💎اللبؤة و الوحش💎( مكتملة )

part68

🌔بارت 68👑
🔴زادو كيتمشاو مشابكين يدين بعضهم حتا وصلو لباب لي كانت حديدية وعندها سقطة فلجهة لخارجية يعني مايمكنلهاش تفتح الا من برا رسيل عوجات فمها ونيار طلع عينو كيقلب على شي مخرج حتا كيلمح ديك سرجم صغيير لي فسقف عمل ابتسامة جانبية وشاف فرسيل وشارلا بصبعو لسرجم وزاد متوجه ليلو ولي كان بدورها حتا هي ضحك وتبعو حتا بانلا هز داك لكرسي وحطو تحت سرجم لانه بعييد على لارضية وجلس قرفصاء على رجلو وشارلا بيدو لكتافو🔴
نيار:رسيل طلعي وخلي ديك شاقور فيديك
رسيل:اكي
🔴طلعات رسيل على كتافو وشداتلو فشعرو بيد ويد هازا بيها شاقور خايفة لا تجي مكسلة فلارض ونيار غير حس بيها تعوضات وقف بيها وطلع فوق لكرسي جاب الله صحيح اما كن تهرس بيهم ورسيل كتحس براسا قرب يدخل فسقق لان هي طويلة ونيار قالها ماكتعرفي والو وزايدينها بلكرسي 🔴
نيار:حاولي تفتحي سرجم بديك شاقور
🔴داكشي لي عملات بدات كضرب فسرجم حتا تهرس لانه من لخشب مالقاتش معاه صعوبة غير هو تفتح طاحت عليهم كموسة دتراب رسيل غمضات عينيها كتكحب ونيار نزل راسو كينفض فشعرو ولاو حالتهم حالة كاملين مطليين بتراب عاد طلع نيار راسو ودفع رسيل من رجليها حتا خرجات عاد تعلق حتا هو وتبعها طلعو راسهم كيشوفو فين هما لقاو بلي كينين فسطح ديال لكوخ عامر تراب نفضو حالتهم وكحز نيار للحافة دسطح صغر عينو كيحقق شحال كينا من بوديكاررد وشحال بعادين على طريق رئيسية عاد رجع دار وشاف فرسيل🔴
نيار:كينا 10 دلي بوديكارد 5 فهاد جهة و5 فلجهة لامامية اجي لهنا
🔴جرها من يدا ووقف وراها كيشيرلا بيدو وكيوريها فطرقان وهي متبعا معاه بتركيز🔴
نيار:شوفي فديك طريق لي محفورة وسط شجر راكينا وحدة موراها بيناتهم 5 كلم واش شفتيها
رسيل:وي وي شفتها
نيار:بيان مور ديك طريق تانية كتلقا طريق رئيسية وهي لي كتوصل لقصر حيت..(قاطعاتو رسيل )
رسيل:حيتاش شجر ديال لغابة طوال وكل ماقربنا من جهة ديال لقصر كنلقاو وحدين قصار على هادو وحتا ديك نبتة مونستيرا ماكيناش فهاد جهة والا لحظتي فديك طريق تانية مزروعة تما هدشي كيعني اننا كنقربو لمنطقتك وبضبط حنا بعادين على لقصر ب90 كلم لان من لكوخ لديك طريق لولة كينا 30 كلم ومن طريق لولة لتانية كينا غير 5 كلم و 30 كلم بين طريق تانية وطريق رئسية و25 كلم بينها وبين لقصر
نيار:(غير فاتح فمو فيها ماكانش متوقع تكون دقيقة لملاحظة لهاد درجة وخصوصا لدكاءها بتاسم بافتخار ):وي اكزاكطمون
رسيل:وكي عنديرو نتهناو من هاد لي كارد؟
نيار:(كيدوز يدو على دقنو ):امم ماشي شي حاجة صعيبة انا عنتكلف بهادوك لي فلجهة لامامية عاد عنرجع لهادو ماتحركيش من بلاصتك حتا نعطيك شي اشارة والا سمعتي شي صوت تخباي
رسيل:كون هاني
🔴مشا نيار لجهة لامامية من سطح ونزل بشوية كيتسلق فلحيط حتا وصل لارض دور عينو بين ديك لي كارد كانو كاملين عاطيين بظهر للباب وشادين سلاح فيديهم ومخليين مسافة 3 متر بينهم وقف مور واحد شجرة وهز زوج حجرات كبااار فيدو من نوع صلب جر اول واحد بانلو قدامو خانقو بدراعو لاخر ماعرف راسو باش تبلا حتا حس بضربة قوية فراسو جابتو كاو زولو سلاح من يدو وعطاه ركلا برجلو حتا جابو فجهة لاخرا ودابا لمهمة سهالت عليه رجع وقف مور ديك شجرة وبدا كيتري فيهم فاسفل راسهم واحد بواحد بسرعة فائقة ماكيجي لاخر باش يدور حتا كيطيح كاو خشا سلاح فخصرو ورجع طلع لسطح يطمأن على رسيل عاد يمشي يتفاهم مع لاخرين وغير وصل فتح عينو بصدمة 🔴
🔴كيلقا رسيل جالسة فلارض كتنهج وديك شاقور عامر دمايات ومرمي حداها ماحس براسو حتا مشا كيجري لجهتا و جلس قرفصاء قدامها وبدا كيقلب فوجها وفجسما حتا ما لقا فيها والو عاد دوز يدو على شعرو كيطلع نفس وشحاال من خلعة ضرباتلو ليوم كيحس بقلبو قريب يسكت شاف فيها بعصبية ولفوار كيخرجلو من نيفو 🔴
