💎اللبؤة و الوحش💎( مكتملة )

part32

🌔بارت 32👑
رسيل:دخلل
(دخلات لخدامة حانية راسا وباينة مخلوعة )
لخدامة:نعم الالة فاش محتاجني
رسيل:اجي جلسي هنا
(شارتلا بصبعا لواحد لفوطوي )
لخدامة:و واخا الالة
(مشات جلسات فين قالتلا وهي باقا حانية راسا )
رسيل:شوفي فيا
لخدامة:(طلعات راسا ):هانا الالة
رسيل:امم دابا مزيان شوفي انا عنسولك وبغيتك تجوبيني بصراحة
لخدامة: وواخا الالة
رسيل:شحال ونتنا خدامة فهاد لقصر
لخدامة:هادي 5 سنين الالة وانا خدامة فلقصر . سي نيار لهلا يخطيه ضريف مسكين الله يعمرا دار واخا صعيب وماكيبغيش لخطأ وكلشي يعمل خدمتو بإتقان الا كيتهالا فينا بلمصروف
رسيل:(دارت يدا على راسا وقالت بصوت خافت ):اويلي هادي قول مركبينلا لحجر احم شوفي ء ء شنو سميتك بعدا
لخدامة:سميتي رجاء الالة
رسيل:مزيان سمعني أرجاء انا سولتك على حاجة وحدة اكي ادن جاوبني على قد سؤال
رجاء:واخا الالة غير سمحيليا عندي هاد لسان طوال من سي نيار
رسيل:(جاتا ضحكة عرفات تختار حيتاش رجاء عفوية وكتهضر بلا فرانات ):وفهادي عندك لحق مهم شكاتعرف على نيار بما انك 5 سنين ونتنا عايشة فهاد لقصر الا وكتعرفيه مزيان متلا فين خدام؟ عائلتو ؟
رجاء:دابا الالة سي نيار ماعمرو هضر قدامنا ولاجبد خدمتو ولكن حنا غير من تلفازة ومواقيع تواصل عرفنا بلي رجل أعمال كبير بزااف خصوصا فروسيا وعالا ماسمعت هو كيملك فيها نص حيتاش اصلا هو تربا وكبر فروسيا ولكن خلق فلمغرب لان لااب ديالو الله يرحمو كان مغربي ولكن ماماه برازيلية وبعد لمرات كايجيبا معاه هي وختو صغيرة ولكن قليل حيتاش حتا سي نيار ماكيجلسش بزاف فلمغرب كيجي غير مني كتكون عندو لخدمة هنا اوشي لقاء وماكيطولش حدو نهار وكيرجع فحالو
رسيل:(بقات غير كترمش وقالت بصدمة):نص فروسيا؟
(دوزات يدا على شعرا هدشي معقد كتار من لي كتصور واللعب مع نيار صعيب بزااف ماشي فحال لي كان كيسحابلا ):ولكن علاش كيقولولو لمونستر قبايلا سمعت لكارد عيطلو بيها
رجاء:حتا حنا فحالك الالة ديما كنسمعو لي كارد كور كيعطولو بهاد سمية ولكن ماعمرنا عرفنا علاش
رسيل:امم وفين هي ماماه وختو؟
رجاء:ماعرفينش الالة هما اصلا مسكنوم فشي بلاصة بعيدة باش مايقدر حتا حد يوصلوم لان الاعداء دسي نيار كتار بزااف
رسيل: امم وعلاش هاد لمرة طول فلمغرب؟
رجاء:عالا ماسمعت الالة أنه جا على قبل لعرس دسي أدهم
رسيل:واش كتعرفو؟
رجاء:الله ياودي الالة سي ادهم الله يعمرا سلعة اول مرة شوفتو كان فلقصر ديال سي نيار لي ففرنسا وسمعت من لبنات ان سي نيار عاونو ووقف معاه حتا ولا لباس عليه وكان عزيز عليه سي نيار بزااف وحاسبو كتار من خاه وحتا سي نيار كان ديما واقف فجنبو
رسيل:(زادت كملات عليها ماعمرا كانت كتوقع ان نيار هو لي عاون ادهم ):احم واش نيار مزوج ولا مرتبط؟
رجاء:لا الالة سي نيار مامزوجش ومكنظنش يكون مرتبط حيتاش ديما علاقتو مع نسا كتقتصر غير فليلة وحدة هدشي لي كاين
رسيل:واش عندك شي معلومة على شي واحد من اعداءو؟
رجاء:لا الالة حنا بعادين على هدشي ولكن واحد رجل ديما تابع سي نيار كنضن بيناتم شي عداوة كبيرة بزااف
رسيل:امم ماكتعرفش سميتو ؟
رجاء:لا الالة هدشي لي كنعرف
رسيل:صافي شكرا يمكنلك تمشي وعندك تقول لشي واحد بلي سولتك عليه ماعمرك تحلمي ترجعي لهاد لقصر مزال هانا حدرتك
رجاء:(دارت يدا على فما):لا الالة لقوة الا خرجت شي حرف على فمي
رسيل:مزيان انا شوية ونزل نتعشا
رجاء:واخا الالة رالعشا واجد
