Unicode
အပိုင်း -၁၉၆ လုရိချန် ၏တောင်းဆိုချက်
မုရှောင်းရှောင် သူမ လုရိချန်လျှောက်လာစဉ် ကြည့်လိုက်တော့ လုရိချန် ပုံစံက အရမ်းကို ရှုပ်ပွကာ စိုးရိမ်တကြီးဖြစ်နေပုံပင်။ လုရိချန် ဒီလိုဖြစ်နေတာကို သူမမြင်ဖူးတာ ဒါပထမဆုံးအကြိမ်ပင် ။
သူ ဘာဖြစ်သွားတာလဲ။ ဘာကြောင့်များ ဤမျှ အရေးတကြီး ဆေးရုံမှ ဆင်းရန် လိုအပ်နေရသနည်း။
ယင်းရှောင်ကျဲ သူ့ရဲ့ ခြေတံရှည်ရှည်ဖြင့် လုရိချန်ဆီသို့ လျှောက်လာကာ ပြင်းထန်သောလေသံဖြင့်
"ဟေးလူ ဘာလုပ်နေတာလဲ၊ ဒဏ်ရာရတဲ့သူက ဆေးရုံမှာ နေရမှာ!"
ယင်းရှောင်ကျဲ ဒီမှာရှိနေတာကိုမြင်တော့ လုရိချန် ရဲ့အမူအရာက ပိုပြင်းထန်လာပြန်သည် ။ သူက ယင်းရှောင်ကျဲ ကို အေးစက်စွာ တစ်ချက်ကြည့်လိုက်ပြီး
"ကြီးမြတ်လှတဲံ သခင်လေးကျဲ မင်း ငါ့ကို စိတ်ပူ ပေးစရာ မလိုပါဘူး။ ငါ့အခြေနေကို ငါနားလည်တယ်။ ငါနေကောင်းသွားပြီ၊ ငါ ဆေးရုံက ဆင်းနိုင်တယ်"
ယင်းရှောင်ကျဲ က အေးစက်စက် ရယ်မောပြီး
"မင်းကို ဘယ်သူက စိတ်ပူနေလို့လဲ ရှောင်းရှောင်ကို မင်းမကယ်ခဲ့ရင် ငါ မင်းကို ဂရုစိုက်နေမှာ မဟုတ်ဘူး"
အေးစက်လွန်းတဲ့ လေထုကြောင့် ဆရာဝန်နှင့် သူနာပြုဆရာမသည် တစ်ဖက်သို့ ဆုတ်သွားပြီး နဖူးမှ ချွေးများကို အသာလေးသုတ်လိုက်သည်။
အခြေအနေက အတော်လေးကို ဆိုးတယ်။ နှစ်ယောက်သား စကားများရန်ဖြစ်ထားပုံရသည် ။ သို့သော် ယင်းရှောင်ကျဲ နဲ့ လုရိချန် မျက်နှာချင်းဆိုင်တွေ့တာ ဒါပထမဆုံးအကြိမ်ပင်။ သူတို့ရဲ့ ရန်ငြိုးက ပြင်းထန်ပြီး အချိန်မရွေး ပေါက်ကွဲသွားနိုင်သလိုပင်။
မုရှောင်းရှောင် ရှေ့ကို အမြန်လှမ်းပြီး ယင်းရှောင်ကျဲ ကို ဆွဲကာ နောက်ကို ပြန်ဆုတ်ခိုင်းလိုက်သည်။ ထို့နောက် သူမက ဒေါသတကြီးဖြင့်
"ကျဲ ဒီလိုလေသံနဲ့ မပြောရဘူးနော်၊ နင်က ငါ့ကို ရူးအောင် လုပ်ချင်နေတာလား ? "
YOU ARE READING
ချစ်ခြင်းဘီလီယံ 2 ( Billion of Pampering Only For You 2 )
RomanceThis Novel is not my owned. I am just translate it to Myanmar .(Unicode +ZawGyi) All Credits give to the owner . I don't own any creations . All creations go to original author and Eng translators. ချစ်ခြင်းဘီလီယံ 2 ငယ်ပေါင်းကြီးဖော်တွေဖြစ်တဲ့...
