💎اللبؤة و الوحش💎( مكتملة )

part20

🌔بارت 20👑
🔥حتا سمع صوت مجهد ديال طموبيلات وراه غزز شفايفو بعصبية عرف بلي طاح فلفخ والاكتر من دالك انه ماهاز معاه لا سلاح ولا كارد يعني كانت لقضية مدروسة وبالتالي كاين شي خاين فرجالو ويا ويلو ويجي فيديه يقتلو ويشرب من دمو كلشي يدوزو الا لخيانة جمع ديك لكيت من ودنو ودار شاف موراه بانلو صف ديال طموبيلات و شي 30 اواكتر من وحوش آدمية بلباس موحد اسود ووجوهم مغطيين كيبان سوى عيونهم وكل واحد هايز زوج سلوحة فيديهم زير على قبضة يديه ببقوة حتا بياضت وقال بصوت عالي كيزعزع 🔥
💧ودخلو مباشرة سي ابراهيم توجه لغرفة رسيل لقديمة فتح لباب بقوة حتا ناضت طافجة شافت فباباها وهي باقا مدوخة بنعاس يالله جات تسولو وهي تلمح رسيل كتخنزر فيها حسات برعدة طلعات معاها لا غير كنحلم كانت هدي آخر جملة قالتها قبل ماتحس بوجها دار لجهة تانية اتر الصفعة لي تلاقاتها من عند باباها عملات يديها على خدها مصدومة اول مرة يهز عليها يدو شنو زعما عيكون عرف لحقيقة ماحسات غير بصفعة اخرى حتا طاحت فالارض مباشرة قدام رجلين رسيل علات راسها فيها ببطئ وجها كامل منفوخ ودموع شلال من عيونها فحين رسيل غير مربعة يديها وكتشوف فيها ببرودة ماتهزتش فيها حتا شعرة حيتاش تستاهل هدشي لي وقاعلها حتا هي ماحنتش فيها ودابا جا دورها رباب غير شافتها واقفة هايداك عرفات بلي هادي هي لاخرة ليها ماحسات غير بيد قوية زيراتلها على كتفها حتا تغرسو ضفارو فدرعها وهزها من الارض ووقفها مقابلة معاه 💧
ابراهيم :نعلة الله وعليك الحمارة خسارة تربيتي فيك خسارة تفووو (دفلها على وجها )
رباب:(طاحتلو على رجليه كتبوسهظ ):هئ هئ الله يرحم والديك ابابا هئ هئ سمحلياا ابابا هما لي خلوضوني وعمرولي راسي هئ هئ كنترجاك ابابا سمحليا هئ هئ
ابراهيم:ماعمري نسامحك الكلبة واش ماحنيتيش فختك حتا شوية ودرتي يديك فيد دياب ومخليوني فحال لحمق متبعكم هما بعدة جات معاهم ماعندهم بيها حتا علاقة ولكن نتي كيفاش عطاتك خاطرك ديري لختك ديك لحالة ماتهزتش فيك حتا شعرة على حالتها وهي ماعمرها اداتك ولو حتى شوية حاشا واش يكون عندك لقلب لكافر ومايديرهاش أ ليهودية
رباب :هئ هئ ندمت ابابا هئ هئ بقيت كنتعدب وكنحس بدنب هئ هئ تعماولي عينيا ابابا هئ هئ كنطلبك ابابا هئ هئ
ابراهيم:الا كان شي واحد خصك طلبي منو سماحة هي رسيل اما انا عمري نسمحليك
رباب:(هزات عينيها فرسيل لقاتها باقا على نفس وضعيتها هي بصح ندمات ولكن باش عتفيد ندامة وهي بعداتها على حبابها 5 سنين مشات لعندها وقفات مقابلة معاها وجمعات يديها على شكل ترجي هي بصح حتا لدابا عاد عرفت قيمة ختاها ولكن خسارة لغيرة ولحقد كانو طاغيين على قلبها ):هئ هئ ختي رسيل هي هئ كنترجاك سمحيلي هئ هئ والله حتا تعمولي عينيا هئ هئ وندمت قاد شعر لي فراسي عفااك هئ هئ عفاك اختي سمحيلي هئ هئ نتي قلبك بيض
