💎اللبؤة و الوحش💎( مكتملة )

part10

🌔بارت 10👑
🌞اصبحنا و أصبح الملك لله🌞
💧تسللت بعض أشعة الشمس الذهبية معلنة عن قدوم يوم جديد وهو يوم زفاف ميرال - عبسات وجها وعملات يدها على عينيها حاجبا شمس لقوية وجلسات فبلاصتها كتحك فعينيه دورات وجها بانتلها بلاصت ليان خاويا عرفاتها عتكون فاقت قبيلا طبعا وهي نعسات بكري شافت جهة ميرال بانتلهاا ناعسا علا كرشها ورجل رمياها فشرق و لوخرا فلغرب بتاسمات بخفوت ودورات وجها شافت فساعة لقاتهاا ل10:00 خرجات عينيها بصدمة💧
رسيل:اويلي على ل10 وانا ل5 كانكون فايقا
💧ناضت طايرة لحمام خدات دوش خفيف ولبسات عبايا وصلات صلاتها وتوجهات لدريسينغ كتشوف فلحوايج ديال ميرال ماعرفات ماتلبس فالاخر و
جبدات كسيوة زرقا بلكمام فايتا ركبة شوية وجايا مسنطرا ومفتوحة من صدر لبساتها جاتها طوب مع عويناتها فنفس لون ولبسات طالون فلبيض وبوشيط فنفس لون جمعات شعرها كود شوفال وكتافات بكلوز بارد ومن بعد جببدات عطرها من ساها رشات منو وتوجهات كتفيق فميرال حتا ناضت مقلوبة💧
ميرال:هئ مالك مصبحا عليا
رسيل:و نووضي الالة لعروسة ل10 هادي
ميرال:(وسعات عينيها علا جهدهم ): اويلي وانا باقي تابعني مصيبة ديال شغل مانعرف شنو وقع حتا خلاتنا ماما ناعسين حتا لدابا
💧ناضت طايرة لحمام حتا دارت وشافت فرسيل 💧
ميرال :ءء ونتي فين غادا بانتيلي موجدا راسك
رسيل:لقيتيني دابا عنمشي لفيلا غير نقضي شي شغل ونوجد راسي فلعشيا نكون عندك اكي
ميرال :اكي واجي بكري ماشي حتا نخرج نبرز انا عنصردلك عنوان لقاعة
رسيل:ههه اكي ءاا را عندي معايا ليان الا عيطو عليها ولا شي حاجة قليهمم راهي معاك اكي
ميرال:اكي بب موااح
💧صرداتلها قبلات فلهواء ودخلات لحمام فحين رسيل بتاسمات و نزلات لتحت لقاتا دنيا مقلوبا لخدامات داخلين خارجين و سي سليم واقف مع لكارد فلباب كيوصي فيهم من غير لالة منال ماكيناش اكييد على دكشي بقاو ناعسين حتا ل10 اما كوراها جراتهم من رجلهيم بتاسمات بخفوت اتر شوفتها فحين لبان مشات لعندها كتجري بشعرها الاشقر الطويل وكسيوة فلغوز وصباط بيض وصلات لعندها و عنقاتها من خصرها فحين رسيل بتاسمات بحنية ورتباتلها بيديها على شعرها وجلسات قرفصاء قدامها💧
رسيل:حبيبتي صباح لخير
ليان:صباح نور حتيي واش حارجاا
رسيل:اه اكبيدة ونتي عتخرجي معايا
ليان:(ضحكات حتا بانتلها لغمازة لي فخدها ):ياااس كنبغييك احتتي (تلاحت عليها عنقاتها )
رسيل:(بتاسمات بخفوت بادلاتها لعناق ):حتا انا الكبيدة ديالي واش فطرتي بعدا
ليان:ااه احتي حالتو منال عطاتني نفطر عاد حرجات
رسيل:(بقات كتموت بضحك على هضرت ختاها لمعركلة )ههه واش نتي ماعتعدليش هضرتك عتبقاي ديما قالبا ج مع ل ح هه
ليان:(نفخات شنيفاتا يعني مقلقة ):ءء وانا بااقا صغييلة
رسيل:ههه اه ابب عارفا يالله نمشيو
💧شداتلها فيديها وتوجهو لسيارتها  لي كاننت مركونة فلباب 💧