💧خرجات لخدامة فحين رسيل عملات وجها بين يدا وبقات كتفكر هدشي ماشي ساهل كيف ماكانت كتوقع دخلات فحرب كبيرة وكبيرة بزااف ولحاجة لوحيدة لي كتفكر فيها هي عائلتا خايفة بزااف لايمشي يأديهوم وهي بعينا شافتو كيفاش قتل لي كارد بدم بارد فما عتحرفروشي معاهم بقات مطرقة ديها ومطرقة تجيبا اول حاجة خصا تخرج من لقصر الا بغات تهنا على عائلتا ولكن كييعدير مشا تفكيرا لمونستر علاش كيعطولو بهاد سمية فلاخر تنهدات وقالت من بعد وتفكر فهاد لموضوع واضت ودخلات لحمام
💧بدلات لفوطة صحية وغسلات وجها وخرجات نيشان لدريسينغ جبدات شورط قصير فلكرونة واكس ديالو ففس لون مزيرة لبساتوم جاوها بوووم قنبلة مسنطرين على طايتا وخصوصا مع بشرتا لبيضة كتبان متيرة عملات سبادري دسبور خفيفة على شكل بالغين وجمعات شعرا كود شوفال وبقا مطلوق على ظهرا يالله نقص شوية من طول بديك جمعة وهزات عكر ماط فنفس لون لبسة جاها طوب شافت فسنسلة لي فعنقا وتنهدات 💧
رسيل:افف فين مشيتي فين
💧باستا ونزلات فلاسانسور من بعد ماخنزرات فلي كاارد وهما مساكن ماعرفو واش دبصح هاد لبنت من الانس او ملك على لارض دخلات نيشان لكوزينة لخدامات كاملين بقاو غير فاتحين فوامهوم فيها أول مرة يشوفو شي بنت بهاد لجمال ولجادبية كاملة وكل وحدة حسداها وماكرهتش تكون هي فحالا قلبات عينا بملل طلعولا هاد نظرات فراسا شافت فيهم وحنحنات 💧
رسيل:احم احم واش لعشا واجد؟
💧عاد عاقو براسوم وجوباتا رجاء💧
رجاء:اه الالة كلشي واجد دابا نحطوه فوق طبلة
رسيل:امم مزيان
💧دورات عاينا بانولا موجدين من كل وجبة زوج طباسل شافت فرجاء وسولاتا باستغراب💧
رسيل:ديالمن لplat تاني؟
رجاء:ديال سي نيار الالة لان هادي هي لوقيتة لي كيتعشا فيها
رسيل:امم مزيان كملو شغلكوم
🔶🔶🔶🔶🔶🔶🔶🔶🔶🔶🔶🔶🔶🔶🔶
🔥انسطالا طموبيل فباب لقصر ودخل طلع نيشان لجناح ديالو و مشا لعند لي كارد لي فباب غرفة رسيل 🔥
نيار:واش كينا لداخل؟
لكارد:لا اسي نيار نزلات لكوزينة على قبل لعشا
نيار :امم اكي
🔥خلاهم وزاد دخل لبيتو ومشا مباشرة لحمام🔥
🔶🔶🔶🔶🔶🔶🔶🔶🔶🔶🔶🔶🔶🔶🔶
💧بقات واقفة كدور عليهم فحال لعسكري حتا شافت واحد طاسة صغيرة فوق لبوطاجي هزاتا فيدا وبدات كتقرا فيها🎃فلفل الشبح مصنوع بلهند من اكتر انواع الفلفل حرارة أحر من الفلفل العادي ب400 مرة تحس بوجع الحرارة بلفم لمدة ساعة🎃
💧هي كتقرا فديك لعلبة وشياطين عقلا دايرين اجتماع وواحد كيطرش لاخر كيقولو فين كنتي ناعس عملات ابتسامة شريرة وحطات ديك طاسة وشافت فلخدامات لي كيديو الاطباق وكيحطوهم فوق طبلة كان باقي طبق واحد بانلا ناشف عرفاتو ديالو هزاتو وشافت فنوال 💧
رسيل:صافي غير دي ديسير انا عنجيب هادا
نوال:لا الالة بلا ماتعدبي راسك حنا عنعملو كلشي
رسيل:لا عادي غير سيري
نوال:واخة الالة لي بغيتي
💧خرجات نوال بplat ديال ديسير ورسيل شافت فلكوزينة بانولا لخدامات كاملين كيوجدو فطبلة مشات بزربة هزات ديك لحار ودارت زوج معالق كباار وبقات كتخلطو اصلا كان غير صوص مطيشة يعني ماعيبانش سدات ديك طاسة ورجعاتا لبلاصتا وهزات طبسيل وخرجات من لكوزينة بابتسامة شريرة ودخلات لصال مونجي لي كانت كبيرة بلون الرمادي ودي فوطوي فجناب وطبلة كبيرة فلوسط زجاجية عليها ناب فدوغي من لفوق وكراسا دجلد بنفس لون بانلا كلشي مستف ومحطوط فبلاصتو صلاد فغوي بلكيوي ولبنان ولفريز وطبسيل فيه صدر دجاج محمر بطريقة الكنتاكي وطبسيل اخر فيه صوص وعصير لارونج ولي صلاد دلخضرة مهم طبلة كتشهي وكتشبع لعين قبل من لكرش بانلا واحد لبلاصة خاوية حطات فيها ديك طبسيل ومشات جلسات فلكرسي كتسناه يهود لان ماشي من الأدب تبدا تاكل قبل مايجي💧