رسيل:(واقفا كتشوف فيها مخبية احاسيسا في قناع البرودة حقا توحشاتها وبقات فيها وبرغم من داكشي كامل لي دارتلها الا وأنها كتبقا ختاها وعارفاها غير عمرولها راسها خصوصا ان شخصيتها ضعيفة ولي جا كيضحك عليها ولكن مستحيل تسمحليها بهاد سهولة):وباش تنفع ندامة فات لوقت ماعترجعيليش 5 سنين لي ضاعت من حياتي وانا بعيدة على بابا وختي سمعتيييي (غوتات عليها حتا طارت من بلاصتها )
ابراهيم:ادن لهضرة تسالات ونتي(شير لرباب )جمعي شراوطك وخرجي عليا مانعودش نشوف وجهك مرة أخرى
رباب:(صافي دابا قريبة تسخف بقواات لبكا طاحتلو على رجلو كتبوس وتعاود ولكن هو مقصح قلبو خصها تعلم )الااا هئ هئ عفاك ابابا هئ هى ماديرليش هايدا هئ هئ
رسيل:(كانت كتشوف فيها بحسرة واخا مامبينش سبحاان الله حقا دنيا دوارة عالبارح وهي فبلاصتها كترغب فباها وهاهي دابا كدوق من نفس لكاس ولكن مابغاتش يوقعلها فحالها يمكن هي ربي حماها ووقف معاها ولكن يقدر يوقع لرباب لعكس الا خرجات عند دياب لي كيتسناو غير لفرصة باش ينهشو لحمها شافت فباباها وقالت ):بابا عفاك ماديرش هايدا ماتعودش نفس لغلط مرة خرى عاقبها ولكن ماشي بهاد طريقة عفاك أبابا
ابراهيم:(بقا كيسمع فكلامها لقا بصح عندها لحق ماخصوش يعمل هايدا وهو من الأول كان باغي غير تحس بنفس الاحساس وحقا حساتو بضوبل )لي بالك ابنتي انا عنمشي نجمع حوايجي وحوايج ليان
رسيل:واخا ابابا انا عنمشي دابا جمع لحوايج انا شوية ونصردلك طوموبيل عتوصلك حتا لدار
ابراهيم :واخا ابنتي الله يرضى عليك
(مشا سي ابراهيم لبيتو بعد ما سلم على رسيل فحين هي توجهات خارجة ورباب كتشهق وكتقول مصاب غير مايخليوهاش بوحدها ندمات بزااف وخصوصا دابا مني دافعات عليها رسيل عرفات راسها ماكتسوى والو فقدات لامل مني شافتها خارجة حتى وقفات وبلا مادور قالت )
رسيل:جمعي حوايجك واجي مع بابا
💎قالتلهل هاد زوج كلمات وخرجات لطموبيلتها فحين رباب جلسات كدعي الله باش باباها وختاها يسمحولها بسرعة ناضت وبدات تجمع فحوايها فحين رسيل دخلات لطموبيلتها وتكات على لمقعد وغمضاات عويناتها واخيرا رتاحت 💎
💧واخيرا رتاحت كتحس بحمل تقييل تزول من على كتافها بتاسمات وهزات تيلي ودوزات لخط 💧
رسيل:شنو درتي؟؟
--:كلشي هو هاداك الالة
رسيل:واش مليكة جبتيها من لمحطة
---:اه الالة را وصلتها قبيلا وخااها ديناه من لكافي
رسيل:مزيان بلا مانوصيك تهلا فيهم مزياان ماتخلي فيهم حتا عضم صحيح وانا عنصردلك شي وراق مع لكارد قوليهاا  تسنيهم وماتنساش تصوني عليا باش نرحب بضيوفي
---:هه كوني هانية الالة كلشي عيكون كيف بغيتي
رسيل:ماعنديش شك فهادشي
(قطعات عليه لخط وصونات على لمحاامي )
رسيل:موسيو عمر بغيت من هنا لساعة يكونو وراق طلاق ديال بابا واجدين انا عنصردلك دكشي لي عتحتاج
عمر:داكوغ مدام رسيل
رسيل:ومن بعد صاردهم لفيلا عيديهم من عندك لكارد اكي
عمر:اكي الالة كوني هانيا
(قطعات عليه لخط ودوزات اتصال لكارد )
