💎اللبؤة و الوحش💎( مكتملة )

part75

🌔بارت 75👑
💧طلقاتلو من لكرافاط وعدلاتالو وضربات على كتافو كتنفض فيه بنترة ورجعات جلسات فبلاصتا حاضياه كيفاش ولا حمر وكيكحب شرب كاس دلما وشاف فيها كينهج💧
أحمد :كنقسملك بلي حطو سلاح فوق راسي ماعرفتهمش كانو ملتمين هددوني وقالولي زور تحاليل وحطولي لفلوس ومشاو كنت مضطر تيقيني
رسيل:(مداتلو يدها بمعني عطيني ):تحاليل لاصليين
أحمد :اه اه واخا
💧وقف ومشا كيقلب فواحد لمجر حتا لقا واحد جوا عاد رجع جلس وعطاهلا شداتو من عندو كتقراه وقلبا كيضرب ف90 تحاليل مامطابقينش نهائيا بتاسمات بفرحة وشدات جوا وخشاتو فصاكا وقفات وشافت فدكتور بنظرات حادة 💧
رسيل:عتحاسب على هدشي كون متأكد
💧خلاتو كيترعد وخرجات فرحانة كانت متأكدة ودابا زادت تأكدت خرجات من لمختبر وركبات فسيارتها ومن بعد ساعة كانت فباب لقصر عيطات لربعة دلبوديكارد وبدات كتأمر فيهم💧
رسيل:دكتور أحمد لقحطاني خليواه فضيافتكم واحد سيمانة بلا مانحتاج نوصيكم تهلاو فيه مزيان
لي كارد :حااضر
💧دخلات لقصر لقات هزار وميسون جالسين فصالون حطين راس على راس ودموعهم هوادين طايح عليهم ضيم بقاو فيها تمشات بخطوات بطيئة وجلسات فلارض على ركابيها انفاص معاهم وباست ميسون من يديها💧
رسيل:عندي ليكم واحد لمفاجأة
ميسون:(بصوت ضعيف ):يكفي لمفاجعة دلبارح ابنتي رسيل
رسيل:متأكدة عتعجبكوم
هزار:(بصوت عيان):مابقات حتا حاجة كتعجبنا اختي رسيل
رسيل:(فتحات صاكها وجبدات منو لبرا وحطاتها فوق حجرهم ):غير قراوها بعدا
💧تنهدو بتعب وفتحو لبرا دايرينلا خاطرها وبداو كيقراوها ومع كل حرف عينيهم وفوامهم كيتفتحو بصدمة وفرحة مامتيقينش كينزلو عينيهم ويرجعو يطلعوهم فرسيل كأنهم كيتاكدو 💧
ميسون:(دموع نازلين شلال من عيونها):هئ هئ و واش ولدي باقي عايش
هزار:هئ هئ خويا نيار عايش هئ
رسيل:(بابتسامة ):اه عايش وقريب عيرجع عندنا تحاليل لي جاب لمحامي مزورين وهادو هما للاصليين
💧ماحسات براسا غير مقجوجة بتعنيقة من عند ميسون وهزار بتاسمات وبادلاتهم حتا هي لعناق💧
ميسون :ولدي عيرجع عندنا ياك ابنتي رسيل
رسيل:اه اخالتي نيار عيرجع
هزار:لحمد الله ياربي كان خصنا نتيقوك فلول
رسيل:مهم ماتحزنو ماالو نيار قريب عيجي لعندنا وهدا وعد
ميسون:الله يرضى عليك ابنتي ماعرفناش شنو كنا عنديرو بلا بيك
هزار:بصح اماما كن راحنا باقين كنبكيو على نيار وكيسحابلنا بلي مات
رسيل:كلشي ان شاء الله عيتصلح ولمياه عترجع لمجاريها
🔴وهاهو شهر داز على اختفاء نيار كأن لارض تشقات وبلعاتو خلال هاد شهر رسيل مانعساتش كتقيل كتقلب وكتبات كتقلب ماخلات حتا شي دولة لي ماقلباتش فيها كل نهار شادا طيارة لشي دولة كتفليها فلي وكتقلب فجميع سبيطارات ديالها ولكن للاسف ماكتلقا حتا شي دليل على انه كينا فديك لبلاصة حتا انها عملات اعلان على لي شاف نيار فشي بلاصة يعلما ويحصل على مبلغ طااائل من لاموال ولكن للاسف شحال من مرة عيطولها اشخاص مختلفين من جميع انحاء لعالم حتا كتفرح وكتشد طيارة وكتمشي كل مرة فين ولكن كتلقا غير كدوب وناس باغين يضيعو لوقت ماحاسينش بلحالة لي هي فيها دابا خلال هاد لمدة نتاشر خبر قتل لي بيزنيز مان كارلوس روزفلت وليون تشرشل ومالقاو حتا شي دليل على لقاتل وبالتالي ضطرو يسدو لقضية وبعد ما داع خبر وفاة الرجل الاعمال الشهير نيار السعدي فهنا بدا صراع حول نصب و ان الرجال الاعمال لمنافسين يديرو يد فيد ويطيحو أسهم نيار فلبورصة ولكن ماقدروش يوصلو لهدفهم لان رسيل فور ماعاقت بيهم نظمات مؤتمر صحفي وصرحات بلي نيار مزال عايش وبلي خبر لوفاة ديالو مجرد محاولة اغتيال وجوبات على أسئلة صحافة بخصوص تزوير تحاليل وشرحاتلهم لوضع وعطاتهم تحاليل لاصلية وختمت لقاءها بلي نيار سعدي عايش وفي لقريب لعاجل عيرجع لساحة لعمل وفهاد لوقت كامل كانت رسيل هي لي واقفة على خدمة نيار وكتسيرها طبعا غير فلمجال ديال ييزنيز مان اما فلمجال دلمونستر مزال ماعرفت عليه والو واصلا دابا ماعندهاش لوقت انها تبحت فديك لموضوع لانها يالله كتقسم وقتها بين تسيير شريكاتها وشريكات ديال نيار وسفر بين دول باش تقلب عليه وحتا من ميسون وهزار مامقصرينش من جهدهم كلفو 300 كارد على انهم يقلبو فجميع دول ولكن للاسف نفس نتيجة درسيل حتا كيكونو فقدو لامل كيرجعو يقويو بعضهم وكيكملو لبحت ديالهم 🔴