Unicode
အပိုင်း - ၁၉၁ ငါ သူမကို မမေ့ပါဘူး
ယင်းရှောင်ကျဲ မုရှောင်းရှောင်၏ ၀မ်းနည်းပက်လက်ငို နေတဲ့အသံကို ကြားရသောအခါ သူလဲ ကြေကွဲသွားသလို ခံစားလိုက်ရကာ သူမအတွက်လဲ နာကျင်သွားရသည်။
သူ့လက်ရှည်ကြီးဖြင့် သူ့ရှေ့က ကောင်မလေးကို တင်းကျပ်စွာ ပွေ့ဖက်ကာ နဖူးကို ညင်သာစွာ နမ်းလိုက်သည်။
မုရှောင်းရှောင် သည် အရာရာကို ဆုံးရှုံးခဲ့ရသည့် ကလေးတစ်ယောက်လို ကျယ်လောင်စွာ ငိုကြွေးကာ စိတ်လျော့ခြင်းမရှိဘဲ ငိုကြွေးနေပုံရသည်။
"မားမား ! မားမားကို အရမ်းချစ်တယ် ။ တကယ်ကို အရမ်း အရမ်း လွမ်းတယ် အဟင့် ဟင့် -"
မုရှောင်းရှောင် မျက်ရည်တွေ တစ်ပြုံကြီး စီးကျလာပြီး ယင်းရှောင်ကျဲ အင်္ကျီရှေ့ခြမ်းကလဲ မုရှောင်းရှောင် မျက်ရည် တွေကြောင့် စိုစွတ်နေသည် ။
သူမ၏ ဝမ်းနည်းပူဆွေးသော ငိုကြွေးသံကို နားထောင်ရင်း ယင်းရှောင်ကျဲ၏ မျက်လုံးများ နီရဲလာသည်...သူ့လည်ချောင်းမှာ တစ်ခုခုဆို့နင့်နေသလို ခံစားရပြီး သူမကို နှစ်သိမ့်ဖို့ ဘာပြန်ပြောရမှန်း မသိ။
သူမကို အနီးကပ်ပွေ့ဖက်ပြီး သူ့ရင်ခွင်မှတဆင့် နွေးထွေးမှုသာပေးစွမ်းနိုင်သည် ။ သူ့ပါးပြင်ကို ညင်သာစွာ နမ်းလိုက်ပြီး ပါးပြင်ပေါ်သို့ စီးကျလာသော မျက်ရည်များကိုဖယ်ကာ နမ်းလိုက်ပြီး သူ့အနမ်းများက သူမမျက်လုံးများဆီသို့ပါ ရောက်သွားသည် ။
မုရှောင်းရှောင် ငိုရှိုက်ရင်း အသက်လုကာ လေကို ရှူရှိုက်လိုက်သည်။
" ယင်း -ယင်းရှောင်ကျဲ ... နင် - နင် ငါ့မားမားကို မှတ်မိသေးလား နင် သူ့ကို မေ့သွားပြီလား "
သူမရဲ့ တီးတိုးမေးသံက တိတ်ဆိတ်နေတဲ့ ကွန်ဒိုတိုက်ခန်းကို ဖြိုခွဲ ပစ်လိုက်သည်။
သူမချစ်သောမားမားက သူမနှင့် သူ့အဖေကို ထားသွားသည်မှာ သုံးနှစ်ခွဲရှိပြီဖြစ်သည်။
သုံးနှစ်ခွဲခန့် ကြာခဲ့ပြီ။
တစ်ခါတရံတွင် သူမသည် ဤအကြောင်းကို ဝမ်းနည်းစွာ တွေးနေမိတတ်သည်- သူမနှင့် ပါးပါး မှလွဲ၍ မားမားကို ဘယ်သူက မှတ်မိပါဦးမလဲ။
ESTÁS LEYENDO
ချစ်ခြင်းဘီလီယံ 2 ( Billion of Pampering Only For You 2 )
RomanceThis Novel is not my owned. I am just translate it to Myanmar .(Unicode +ZawGyi) All Credits give to the owner . I don't own any creations . All creations go to original author and Eng translators. ချစ်ခြင်းဘီလီယံ 2 ငယ်ပေါင်းကြီးဖော်တွေဖြစ်တဲ့...
