Unicode
အပိုင်း -၁၂၃ မင်းကရော သူ့ကို သဘောကျလား?
မမျှော်လင့်ထားတဲ့ စကားကြောင့် မုရှောင်းရှောင် အံ့သြသွားပြီး
"ရှင် ကျွန်မကိုဖုန်းဆက်ထားတာလား? ၊ ဘာမှလဲ မမြည်ပါဘူး၊ ဘယ်အချိန်က ဖုန်းဆက်တာလဲ"
"ခုဏက"
"လွန်ခဲ့တဲ့ ဆယ်မိနစ်လောက်ကထိ ကျွန်မ အိပ်နေတုန်းလေ"
မုရှောင်းရှောင် က သူမ မျက်လုံးတွေ ပြူးကျယ်လာပြီး ရေရွတ်ကာ အဖြေပြန်ပေးလိုက်မိသည်။
ဒါပေမယ့် သူမ အိပ်ပျော်သွားချိန်မှာတော့ သူမဘေးမှာ ရှိတဲ့ တစ်ယောက်က ယင်းရှောင်ကျဲပင် ။ ဒီကောင် ဒီလို အရူးအလုပ်တွေလုပ်သွားမှန်း သူမ မှန်းဆနေစရာတောင် မလိုတော့ဘူး။
လုရိချန် သူမဖုန်းကို ခေါ်လာတာကို တွေ့တဲ့အခါ တန်းပြီးနာမည်ပျက်စာရင်းသွင်းခဲ့တာဖြစ်ရမည်။
အိုး ဟုတ်သား! ယင်းရှောင်ကျဲ စောစောက သူမဖုန်းကို လုပ်စရာရှိလို့ဆိုပြီး သိမ်းသွားတုန်းက လုရိချန် ဖုန်းခေါ်ထားတယ်ဆိုတဲ့ အထောက်အထားတွေကို ဖယ်ရှားဖို့ ကြိုးစားနေတာလား?
အဲဒီ ရွံရှာဖွယ် လူမိုက်ကတော့! ဒီလိုမျိုး ဘယ်လိုလုပ်နိုင်ခဲ့ရတာလဲ?
မုရှောင်းရှောင် က ဆောလျင်စွာ တောင်းပန်လိုက်ပြီး
" လုရိချန် ၊ တောင်းပန်ပါတယ်... သူငယ်ချင်းက ဒီလိုလုပ်လိုက်တာ"
လုရိချန်ရဲ့ နှိမ့်ချသောအသံက
"အဆင်ပြေပါတယ်။ မင်းမဖြစ်နိုင်ဘူးဆိုတာ ကိုယ် သိပါတယ်။ မင်းနေကောင်းရဲ့လား? မင်းအရိုက်ခံရတာကို ကိုယ်ကြားတယ်။ ဒဏ်ရာတွေက ပြင်းထန်သလား? "
လုရိချန်က စိုးရိမ်ပူပန်မှုပြီး သူမကို အရေးတကြီး ဖုန်းဆက်လာတာလား?
သူမကို သူ့သူငယ်ချင်းအဖြစ် တကယ် ဆက်ဆံနေပုံရသည်။
ထိုအတွေးကြောင့် မုရှောင်းရှောင် ပျော်ရွှင်နေပြီး သူမ မျက်နှာသည်လဲ အပြုံးဖြင့် တောက်ပနေသည်။
"အဆင်ပြေပါတယ်၊ သိပ်တော့မပြင်းထန်ပါဘူး။ ရှင့်ကို ဘတ်စကက်ဘောကွင်းမှာ လာရှာချင်ပေမယ့် လူတွေက ပိတ်ဆို့နေလို့ ကံမကောင်းခဲ့ဘူး ..."
YOU ARE READING
ချစ်ခြင်းဘီလီယံ 2 ( Billion of Pampering Only For You 2 )
RomanceThis Novel is not my owned. I am just translate it to Myanmar .(Unicode +ZawGyi) All Credits give to the owner . I don't own any creations . All creations go to original author and Eng translators. ချစ်ခြင်းဘီလီယံ 2 ငယ်ပေါင်းကြီးဖော်တွေဖြစ်တဲ့...
