💎اللبؤة و الوحش💎( مكتملة )

part57

🌔بارت 57 👑
🔥بقا غادي مكسيري ماحس بلوقت حتا لقا راسو قدام لكوميسرية نزل كيجري مخلي باب لوطو مفرع عاد جا لكارد انسطلها فلباركينغ كيتمشا ضاغط على قبضة يدو وكارز على سنانو وعضلاتو تشنجو وتنفخو اكتر بقوة الاعصاب تيشرط قريب يطرطق عليه عينو تحولو من الرمادي المحاط بالازرق الى الاحمر غامق حتا لعروق لي فجنب عينو برزو بطريقة متوحشة حقا كيبان مونستر فهاد اللحظة لي كيشوفو جاي بهاد شكل كيفتحلو طريق بلهلا يطريه لو اماا نيار حاجة وحدة لي كيفكر فيها هاد ساعة ان هزار عتبات فسبيطار لا مجال للمناقشة لان اعدى حاجة عندو هو لي يخالف كلامو وهزار بهاد تصرف ماشي غير خالفاتو بل اكتر فهي تحداتو لانه مرارا وتكرارا حدرها من لي بواط وبزز باش سماحلها آخر مرة اما دابا مشات فيها وزيد لبنت لي عتكون معاها عيخلط والديهم بزوج لانه عارف هزار ماكتزعمش تخرج بوحدها خصا ضروري لونيسة بقا كيفكر حتا وصل لكلوار لي فيه لبيرو دأركان لانه كيعرفو مزيان مايحتاجش يوريهلو شي حد يالله جا يدخل وهو يلمح ديك لبنت نيت لي ريشات هزار ورسيل جالسة فوق واحد لكرسي حالتا حالة فحال شي واحد غتاصبا فلاخر دور عينو بلا مبالاة وفتح لباب بجهد وفتح معاه عينو ياريتو كون مافتحوش كتبانلو هزار مشبرة شي بنت من رجلا وهي عاطياه بظهر بقا غير مشلوط كيحقق فعيون هزار عرفا سكرانة ديال بصح وشعرا كامل طالع فسما رجع نظرو ببطء لبنت لي عاطياه بظهر لاا هنا تشوكا بلمعقول مايمكنش مايعرفاش وهي غير ريحتا كدوخو مستحيل مايععرفش شعرا لاشقر طويل مستحيل مايميمزش طايتا لمنحونة لاا باينة غير كيحلم كيفتح عينو ويرجع يسدهم على امل انو يكون كلشي مجرد تخايلات ولكن للاسف كلشي لي كيشوف بعينو فهو فغي صدمة تلاتية الابعاد اما أركان غير حاضيهم بعينو هو اكتر واحد عارف نيار مني كيكون فهاد لحالة فكيعمل مود افيون لي عقلو ماكيبقاش عارف شكيعمل متاكد بلي ليوما يعطبهم من شي قنت خايف غير على هزار لايمشي يفوتلو فيها شي دقة وهو عاد باش قال لحمد الله لي لقيتا اما هزار غير سمعات ديك لخبطة دلبااب طلعات راسا وغير شافتو تبلوكات ممكن تنسا كلشي وهي سكرانا ولكن مااتقدرش تنسا خاها نيار وهو بهاد شكل متاكدة بلي مشات فيها بلمعقول طارتلا سكرا بلهلا يطريهلا اما رسيل غير شافت هزار مشلوطة وراها درات حتا هي ببطء وبقات كطلع عينا من سبرديلتو لسروال لساعة لتجاكيط حتا وصلات لوجها وياريتا ماوصلاتش ركابا خواو عليها وحش فصفة انسان ولكن هدشي مأترش فيها بزااف لانها سكرانة انا كن كانت فوعيا متأكدة عطلقوم فحوايجا فحين نيار غير كيشوف فعيونا لي ولاو معسلين ودايرين شوية بلحمر وبقا كيطلع عيننو فاطلالتا سوداء عيكدب الا قال مادوختوش بقا غير كيرمش فيها خصوصا لمايكاب لي عاملا كتبان فحال شي برانسيس ولكن غير تفكر بلي كانت فلبواط ويعلم الله شحال من واحد شافا بهاد شكل وشحال من واحد تشهاها ويقدر يكون شحال من واحد لمس جسدها اتر تفكيرو فهاد الاحتمال حس بنبضات قلبو كيتسارعو مشا بزربة مخنزر وهز كل وحدة من شعرا مغزف عليهم مزياان🔥
