💎اللبؤة و الوحش💎( مكتملة )

part1

🌔بارت 1 👑
💧ناعسا فوق نموسية على كرشها وحاشية وجها فلمخدة وشعرها الاشقر مطلوق علا طولو وراها سمعت صوت تيلي كيصوني عبست وجها ومدت يدها للكوافوز لي حداها هزات لفون ودوزات لخط بلا ماتشوف شكون وهي باقا علا نفس وضعيتها حتا ناضت قافزة من بلاصتها وجات طايحة فالارض علا خصرها وتيلي عيطرطق بلغوات 💧
-وااع فيقي فيقي  واش فخبارك شنو وقع؟؟
(جاوباتها بلهفة ولخوف طاغي علا نبرة صوتها
-ميرال شنو كاين ؟واش واقعا شي حاجة ؟واش ليان مريضة؟ واهضري خلاص راه قلبي عيسكت بلخلعة
ميرال:ههه كالم توا بب كلشيييي بيخير غير انا فرحانا بزااف ليوما واخييرا عنتزوج بحبيبي ادهم هه
-واااع واش كتهضري بصح ما متيقاش واخييرا لحمد لله متخيلشي شحال فرحتلك احبيبتي مبروك عليك والله يكمل عليكم بلخير
ميرال:هه اميين  ربي يخليك وعلا داكشي عيطتليك باش تكوني نتي اول وحدة نشارك معاها فرحتي راك نتي حبيبتي وصاحبتي وختي لي كنموت عليها
-عارفاا احبيبتي وحتا نتنا راك عارفا بلاصتك فقلبي قداش
ميرال:اه ابب علا دكشي ضروري خصك تجي فاقرب وقت باش توجد معايا متخليشي شحال توحشناك بقيت غير انا وليان بوحدنا
💧مجرد مادكرتلها لمجي حست بوخزة فقلبها ولي بدون سابق إنذار بداو نبضاتو كيتسابقو ولعرق كيتصبب من جبينها وداتها كلها كترعد عليها حركات راسها بنفي ودموع واقفين على طرف جفونها مستحيل ترجع لبلاد لي عاشت فيها اكفس ايام حياتها لا مستحيل ضعطت علا شفتها سفليو بقوة وهادي هي لحركة لي كدير فحالة العصب او التوتر طلعات نفس مزياان ونزلاتا حتا سمعت ميرال كتهضر 💧
ميرال:ءءء رسيل ماك سكتي لاا متقولاشي هئ عفااك ارسيل هئ هئ كنترجاك انا عارفا لي دزتي منو ماشي ساهل احبيبتي ولكن على قبلي هئ هئ واش تبغي تخلي ختك بوحدها فاسعد نهار فحياتها هئ هئ عفااك كنترجاك
💧رسيل كتحس بكلام ميرال فحال سم كيقطع فيها من لداخل وكيقسم قلبها لاشلاء صغيرة كتشوف معاناتها كاملين قدامها فحال شي فيلم ودموعها هوادين شلال من عينا 💧
رسيل:ميرال هئ هئ نتي راك حبيبتي وصحبتي وختي ومعمري رفضتلك شي طلب هئ هئ ولكن دابا منقدرش سمحيلي بزااف احبيبتي هئ هئ منقدرشي نجي وانا جروحي مزال ملبراو هئ هئ
ميرال:(حتا هي حالتها ماكتقلش علا حالة رسيل كتتشهق بلبكا):هئ هئ رسيل عفاك غير هاد لمرة نسايهم هئ هئ علا قبلي عفاك ارسيل واش عقلتي مني كنا صغارين كنتي كتقولي نهار عرسك عنبقا ديما معاك هئ هئ وماعنتفرق عليك حتا دقيقة هئ وقولتيلي نتي لي عتشريلي لاغوب دلعرس هئ واش عقلتي وعتغنيلي هئ هئ
رسيل: (بالم ):اه احبيبتي عااقلة  عاقلة علا كلشي
ميرال:اوا هئ دبا باغا تخليني بوحدي هئ هئ واش ماتوحشتينيش ارسيل واش متوحشتيش ختك لي ماعندها مسكينة حتا ذنب هئ هئ واش ماكفتكش 5 سنين ديال لبعد هئ هئ
رسيل:صافي اميرال باااركا باااركاا واش اناا كرهت غير قوليلي هئ هئ واش انا كرهت نكون معاكم ولكن عنفتح عليا مواجيع كباار وانا مزال مانستعداش ليهم
ميرال :رسيل نتي قوية سمعتي قوية رسيل لي كتسكت على حقها باااح ماتت شحااال هادي ماتت نتي خصك تجي وتواجهم هئ هئ
رسيل: شوفي اميراال واخا مانجيشي خصك تعرفي بلي انا فقلبك وديما معاك هئ هئ
ميرال:هئ ولكن انا خصني نعنقك هئ ونشم ريحتك هئ هئ عفاك ارسيل ماتخلينيش بوحدي
رسيل:بسلامة دابا من بعد ونهضرو
ميرال:هئ هئ اكي بب شوفي غير سير جلسي بوحدك وفكري مزيان صافي هئ هئ
رسيل:واخا احبيبتي يكون خير باي
💧قطعات عليها لخط وتكات علا سريرها ودموعها  هوادين شلال من عيونها كتعيا ماتهرب من لماضي لآليم لي عاشتو وكتحاول تنساه ولكن ضروري ماكتجي شي حاجة وتفكرها فيه تنهدات مطولا كتفكر كيفاش متحضرشي لعرس أعز صديقة عندها هديك راه ختاها ديما معا بعضهم فسراء وضراء معمرهم فكرو يبعدو علا بعضهم ولكن شاءت الاقدار فلاخر دارتها فيد الله وشافت فساعة لي كينا فوق لكوافوز  لقاتها 6:30 وقفات من لارض وناضت متوجها لحمام💧