💎اللبؤة و الوحش💎( مكتملة )

part6

🌔بارت 👑
💧جالسة مركزة فلملفات لي فيديها كتقرا وتعاود لايكون شي خطأ وماشفتوش حتا سمعت دقان فلباب شافت فساعة لقاتها 9:00 💧
رسيل :افف دازت ساعة
🔰الحوار بالفرنسية🔰
رسيل :دخخخل
💧دخلات سكرتيرة هازا فيديها اجوندة💧
لارا:وي مدموزيل رسيل
رسيل : لارا لغي جميع اللقاءات والاجتماعات لي عندي سيمانا جايا حيتاش ما عنكونش
💧لارا كتسمعلها بتركيز وكتسجل فلمدكرة لي فيدها ورسيل كتهضر معاها بكل جدية 💧
لارا : دااكوغ مدموزيل شي حاجة اخرى؟
رسيل : وبغيتك تردي لبال لجميع الامور لي كتوقع فشركة وأي حاجة بانتلك ماشي هي هديك علمني بيها ولا نتي لي عتحملي لعواقب وانا عنكون مراقبة سلع لي كتصدر ولي في طور الصناعة من خلال لحاسوب ديالي وبغيت جميع لموظفين يخدمو فحال ديما راه كلشي كيوصلني ولي خالف هضرتي كيتسناه عقاب عسير كنضن بلي كلامي واضح
لارا:وي مدموزيل رسيل كلشي واضح وكوني هانيا كلشي عيتنفد بلحرف
رسيل:بيان دونك يمكن لك تمشي دابا
💧شارتلها بيدها جهت لباب فحين لارا نزلات راسها وخرجات . بقات مشغولة فلخدمة كتحاول ماامكن تسير الامور باش مايوقعوش لمشاكيل اتناء غيابها ماحسات بلوقت حتا وصلات 3 وعنقها بدا كيضرها بقوات لجلاس فلاخر هزات بوشيط ديالها وخرجات من شركة بنفس طريقة لي دخلات بيها فتحات طومبيلتها و ركبات فيها مكسيريا حتا لباب دلفيلا نزلات منا ودخلات لفيلا طلعات نيشان لغرفتها وغيرات حوايج لخدمة بكسيوة فوق ركبة فشيبي بلا كمام ومفرفرة مشات وقفات حدا لمرايا طويلة ومسحات لمايكاب وطلقات شعرا لي فات لكسوة بطول هزات خصلة منو فيديها وبقات سااهية فيه بينما داكرتا سافرات بيها لأجمل ايام حياتها💧
〽فلاش-باك〽
💧جالسا فالارض لابسا كسيوة فلغوز وطالقا شعرها لي كان واصل حد خصرها وماماها جالسا وراها كتمشطلها شعرها حتا شدات فيه مخسرا وجها💧
رسيل :وااع و ماما بشويا عليا راك طيرتيلي جلدة هئ
سلمى:ء ءء سماحلي احبيبتي واش قصحتك ؟
رسيل: شوية مامي
سلمى :صافي اكبيدتي سمحيلي ماقصدتش تبارك الله مع عندك طويل كيبقا يتلواليا فلمشطة .بنتي رسيل عندك شي نهار تقطعي شعرك عنتقلق منك بزااف
رسيل:لاااء أمامي كنواعدك ماعمري نقطعو غير ماتقلقيش مني
سلمى:الله يرضى عليك احبيبتي اجي عندي نعنقك اجي هه
رسيل:ههه
💧عنقو بعضهم بقوة و الابتسامة على وجههم لملائكي سبحان الله حقا صدق من قال:*من أين دالك الجدع ؟ من تلك الشجرة. ولكن ماشي ديما كتكون هد لمقولة صحيحة 💧
〽الرجوع إلى الواقع〽
💧نزلات دمعة يتيمة من عيونها زرقاء اتر تفكيرها في تلك دكريات الجميلة لي اصلا ماعمرها نساتهم برغم من انها عيات ماتحاول تاقلم مع لوضع وتعود على فراقها ولكن ضروري ماكيبقا ديك لفراغ فقلبها لي ماكيعمر الا بحنان الام مسحات دموعها وضمات يديها بزوج لصدرها فحال الا معنقا ماماها وقالت بصوت باكي و حنين ودموع هوادين شلال من كريستاليتيها 💧
رسيل : ❤أمي❤
❤سأكتب عنك في كل زمان و كل مكان❤
❤سأكتب عنك أجمل الأشعار ❤
❤سأكتب عنك حتى لو انتهى الكلام❤
❤سأكتب عنك في كل البلدان❤
❤وأعلن عن حبي لك❤
❤وليعلم كل لكون وان كان ضدي❤
❤ساجعل من حبي لك قصة تبدي بكل زمان❤
❤سأكتب عنك حتى في المنام❤
❤سأكتب عنك حتى لو جفت اقلامي❤
❤الله يرحمك يا قرة عيني❤
💧مسحات دموعها وتوجهات لكوزينة توجد غداها 💧