတယ်။ အနားယူဖို့ ကျောင်းဆေးခန်းကို အမြန်ပြန်သွား တော့ "
ယုကျန် ယင်းရှောင်ကျဲ ကိုကြည့်လိုက်ပြီး
"သခင်ငယ်ကျဲ ကျေးဇူးပြုပြီး ရှောင်းရှောင် ကို သေချာဂရုစိုက်လိုက်ပါ"
ထိုစကားကိုကြားသောအခါ ယင်းရှောင်ကျဲ ဒေါသစိတ်က ငယ်ထိပ်ကို ဖျတ်ခနဲ ရောက် လာသည်။ မကျေမနပ်နဲ့ ယုကျန်ကို စိုက်ကြည့်ကာ
"ရှင်းရှင်းပြောထားမယ် ! ရှောင်းရှောင်က ဒီမှာ ငါနဲ့သာ နီးစပ်တယ်။ မင်းဟာ အပြင်လူသက်သက်ပဲ၊ မင်း ငါ့ကို ဒီလိုပြောပိုင်ခွင့်ရှိလား? မလိုဘူး။ မင်းမျက်နှာ ငါမမြင်ချင်လို့ ထွက်သွား !"
ဒီကောင် ဘာလို့ ဒီလောက် မျက်မုန်းကျိုးချင်စရာ ကောင်းနေရတာလဲ။
"ယင်းရှောင်ကျဲ !"
မုရှောင်းရှောင်က ဒေါသထွက်ကာ အော်မိသွားသည်။
ယုကျန် မျက်နှာသည်လဲ ဆိုးရွားစွာ ကြည့်ရဆိုးနေခဲ့သည်။
YOU ARE READING
ချစ်ခြင်းဘီလီယံ 2 ( Billion of Pampering Only For You 2 )
RomanceThis Novel is not my owned. I am just translate it to Myanmar .(Unicode +ZawGyi) All Credits give to the owner . I don't own any creations . All creations go to original author and Eng translators. ချစ်ခြင်းဘီလီယံ 2 ငယ်ပေါင်းကြီးဖော်တွေဖြစ်တဲ့...