نيار:(تحت سنانو ):تبارك الله على سكايريات
🔥جمعا بطرشا مع هزار حتا جات طايحة فالارض ودموعا كيتسرسبو على خدا اما أركان غير شافا هايداك حس بقلبو طاح بين يدو مشا كيجري لجهتا ووجلسا فوق لفوطوي كيشوف فخدا مزرق اما نيار ماكيشوفش فيهم كاع كيخنزر غير فرسيل فلاخر زيرلا على شعرا ودفعا فلارض حتا جات على جبهتا🔥
نيار:تسناي نتي لديلمك بلاتي باقا ماجا نوبتك حتا نتفرغلك مزيان
✴رسيل غير كتشوف فيه من تحت لافغونش فحال لقطة وكتسرط فريقا بصح هي غير واعية بشنو كيوقع ولكن هدشي ماكيعنيش انها ماعتخلعش من تخنزيرات لي كيدير فيها لمونستر فحين نيار مشا لهزار وجرها من كتفا بجهد حتا كان عيقلعولا من بلاصتو وأركان كيحاول يفك فيها✴
نيار:(بلغوات ):هاااادييي هييي تقققتييي فيييك هااا وااااش هاااادييي هييي لوصااااية لييي كنوووصييك شحححاااال مننن مرةةةة ققلتتت لددديييلمك مااااتعتببيش لديييك لبواااط دوووييي(كيخلخلا من كتافا بجهد )شححاااال منن مررةةةة قققلت لددديلمكك ماااتخالفيييش كلااامييي وماااتلعببييش ورااا ظهررري رااا عنقتتتل دييلمك الللكلبةة
✴زادا تصرفيقة اخرى حتا عوجلا حنكا اما هي ماقداش تهضر غير دموعا هوادين كلشي تخلط عليها سكرة ولوجع ودوخة مهم كتحس براسا فحاليلا طاحت من شي طيارة ااما أركان كيحس فحاليلا هو لي كياكل ديك طروش عيا مايجر فيها ولكن نيار حاكما بيدو✴
أركان:وااا صحبي راك عتقتل ختك ماتسرعش ونتا معصب حتا تهدن وتصحا بعدا وديك ساعات قتلا الا بغيتي غير بعد منا داابا باركة من شوهة راكم فلكوميسرية(غفل نيار وجر هزار بجهد حتا جات موراه )
نيار:(محمر عينو فيه ):طلقها أاركان قبل مانخلط والديكم كاملين هاد ليلة راغير على نقشة
أركان:لاا اصحبي غير عتندم من بعد سير بدل ساعة بخرا وهضرو بلعقل
نيار:(بلغوات ):واااش هييي خلاااتت لدييلمي شيي عققلل اجييي لهنااا قبللل مااندففن ديللمك ياالله
هزار:(غير كتبكي وكتمخشش فظهر أركان لي جاها فهاد لحظة فحال درهم دلحلال لصقات فيه بيدا ورجلا ):هئ هئ عفااك اخويا سمحلي هئ غير هاد لمرة
نيار:واااش ااانااا لددديلمكك عنبقاااا غييرر كنننسااامح فيييك ماااكيينااش ليي يفكك منيي (دفع أركان بجهد ومشا يجر هزار ولكن جا عوتاني وخباها موراه)
أركان:وصافي اصحبي نعل شيطان خليها غير تصحا بعدا وهضر معاها اما دابا غير كتكب لما فرملا را ماكتستوعبش هضرتك سمع مني غير هاد لمرة
✴نيار بقا شحاال كيشوف فأركان لقا بلي عندو لحق هي باقا سكرانة ماكتفهم والو من كلامو طلل عليها بنظرة كتقتل وهضر كارز على سنانو✴
نيار:مايسسسحااااابش لمممك فلتتتي را باااققين عاااد عنتفاااهمو مزيااان
🔮هزار دابا عاد طلعات نفس واخا هايداك ماقدرتش تحيد من ظهر أركان خايفة لا يرجع يكمل عليها وهو كدالك عاد رتاح دابا بعدا قدر يوقفو عيكون تهدن وعيرد لبال لتصرفاتو وماعيضرباش بوحشية فحال هايدا حتا سمعو كيقول🔮
