💎اللبؤة و الوحش💎( مكتملة )

part95

🌔بارت 95👑
🎡انسطالاو لوطو فباركينغ ودخلو لاوطيل مشابكين يدين بعضهم وتوجهو مباشرة لشومبر درسيل فتحات لباب بلاكارط ودخلو نيار جلس فوق نموسية ورسيل دخلات لحمام حيد شوميز وفتح بوشيط درسيل وجبد تيلي عندها بلا كود يالله فتحو وهو يطلاعلو لفوطو ديالو هو ورسيل فلبحر عاملاها فلايكغون بقا لتواني كيحقق فيها عاد بتاسك ودوز لخط لواحد من لي كارد🎡
نيار:وجدو طيارة مع 7 عنمشيو لجزيرة سردينيا وشي واحد يجبلي حوايجي لاوطيل***
🎡ديك لبوديكارد ماعرف راسو باش تبلا كاتب على سمية مدام رسيل حتا خرجلو ابليس جاوبو كلو كيتفتف🎡
لبوديكارد:ح حاضر سي لمونستر
🎡قطع لخط وحط تيلي فوق لكوافوز حتا كطلع معاه ريحت لباندوش بنكهة لفانيل مخلطة مع ريحت لياسمين لي فعطر رسيل طلع عينو ببطء وبقا كيشوف فيها دايب فجمالها لابسة كسيوة خفيفة حد ركبة بلا كمام فلاسود ومرسوم فيها قلب احمر وشعرها مطلوق على طولتو وراها كيقطر وحنيكاتها
مزنكين بدوش وماعاملا حتا نقطة دلماكياج فوجها كتحمقو مني كتكون طبيعية كتبان كيوت وبريئة وهي غير شافتو كيشوف فيها بتاسمات وغمزاتو زادت كملات عليه طلع راسو كيدعي الله يصبرو وقف بخطوات بطيئة وجرها من خصرها حتا تزدح راسها فكرشو حيتاش يالله واصللالو لديك لحد خصوصا انها بلحفا طلعات عينيها كترمش فيه بابتسامة كتجنن دوباتو لصق نيفو مع نيفها مغمض عينو كيستنشق فعطرها ورسيل حاطا يد على لفاصمة لي ملوية فوق قلبو ويد حاطاها فوق دراعو وابتسامة واسعة مرسومة على تغرها 🎡
نيار:(بصوت سكران وخاشي نيفو فعنقها ):امم باغا تسطيني نتي هادي مافيهاش شك هم
🎄عضها عضة خفيفة فعنقها وطلع فيها عينو ورسيل كتحرك فعنقها كيهرها بلحيتو وهو كيزيد يذغدغها بيها عاجبو لحال ييلعب معاها
رسيل:ههههه نيار وقف براكة كتهرني ههه ونياررر
نيار:ههه نتي غير اديتك تهريتي
🎄زاد كيهر فيها وهي كضحك من قلبها وماقداش تهرب حاكمها بيدو ونيار حتا هو كيضحك معاها جابتلو ضحكة فحاليلا كيهر فشي بنت صغيرة ضحكتهم مالية لغرفة حتا بعد عليها لحيتو مني شافا قربات تسخف بضحك وعينيها دمعو وديك لغمازة بارزة فخدها رجعات عينيها لديك لجرحة وبدات كدوز عليها يديها ببطء كتحسسها بحينة حتا نزلات راسها وباستلو قلبو 🎄
رسيل:امم صافي دابا عيبرا
نيار:(بابتسامة دايب فيها ):امم متأكدة
رسيل:اه متأك...
🎄باقي ماكملاتا حتا كتحس بجرا فشفايفها ونيار سارطهم شهقات وبدات كتحاول ترخف فيهم ودفع فيه ساعة والو راجل مغمض عينو وعايش لحظة كتحس بشفايفا طارو عيات ما ترطا فلاخر وكلات أمرا الله وسايراتو مستمتعة بطعم شفايفو ماطلق منها حتا حس بطعم دم ففمو بعد راسو عليها ماساخيش وعينيه معسلين ونايمين وهضر بصوت كيبورش🎄
نيار:امم صافي دابا عاد عيبرا
رسيل:(ممخسرة سيفتا كتأدي فلجرحة لي فمها كتحس بشفايفها كيوزوز):واش عندك كلشي بلعنف شوف كي رجعتيلي فمي هئ ديما مشوهني
نيار :باااقا ماشتي والو
🎄سمعو صوت دقان فلباب مشا نيار فتح لباب لقا لبوديكارد جابلو لحوايج شدهم من عندو ورجع عند رسيل لقاها متكية فوق نموسية حاضياه بعينيها غمزها وجبد شورط حد ركبة أسود نايك فتح صدفة دسروال ورسيل غير شافتو فتحات عينيها بصدمة وطلعات لغطا على وجها بزربة كتولول فنفسها فحين نيار شاف فيها بنص عين واضع يدو على فمو حابس بيها ضحكة وصدرو كيتنخصص زول سروالو ولبس شورط كيدور فراسو وكيضحك غير بوحدو عاد مشا نعس جنب رسيل وحيد عليها لغطا وجرها ملصق ضهرها مع كرشو حشا وجهو فعنقها وانفاسو سخونة كطير فشعرها 🎄
نيار:يخليلي لي كيحشم
رسيل:(مزنكة ):ونتا لي مقزدر يااء
🎄نيار ضحك من نيتو ودور يديه على كرشها وغمض عينيه كيستنشق فعطرها ورسيل شداتلو فيدو وغمضات عينيها براحة واخيرا من بعد شهراين ديال تعب ولمعاناة تجمعو من جديد ونعسو فاحضان بعضهم وكانت هادي تاني نومة ليهم بزوج 🎡