💎اللبؤة و الوحش💎( مكتملة )

part121

🌔بارت 121👑
وقالت
):نيار نزل قبيلا كان عندو شي شغل فشركة
هزار:ااه وصافي اجي نفطرو
💧مشات رسيل جلسات معاهم عاد بداو كيفطرو بهدوء ورسيل غير كتلعب بكاس لقهوة فيديها وعينيها ساهيين فبلاصة دنيار وتفكيرها كلو معاه متأكدة عيكون مشا لديك لجرف وهايز شي باكية دسيكار فيديه كيبرد بيها حرقتو ضغطات على شفايفها بالم ووقفات💧
رسيل:بصحة فطوركم
ميسون:ءءء فين غادا ابنتي رسيل ماكليتي والو
هزار:اه اختي بصح
رسيل:ماعنديش شهية هاد صباح حتا لديك ساعات وناكل شي حاجة هانا جالسة فجردة
ميسون :واخا ابنتي لي بغيتي
💧بتاسماتلهم وخرجات لجردة زولات صباطها وجلسات فطرف لابيسين وخشات رجليها فلما كتلعب بيهم وداكرتها سارحة كتفكر فهادشي لي كدير فيه بقات ساعة وهي كتلعب برجليها فلما حتا جات ميسون وهزار زولو صبابطهم وجلسو حداها عاملين رجليهم فلما كيتحدتو بهدوء ورسيل قليل فاش كتشارك معاهم حديتهم وطبعا هزار وميسون لاحظو حالة رسيل ولكن قالو عتكون غير تناقشات مع نيار مابغاوش يجبدولها لموضوع وخلاوها على خاطرها
💧بقات جالسة فبلاصتها ساهية حتا بانتلها بيلسان لابسة كسيوة فلغوز وطالقة شعرها الأسود وهزا لكاغطابل فظهرها وجايا لجهتها كتنقز حتا وصلات لعندها عاد عنقاتها من لور كتبوس فحنكها وكضحك ورسيل ضحكات بلا هواها من تصرفها عنقاتها لعندها وقلباتها لقدام حتا ولات جالسة على حجرها فحين بيلسان جرات ميسون وهزار باستهم من خدهم ورجعات عنقات رسيل لي كتلعبلها فشعرها💧
رسيل:كيف دوزتي نهارك احبيبتي مزيان
بيلسان:اه اماما داز طووب لي ميطغيس دياولي ضريفين بزااف وحتا لي زيليف ولاو مي زامي دابا
رسيل:اه مزيان احبيبتي طي زامي تعاملي معاهم مزيان وماتكبريش عليهم والا كان شي واحد محتاج لشي حاجة اجي قوليهالي ونوفروهاليه وحتا لي ميظغيس ديالولك حتارميهم وسمعيلهم لهضرة هادوك عندهم دور كبير فتربية الاجيال وتعليمهم
بيلسان:ويي مامي عارفة بابا ديما كيقولهالي وكيوصيني نتعامل مع ناس مزيان باش حتا هما يحتارموني وخصوصا ناس لي كبار مني فلاج
رسيل:وي بب اكزاكطمون