Unicode
အပိုင်း - ၂၂၀ ကြားထဲက ခံရတဲ့သူ
မုရှောင်းရှောင် ယင်းရှောင်ကျဲ ကို ခဏလောက် ငိုင်တွေကာ စိုက်ကြည့်နေပြီး နှုတ်ခမ်းကို လက်နဲ့ ပွတ်သပ်လိုက်ကာ
“ငါ မသိဘူး…”
သူမ ခေါင်းအုံးကိုသာ တင်းတင်းကြပ်ကြပ်ပွေ့ဖက်လိုက်ပြီး ခေါင်းကို ယင်းရှောင်ကျဲ ပခုံးပေါ်မှီကာ သက်ပြင်းချသည်။
“အနာဂတ်မှာ သူမကို ထပ်မတွေ့ချင်ဘူးဆိုတာတော့ ငါ သေချာတယ်”
လို့ မကျေမနပ်နဲ့ ဆက်ပြောလိုက်သည် ။
ယင်းရှောင်ကျဲ သူမ၏ ပျော့ပျောင်းသော ဆံပင်များကို သူ၏ လက်ချောင်းရှည်များဖြင့် ခေါင်းကို ညင်သာစွာ ပုတ် ပေးလိုက်သည်။
"ကောင်းပြီ၊ ငါနားလည်ပြီ ။ သူ့ကို ဘယ်လိုအပြစ်ပေးမလဲဆိုတဲ့ ငါ့ ဘာသာငါ စီစဉ် လိုက်မယ် စိတ်မပူနဲ့ "
လို့ တိုးတိုးလေးပြောလိုက်သည်။
မုရှောင်းရှောင် သည် မျက်လုံးများကိုမှိတ်ထားပြီး ခေါင်းညိတ်ရင်း သူမက
"ဟုတ်တယ်၊ မပြောနဲ့၊ ငါမသိချင်ဘူး ..."
ဘာပဲဖြစ်ဖြစ် သူမ ပိုင်မိန်ကျောင်း နဲ့ ထပ်မဆုံချင်တော့ပါ။
ယင်းရှောင်ကျဲ ဘာလုပ်ဖို့စီစဉ်ထားလဲ သူမ မသိပေမဲ့ ဒီအတိုင်း ကျော်မသွားဘူးဆိုတာတော့ သူမသိသည်။
ယင်းရှောင်ကျဲ က ခေါင်းညိတ်လိုက်ပြီး
"ဒါဆို အေးအေးဆေးဆေး အနားယူ ငါ အပြင်သွားဦးမယ်"
တစ်ချို့အရာတွေကို စီစဉ်ဖို့ ဖုန်းအနည်းငယ်ခေါ်ဖို့သာ လိုအပ်ပေမယ့် ဖုန်းခေါ်ကာ ပြောမယ့် အကြောင်းအရာတွေက က သူမကြားသင့်တဲ့အရာတွေပင်။
မုရှောင်းရှောင် သူနှင့်ခွဲခွာရန် တွန့်ဆုတ်နေပုံပေါ်သည်။ သို့သော် သူမနှင့်ခွဲခွာရန် ဝန်လေးနေသည့်အရာမှာ မှီထားသည့် သူ့ပခုံးပင်ဖြစ်သည်။ သူ့ကို မှီရတာက အရမ်းသက်တောင့်သက်သာရှိပြီး ဒီလိုမျိုးလေး အိပ်ပျော်သွားချင်ခဲ့တာပင်။
YOU ARE READING
ချစ်ခြင်းဘီလီယံ 2 ( Billion of Pampering Only For You 2 )
RomanceThis Novel is not my owned. I am just translate it to Myanmar .(Unicode +ZawGyi) All Credits give to the owner . I don't own any creations . All creations go to original author and Eng translators. ချစ်ခြင်းဘီလီယံ 2 ငယ်ပေါင်းကြီးဖော်တွေဖြစ်တဲ့...