*كان يالله فايق من نعاس لابس غير شورط وغادي لكوزينة يفطر حتا كيلمحها فديك لمنظر كضحك مع ليان و مع ديك لكسوة مزيرة و فلون عينيها كتبان متييرة بزااف خصوصا مع ديك لغماازة لي بارزة فخدها بقا سااهي فيها حتا بانتلو خرجات طلع تنهيدة من قلبو وكمل طريقو لكوزينة*
💧فتحات طومبيلتها و طلعات فيها بعدما ركبات ليان قدامها وعدلاتلها لاسنتير و طلقات مزيكا ^La libertè^ وكسيرات مرة تهضر مع ليان لي كانت فقمة السعادة بوجودها مع اختها و مرة يدندنو مع لموسيقى حتا وصلو لفيلا عاد انسطالت انسطالات فباب لفيلا ونزلات بعد ما فتحات لباب ليان .شداتلها فيديها و فتحات لبااب ودخلو لفيلا ورسيل توجهات مباشرة لكوزينة توجد لفطور فحين ليان مني دخلات وهي كدور من بيت لبيت وتشوف فديكور باعجاب حتا سالات على خاطرها عاد مشات لكوزينا لقات رسيل كتعدل فلقهوة💧
💧لقات رسيل كتعدل فلقهوة مشات هزات تفاحة من تلاجة وجلسات حداها فوق بوطاجي كتاكل فيها  وكتهضر💧
ليان:حتيي دارك مزييونة بزااف وكبييرة
رسيل:(كانت سااهية فداكشي لي كتعدل حتا سمعت صوتها طفولي بتاسمات وجوباتها ):بصح واش عجباتك احبيبتي؟
ليان:اه احتي عجبتني بزااف قااد هايدا (طلقات يديها بزووج كتوريها )
رسيل:ههه اوا مني عجباتك عنعطيهالك
ليان :(عويناتها وساعو بلفرحة )واش
بصح احتي عتعطيهالي
رسيل:هه اه اكبيدة ولكن حتا تكبري عاد عاتاخديها ولكن حسبا ديالك من دابا
ليان:ياااي شكرا احتيي بزااف كنمووت عليك
💧طارت عليها بتعنيقا حتا كانت عتزلع لقهوة💧
رسيل:ههه حتا انا احبيبتي يالله اجي نفطرو باش نجلسو شوية اكي
ليان:^ok my sister ^حسنا اختي
💧ليان كتعرف تهضر بالإنجليزية والفرنسية باتقان وهدشي كامل بفضل رسيل لي كانت ديما كتعملها حصص تعليمية من خلال تيلي حتا ولات كتقنها💧
💧بتاسماتلها ونزلاتها من فوق بوطاجي وبدات كتحط فلفطور عملات كافي نواغ ليلها وحليب بشكلاط لليان مع لي كريب ولكيك حطات كوولشي فوق طابلة وجلسات حدا ليان كيفطرو وفنفس لوقت كيهضرو ويضحكو حتا سالاو عاد جمعو طبلة وخرجو لجردة لي كانت مزينة باجمل انوااع زهور خصوصا ازهار لياسمين لي كتحماق عليهم رسيل توجهو لواحد جليسا بلفوطويات وطابل صغيرة مقابلة مع لابيسين جلسات فواحد لفوطوي عاملة ليان فوق حجرها هاد الاخيرة لي كانت هازا طابليط ديالها فيديها وكتوري تصاور لرسيل حتا قالتلها💧
ليان:حتي رسيل نوريك واحد لفيديو كنت ديرتو لدار ديالنا حيتاش عارفاك عتكوني توحشتيها
رسيل:(بتاسمات بحنية وباستها فراسها ):يخاليلي لحب لي كتفكر فختاها موااح عليك يالله وريني نشوف دبصح توحشت دارنا
ليان:هه واخا احتي هاك ها هو لفيديو شوفو انا عنمشي لحمام
رسيل:واخا احبيبتي سيري
