💎اللبؤة و الوحش💎( مكتملة )

part36

🌔بارت 36 👑
خرج من سيارتو طلع مباشرة لمكتبو و صونا على لخدامة 🔥
نيار:قلي رسيل تجي عندي دابا لمكتب
لخدامة:حاضر اسيدي
🔥حط لفون فوق لبيرو وتنهد ماعندوش حل آخر حتا شافا داخلا مخنزرة لا دقان لا ستحمص كفس منو جلسات على لكرسي ودارت رجل على رجل وشافت فيه مطلعة حاجبة 🔥
رسيل:ياك لباس ؟
نيار:(جامع لحداش ماكرهش ينوض يتيري فيها ويوريها تعفر شحال ساوي ):غدا عنخرجو من لبلاد بغيت نعلمك باش توجد راسك
رسيل:(فتحت عينا بصدمة ):كييفاش؟
نيار:(ببرودة ):كيف ماسمعتي
رسيل:(وقفت عليه مخنزرة ماكرهتش تنقز عليه تخنقو ):واش عارف راسك شكاتقول ولا بشمن حق عنمشي معاك هدشي ماعمرو عيكون سمعتي
نيار:(بشوفة كتزعزع ):انا ما كناخدش رأيك انا كنامرك
رسيل:(زاد فقصا ):وانا ماشي عبدة عندك باش تامرني اسي سيد
نيار:اكي بانلي ماعجبتكش سياسة ادن نمشيو لطريقة اخرى كنضن عتعجبك
رسيل:(هزات فيه حاجبة باستغراب ):شنو هي؟
نيار:🔥فتح بيسي ديالو ومدولا وبقا حاضيها كيفاش تلونت وولات كترعد هدا لحل لوحيد لي كاين باش يقدر يسيطر عليها🔥
رسيل:💧كتشوف فبيسي وعينا خرجو معا دكشي لي كتشوف مامتيقش كيبانلا خواتاتا وباباها جالسين فجردة كيضحكو وواحد ضو حمر كيضرب فراسوم ولقناص واقف لفوق هايز سلاح كبيير ومجهو ليلوم طلعات عينا فنيار ودموع نازلين شلال من عينا ويدا كيترعدو شافت فيه بنظرة لوم وعتاب او ربما خدلان وتساؤل علاش💧
نيار:🔥اتر رؤيتو لديك نظرا لي فعيونا لحمرا حس بقلبو كيضرو ماحملش راسو فديك لحظة ماعرفش علاش حس بدموعة كيحرقوه من لداخل حاول يتحكم فراسو هدشي لمصلحتا زاد جمع غوباشتو وشاف فيها🔥:لوقت كيضيع يالله ختار اما تنقد عائلتك وتمشي معايا او تخليهم يموتو وتبقا تزوري قبرهم امم؟
رسيل:💧هزات ديك بيسي حتا لسما وخبطاتو فلارض ومسحات عينيها بزعفة وشافت فيه بنظرة كون كانت قرطاس كون شعتراتو💧كنحلف لك بالله حتا ندمك علا نهار لي فكرتي فيه تقرب لعائلتي مايسحبلكش بلي دابا غلبتيني
نيار:🔥ببرودة🔥امم دابا نفهم من هضرتك بلي ختارتي حياة عائلتك
رسيل: ومايسحبلكش ربحتيني
💧خنزرات فيه وخرجات وزدحات لباب حتا كان عيتقلع من بلاصتو💧
🔥غير خرجات غمض على عينو وكرز على يدو هو من لأول عارف بلي عتختار عائلتا على دكشي دارلا هاد لبلان باش ماتقدرش تزيكزكي معاه ودخل عائلتا فلخط ماكانش عندو شي حل من غير يلويلا دراعا باش يحميها تنهد وهز لفون ودوز ابيل🔥
نيار:وجد لباطو غدا فصباح مسافر
---':حاضر مسيو مونستر
🔥قطع عليه لخط ومشا لبيتو مباشرة لدوش كيحس بعضامو مدكدين🔥
💧دخلات نيشان لبيتا وجلسات فوق نموسية دايرة وجها بين يدا وكتشهق كتحس بلحكرة و جميع لبيبان تسدو فوجها والا مادرتش هدشي لي كيقولا عتخسر عائلتا وهي تفضل تموت على تخلي شي شعرا تقاس منهم وفينما كتفكر بلي كلشي بسبب نيار كتزيد تحقد عليه وتكرهو ندمت على نهار لي عرفاتو فيه تنهدات وتلوات ففراشا واضعا لمخدة على وجها وكتبكي حتا غفات 💧
✴ان كان هدا السجن...✴
✴ما اغلاه من وطن....✴
✴على قلبي المهاجر... ✴
✴او كان هدا الحزن...✴
