Unicode
အပိုင်း ၂၆၂ - သူ နင့် ကို ဘယ်လို ဖွင့်ပြောခဲ့လဲ။
ရက်အနည်းငယ်အကြာ
ရှန်တ အထက်တန်းကျောင်းတွင်
လစဉ် စာမေးပွဲ အောင်စာရင်းကို ထုတ်ပြန်ကြေညာသောအခါ လုရိချန် ၏ ရလဒ်များသည် တစ်ကျောင်းလုံးကို အံ့အားသင့်စေခဲ့ပြီး ကျန်ကျောင်းသားများကလဲ ထိပ်တန်းကျောင်းသားတစ်ဦးဖြစ်ခြင်း၏ အဓိပ္ပါယ်ကို အားကျနေသည်။
နောက်ပိုင်းတွင် သူ ဒဏ်ရာရတော့ သင်္ချာပြိုင်ပွဲကို မပြိိုင်နိုင်တော့မည်ကို ကျောင်းမှ အစပိုင်းတွင် စိုးရိမ်ခဲ့ကြသော်လည်း ကံကောင်းထောက်မစွာပင် သူ၏လက်သည် အနာကျက်ပြီး ပြိုင်ပွဲ မတိုင်ခင် အပြည့်အဝနီးပါး ပြန်လည်ကောင်းမွန်လာခဲ့သည်။
ဒီနေ့ဟာ သင်္ချာပြိုင်ပွဲအတွက် လုရိချန် B မြို့တော်ကိုသွားမယ့်နေ့ပင်။
လုရိချန် ကို သဘောကျတဲ့ မိန်းကလေးတွေက သူ ပြိုင်ပွဲဝင်မယ့် သတင်းကြားတာနဲ့ ကျောင်းတံခါးဝမှာ စုရုံးနေကြသည်။
"ရှင်က အကောင်းဆုံးပဲ စီနီယာရိချန် ! ကိုယ့်ကိုယ်ကို ဂရုစိုက်ဖို့ မမေ့ပါနဲ့ နော်။ လက်နာရင် အတင်းမလုပ်နဲ့ နော်။"
"အကောင်းဆုံးလုပ်နော် စီနီယာရိချန်! ရှင် ပထမဆုရလိမ့်မယ်လို့ ညီမတို့ယုံတယ်”
" ရှင့်ရဲ့အောင်ပွဲကို ကြိုဆိုဖို့ ကျောင်းမှာ ညီမတို့စောင့်နေမယ်”
အားပေးသံများ အဆက်မပြတ် ထပ်ခါထပ်ခါပင် ။
မုရှောင်းရှောင်ကို ဟန်ချီချင်က လူအုပ်အလယ်ကနေ ရှေ့သို့ ဆွဲခေါ်သွားခဲ့သည်။
"လုရိချန်!"
လုရိချန် ကားထဲသို့ဝင်ခါနီးတွင် ဟန်ချီချင် က အရူးအမူးအော်လိုက်သည်။
လုရိချန် သည် ကားပေါ်တွင် ခြေချနေပြီဖြစ်သော်လည်း ဟန်ချီချင်၏အသံကိုကြားလိုက်ပြီး မုရှောင်းရှောင်ကိုမြင်သဖြင့် ကားပေါ်မှဆင်းခဲ့သည်။ပြီးတော့ သူမဆီသို့ လျှောက်သွားကာ ပေါ့ပေါ့ပါးပါး ပြုံးပြလိုက်သည်။
أنت تقرأ
ချစ်ခြင်းဘီလီယံ 2 ( Billion of Pampering Only For You 2 )
عاطفيةThis Novel is not my owned. I am just translate it to Myanmar .(Unicode +ZawGyi) All Credits give to the owner . I don't own any creations . All creations go to original author and Eng translators. ချစ်ခြင်းဘီလီယံ 2 ငယ်ပေါင်းကြီးဖော်တွေဖြစ်တဲ့...