💧دخلات ليان لفيلا متوجها لحمام فحين رسيل شغلات لفيديو وبقات كتشوف دار لي عاشت فيها طفولتها واحسن ايام حياتها بجنب منبع حنانها اتر تفكيرها فهاد الاخيرة دموع تحجرو فعويناتها بزز باش حبساتهم مابغاتش تشوفها ليان كتبكي فالاخر تنهدات وكملات لفيديو. كانت دار متوسطة الحجم بأتات بسيط ولكن كانت عامرا بدفئ العائلي للأسف مابقاش مشا مع وفاة ماماهم بقات كتفرج من بيت لبيت حتا وصلات لواحد لقطة كانت رباب واقفا فلبيت ديالهم لقديم رادا لباب شوية و عاطياه بظهر و كتهضر فتيلي بصوت خافت ومع هو عندو لباف مجهد كيتسمع صوت رجولي كيهضر معاها💧
رباب:شوف الله يرحم باك بلا ماتحمقني سير عند هديك لي جبدات هدشي من لول
--انا ماشي سوقي لي كنعرف فلووسي يوصلوني نتوما بزوج داخلين فهاد شي
رباب:سير عند مليكة هي لي عتعطيك فلوسك ماشي يانا سمعتي
--انا مكنعرفش مليكة كنعرفك نتي .نتي لي جيتي عندي وقولتيلي الا زورتيلي تصاور ولوليد جرا علا داك تيتيزة دختك عتهالا فيا يالله طلقينا لفراجة
رباب:ششش سكت المسخوط عتشوهني شمن تيتيزة ولا زمر ماتنساش امراد ختك مليكة هي لي قترحات هدشي
مراد:ههه ومالي كدبت راتيتيزة احح وكنت نتمنا كون يكونو ديك تصاور بصح هههه ودابا سمعيي وبربي ماتجبيلي فلوسي كاش حتا نشوه ديلمك وراك كتعرفيني
رباب:(جاوباتو كلها كترعد):صافي كون هاني فلوسك عيوصلوك باي (قطعات عليه لخط وبقات كدور فلبيت )
طيحات الايباط من يديها بقوة صدمة وداتا كلها كترعد ولعرق كيتصبب من جبينها حركات راسها يمين وشمال مامتيقاش هدشي لي كتشوف عينيها ودموع هوادين منهم شلال💧
رسيل:لا لا مايمكنش هئ مايمكنشي تكون ختي هي سبابي فعدابي هئ هاد لمدة كاااملة لااا هئ
💧عملات يديها بزوج على وجها وبقات كتبكي وفيلم معاناتها كامل داز حدا عينيها فحاليلا غير لبارح كتفكر كيفااش ضلموها ولفقولها تهمة ماعندها فيها حتا دخل صردو لباباها تصاورها فوضعيات حرجة مع مراد ولي هو الاخ ديال مليكة مرات باها اكبر بزناز فدرب ولي ماكيخرج من حبس حتا كيكون دخل لواحد خور وكان ديما كيدير سبة بلمجيا عند ختو وكيبقا يحاول يتقرب من رسيل ولكن ديما كيتلقا رفض من عندها وشحال من مرة طرشاتو هدشي لي خلاه يحقد عليها ويتافق مع مليكة هد الاخيرة لي ماكانتش كتحمل رسيل حيتاش دار مكتوبة بسميتها وهي تزوجات بابراهيم غير على قبلها فلاخر كتصدم انها ماشي ديالو انما ديال سلمى وقبل مايموت كتباتلها بسميت رسيل وبطبع مليكة كانت ملاحظة تصرفات رباب ولحقد لي فعينيها اتجاه ختاها و بالتالي بزوج كلمات لعباتلها بعقلها ودخلاتها معاهم فلعبتهم لمسخة وفابريكاو تصاور ديال رسيل لي كانو كيصوروها بحوايج معاريين ديال دار علا غفلة مع تصاور مراد فوضعيات حرجة ومني سي ابراهيم شافهم طبعا عيتيق داك تصاور وهو غير على قادد لحال ماطحلوش فبالو يكونو غير مزورين وفلاخر جرا عليها فنص ليل عياات ماترغب فيه وطلبو يتيقها ولكن بسباب مليكة ورباب لي زادو حرشوه عليها مني كيجبدولو قضية لعار وشرف وفلاخر رسيل مسكينة بقات متشردة ليالي فزنقة و شحال من مرة كانت عتغتاصب غير ربي لي وقف معاها حتا طلاقات بلي عتقها وغير حياتها 💧

ليان