رسيل:5 دقايق تكون فدرب***** وجيب لموطور وقول لشي كارد من دابا لساعة يجي لنفس درب بلوطو و يوصل ناس لي فهاد دار *** للفيلا اكي
لكارد:داكوغ مدام رسيل
💧قطعات عليه لخط وفتحات تجاكيط لحرارة بزااف بقات كتسنا وحقا ف5 دقايق سمعات صوت موطور مجهد بتاسمات وجبدات لورق لي عطاهملها ابراهيم مني كاانت خارجة وخرجات لعند لكارد لي عطاها تحية وسوارت طيماكس اسود كيحمق كبيير وبااهض التمن عطاتو ديك لوراق وقالت 💧
رسيل:بغيت هاد لوراق دابا يوصلو لعنوان لي عنصردلك اكي
لكارد:داكووغ الالة بسلامة
💧حركاتليه راسها بالايجاب وركبات على طيماكس بعد ما دارت لكاسك وتجاكيط كوير كحلة جات طوب صرداتليه لعنوان فميساج وكسيرات مخليا لعجاح وراها وشعرها الاشقر كيتسابق مع ريح ولي دازت من حداه كيبقا متبعها بعيينيه اول مرة يشوفو شي بنت كتصوك طيماكس وبهاد سرعة ماوقفات حتا لواحد لجرف عااالي فلخرجة دلمدينة انسطالاات طيماكس فجنب ونزلات بعد ما حيدات لكاسك وجلسات فلحافة ديال داك لجرف كتشوف فامواج لبحر لعاالية ورياح قوية كتلعب بشعرها غمضات عويناتها مسمتعة بهاد لجو 💧
🔥وقال بصوت عالي كيزعزع🔥
نيار:باقي كتخبع من ورا فيرانك كون كان فديلمك غير شوية درجلة كون جيتي برجلك شحاال قدك ماتخبا عنجبدك من تحت لارض وعنشرب من دمك هدا وعد من ل🔥Monster🔥
🔥ديك لي كارد غير شافوه كيفاش ولا فحال لوحش وديك سيرفيت قريبة تقطع عليه بقوات الاعصاب وعروقو تنفخو عضلاتو وعضلاتو تشنجو وعيونو الرمادية ولات غير جمرة حمرة حقا الا قالو وحش فهو وحش نص ديال لكارد هربو هما اكتر وحدين كيعرفوه بقاو غير 15 كارد قرابين يطلقوها فحويجهم وتوجهو لعندو ودارو بيه من كل جهة وموجهين سلاح لوجهو حتا نطق واحد فيهم 🔥
🔰بروسية🔰
---:موسيو مونستر يالله معانا بلا مشاكيل
(غير سمع كلامو دار لعندو بنظرات كون كانو قرطاس كون رجعوه كفتة توجه لعندو بخطوات بطيئة)
----(غير كيشووفو كيقرب كيحس براسو عيسخف بلخلعة هايز سلاح فوجهو كيترعد ):موووسيو ماتقرب(باقي حتا ماكملها  حتا حس بيديه تهرسات وسلاح طار من يديه واوووب قرطاسة وحدة لبين عينو جابتو كاو لاخرين غير شافوه كيف دارلو شي هرب وشي بقا كيشطح بلخلعة دار لعندهم واوووب تيرا فيهم واحد واحد لمكان لمفضل بين لعينين جابهم طايحين على بعضهم جثة هامدة مسح داك سلاح من بصماتو ورماه فلارض وتوجه قالب دورة حتا كيحس بزوج قرطاسات ختارقو كتفو زفر بغضب وغزز شفايفو بعصبية دار وبانليه واحد مخبي مور شجرة كيترعد عمل ابتسامة جانبية وتوجه لعندو فحاليلا مامضروبش كاع اما لآخر غير شافو جاي لجيهتو طلقها فحوايجو ويالله جا يهرب واووب قرطاسة نيشان لراسو من لور طاح جثة هامدة فحين هو قلب دورة جبد تيلي من جيبو لقاه طافي ضربو معا شجرة حتا تشتت تفوو على زهر كانت هادي آخر جملة قالها قبل مايدور راسو فالارجاء بانليه غير شجر ومسافة بعييدة على لقصر 🔥