نيار:أركان علاش جابوهم لهنا ؟؟
أركان:دابزو مع واحد لبنت هلكوها مزيان
نيار:(دوز يدو على شعرو بعصبية ):فين هي هاد لبنت؟؟
أركان:را جالسة فلكلوار مقدمة.ضدهم شكاية
نيار:(يالله جا يهضر وهو يتفكر لبنت لي شاف عاد دابا صافي فهاد لحظة عقلو تبلوكا مايمكنش يكونو هما لي دارو فيها ديك لحالة لي راجل ومايعملاش نطق بصدمة ):و واش هاديك لي لابسة لبيض وكاملة مضروبة؟؟
أركان:اه هي هاديك
نيار:(زاد كملو عليه بهاد لفعلة طلل على هزار براسو لقاها مخبية هايداك ماكرهش ينقز عليها يبرد فيها غداايدو ولكن ماشي دابا زفر بغضب ورجع شاف فأركان):خلي هاديك انا عنتكلف بيها وهادي (شارلو لهزار )هاهو لكارد عيجي يديها
أركان:نوو غير خلي انا نوصلها
نيار:اكي
🔥دار غادي باش يتفاهم مع رسيل وهو يوقف مشوكي كتبالو طايحة فلارض مغيبة وجبهتا فيها دم ماحس براسو حتا مشا كيجري وجلس فلارض حايط راسا فوق ركابو وكيضرب فوجها ضربات خفاف مخلوع عليها قلبو عيسكت🔮
نيار:رسيل رسيل فيقي فتحي عينك شوفي فيا رسيل
🔮كيهضر فحال لحمق وكيحرك فيها ووالو وأركان وهزار كيشوفو فيهم مخلوعين اما نيار غير ماجوباتوش هزا فيدو وخرج كيجري بيها وناس متبعينهم بعينهم ولبنات ماكرهوش هما لي يكونو فبلاصتا اما نيار غير وصل للوطو ركبها لقدام وعملا لاسانتير وجلس فمكان لقيادة وعفط على لكسيراتور كيتسابق ويدو كيرجفو خايف تكون وقعاتلا شي حاجة اما رسيل كتشوف فيه بنص عين من تحت شعر لي نازل على عينا هادا هو لحل لوحيد لي بقالا غير شافتو كيفاش كيقتل فختو عرفات هادي هي لاخرة ليها هي ختو وشني دارلا ناهيك هي لي ماكتحاملش معاه مابانلا غير دير راسا سخفانة باش تفك واخا مدوخة بسكرة ولكن بقا كتفيق شوية ولكن ماكتحكمش فتصرفاتا وبلا ماتحس داها تفكيرا لديك لبنت ولحالة لي دارولا ماحسات براسا حتا طلقاتا بواحد ضحكة تقيييلة حتا فزعات نيار ووقف طموبيل حتا كانو قراب يخرجو من زاج ودار شاف فيها فاتح فمو بصدمة لقاها مشبرة فكرشا وكضحك عويناتا مغمضين وشعرا نازل عليهم ولغمازة بارزة فخدا بقا لتواني سااهي فيها حتا تفكر بلي غير كانت كتكدب عليه وهو يغزز شفايفو بعصبية وكحز لعندا حتا لصق نيفو مع نيفا وزيرلا على لفك ديالا حتا كان عيطرطق🔮
نيار:(مغزف):كتلعبي معايا لديلمك البرهوشة امم؟؟
رسيل:(باقا كضحك ماحساش بالالم كاع وصوتا مدعدع بتبويقة ):ههه مسكينة قتلناها ههه عملنالا طيطاح هايدا
(هزات يدا وبدات كضرب فنيار مرخية كيحس فحاليلا كتهرو وهي زعما كتوريه كي دارورا )
نيار:(غير كيشوف فهاد لمخلوقة دابا عاد كملاتا ):نغرة لي كانت باقا لديلمك ديال تبرهيش هاهو شراب كملالك
رسيل:(زادت لصقات وجها معاه كتشوف فبؤبؤ عيونو ) شتي نتا كتشبه ل ....(عملات يدا ففما كتفكر )
نيار:(دايها على قد عقلا وكيشوف مباشرة فعيونا )امم لمن كنشبه؟؟
رسيل:(فتحات عينا ونقزات فحال ديك تلميدة من كتلقا لجواب ديال سؤال الأستاذ ):ااه كتشبه لوحش نيار