نيار:دياللمن هاد دم دويي ؟
رسيل:(غير كترمش بعويناتا وهزات صبعها ببطء وشارتلا للجهة لخلفية ديال لكوخ):د ديالهم
🔴نيار طلع فيها حاجبو باستغراب ومشا كيطل من جهة لخلفية على لي كارد ساعة لقا غير مجزرة ديال دمايات كانو لي بوديكارد كاملين طايحين فلارض غارقين فدمهم ومضروبين فراسهم من لور غزز شفايفو بعصبية عرف بلي رسيل مشات لعندهم ضغط على قبضة يدو ورجع وقف قدامها🔴
رسيل:(ضاغط على سنانو ):شوووصلل دييلممك لعندههم وكونن وقعت ليك شي حاجة دابا واش هادي هي لوصاية لي وصيتكك دويي؟؟
رسيل:(غير كتسرط فريقا وكدور فعينا):يااء واش بغيتيني نبقا جالسة كنتفرج فيك ونتا كتقاتل بوحدك واصلا كان غير عيسمعو صوت رصاص وعينوضو يقلبو وديك ساعات عنبقاو تالفين ويقدرو فاي لحظة يخرجولنا من شي قنت
نيار:(هز صبعو سبابة كيحك فلحيتو هاد لقضية مافكرش فيها ):يالله نوضي خلاص خصنا نمشيو
رسيل:(وقفات من لارض نفضات حوايجا ومسحات ديك شاقور بتيشرط ديالها باش مايبقاوش فيه بصماتها وخشات لفردي لي دات لبوديكارد وشافت فنيار بنظرة تساؤلية ):واش مابقا حتا واحد؟؟
نيار:نوو باقين واحد زوج ولكن راهما دابا فلاوبيطال كنظن عيتعطلو (ابتسامة مستفزة)
رسيل:(كدور فراسا ):يعلم الله شنو درتي فيهم؟
نيار:ماخصناش نضيعو لوقت
🔴شبك صباعو مع ديالها بنفس طريقة ونزلو كيتسلقو لحيط حتا وصلو لارض عاد رجعو شدو فيدين بعضهم وبداو كيجريو فلغابة غادين فطريق لي كانو كيرسمو فيها قبايلا حتا فاتو طريق تانية يعني باقيلهم 55 كلم ويوصلو لقصر وقفو لتواني تحت واحد شجرة كيستارحو 🔴
رسيل :(كتنهج ):مابقيلناش بزاف ونوصلو
نيار:(بنظرة غربية ):مني عنوصلو عيتبدلو بزااف دلحوايج
رسيل:(باستغراب ):علا..
🔴باقا ماكملاتاا حتا كيسمعو صوت لكسيراتور مجهد وراهم نيار غزز شفايفو بعصبية ورسيل قلبا بدا كيضرب ف90 دارو ببطء كيلقاو كارلوس هايز سلاح ومصوبو لجيهت نيار وليون كدالك ومصوبو لجيهت رسيل نيار طرطق عنقو وجبد سلاح من خصرو وصوبو لجيهت كارلوس ورسيل كدالك قصحات نظراتا وجبدات سلاحها وصوباتو جيهت ليون🔴
كارلوس:ههه شفتي اليون على صدفة كنا جايين لعندهم حتا لقيناهم هما لي جايين لعندنا
ليون:(يدو مقطعة من لمرفق وعينو ليمنية ملوية عليها فاصمة ):ههه كيعجبوني صدف (كيطلع وكينزل فرسيل ضاغط على شفايفو لي فيه مامهنيه ماكيحس غير بقرطاسة فرجلو جابتو طايح على ركبتو)
نيار:(معوج راسو معاه ):فلول يدك وفتاني عينك ودابا رجلك امم نشوفو شنو مزال آخر
كارلوس:روحك
نيار:(جمع حجبانو وصغر فيه عينينه ):اوو كاتبانلي زربان على روحك اسي كارلوس
كارلوس:عتندم
💧رسيل غير كدور عينيها بيناتهم كتبانلا لحرب نايضة ديال بصح حتا بانلا ليون كيحاول يوقف على رجلو زادتو ضربة برصاص فرجل لخرا حتا جابتو مجبد وحيداتلو سلاح من يدو💧
رسيل:(كتشوف فيه عايفة ):ماعندك لاش تنوض ازهواني لآخر
🔥نيار حاضي مع كارلوس كيفاش كيشوف فرسيل وفليون حتا غفلو فواحد لحظة ولوالو دراعو على عنقو كيخنق فيه و ليد لوخرا كيحاول يزولو بيها سلاح 🔥
💧رسيل غير شافتهم هايداك قلبها بدا كيضرب بعنف خايفة لا تجي فيه شي رصاصة يالله بغات تمشي لعندو حتا كتحس بجرا من رجليها بزوج جابها طايحة على كرشا ولفرادة بزوج ترماو بعاد عليها دورات عينا كتلقا ليون طايح فلارض ومزيرة على رجلا بزوج عيات ماتعافر وكتركل فيه باش يطلق منها و والو ماقدرتش وحتا سلاح بعيد عليها طلعات عينا ببطء كتشوف فنيار لي باقي كيدابز مع كارلوس وصدرهم بزوج ملصق مع بعضهم ويديهم ملويين على سلاح وحاطينهم وسط صدرهم حتا لواحد لحظة كتسمع صوت طلقة نارية حسات بقلبها وقف فهاد لحظة جسما تشلل على لحركة فتحات عينيها بصدمة كتشوف فيهم وكدعي الله يكون كارلوس لي تضرب حتا بانلا🔴