✴ما أحلاه من حزن...✴
✴به تصحو المشاعر...✴
🔥خرج من دوش بفوطة سوداء ملوية على خصرو وشعرو كيقطر على عيونو مشا لدريسينغ ولبس سيرفيت فلبلو مزيرة على عضلاتو وسبادري فلاسود مشط شعرو وعمل ساعتو لفضية ونزل لتحت لقا طابل دلغدا موجدة ولكن فيه غير طبسيل ديالو شاف فلخدامة مطلع حاجبو🔥
نيار:رسيل تغدات؟
لخدامة:لا اسيدي طلعت نعيطلا لقيتا ناعسة ومابغاتش تغدا 🔥
نيار:امم اكي سير لشغلك
🔥مشات لخدامة فحين نيار بدا يتغدا وكيحس شي حاجة ناقصاه على عينو فلكرسي لي كانت جالسة فيه ديك لمرة وتفكر لفعلة لي دارتلو قدما عصباتو قدما ضحكتو على فعايل لبراهش عمل ابتسامة جانبية وكمل ماكلتو🔥
💧ماحساتش بلوقت كاع مافاقت حتا طاح ظلام جلسات لتواني فوق نموسية كتسترجع الاحدات دليوم خنزرات ومسحات عينا وناضت لحمام غسلات وجها وشافت فلمراية بنظرة شرسة وقالت ضاغطة على سنانا💧
رسيل:ماتكونش سميتي رسيل الا ماندمتك على دمعة نزلات من عيني بسبابك
💧مسحات وجها فلوفطة ونزلات لتحت مباشرة لكوزينة لقات لخدمات كاملين مشاو حيتاش غير كيطيبو لعشا كيمشيو فحالوم ماكيحملش نيار يبات شي واحد فلقصر دورات راسا بانلا كلشي واجد وحقا دلعشا محطوط فوق بوطاجي ومغطي هزاتو وسخناتو وجلسات كتعشا حتا سالات على خطرا وغسلات لمواعن وخرجات من باب دلكوزينة لجردة مشات نيشان لواحد زحلولة حدا لابيسين وتكات فيها على ظهرا وضعا يد على جبهتا وكتشوف فنجوم سما💧
🔥غير سالا غداه طلع مباشرة لمكتبو بقا خدام كيدرس شي ملفات وكيراقب أحوال طقس تفادي لأي عاصفة لانهم عيسافرو فلباطو مهم ضبط امورو مزيان وشعل كاميرات لكوزينة لقاها جالسة كتعشا بقا لتواني كيتفرج فيها وعاد حط بيسي ومشا لبيتو كيطرطق فعنقو لي تعوجلو بقوة لجلاس زول تيشرط رماه فوق نموسية وهز قرعة دنبيذ الاحمر من تلاجة وخرج لبالكون فحال عادتو كيتفرج فنجوم سما حتا لمحا متكية وكتشوف حتا هي فسما عمل ابتسامة جانبية ورشف من نبيذو وهو باقي كيشوف فيها🔥
🕐ساعة🕐ساعتين🕐تلاتة دسوايع دازو وهو حاضيها بدون ملل ولا كلل واخا يبقا حياتو كاملة غير جالس وكيشوف فيها ماعيجيه ولو ذرة ملل فكيف دالك وهو كيشوف لوحة فنية محطوطة قدامو لاهي ناضت من بلاصتا ولاهو ناض من بلاصتو حتا انه كمل 5 دلكيسان دشرب وماgروش فيه غير فمو ولا حمررر وعينو تعسلو ولاو دايرين بلحمورية بشوفة خطيرة كدوخ 🔥
💧عيات ماتفكر فلاخر كتلقا بلي هدي هي طريقة لوحيدة باش تأمن حياة عائلتا تنهدات وناضت دخلات لقصر مباشرة طلعات لبيتا وبدات كتجمع فحوايجا ففاليز صغيرة حتا سالات وحطاتا قداما وبقات كتشوف فيها نعس طارلا بقات غير ساهية وميات مطرقة ومطرقة كضرب فراسا💧
🔥ماتحرك من بلاصتو حتا بانتلو دخلات لقصر شرب اخر زكفة فكاسو وناض لبيتو نيشان تلاح فوق نموسية على كرشو واضع مخدة على راسو كيحاول ينعس وعامل فبالو بلي كلشي عيتصلح🔥
💧بقات فبلاصتا حتا شرقات شمس شافت فساعة لي حدا لاباجورة لقاتا ل5 دصباح دخلات لحمام بروصات سنانا ووجها وخرجات لدريسينغ جبدات لبسة لي خلاتا لبارح باش تلبسا فصباح حيدات ديك سلوبيط ولبساتا عبارة عن غوب فسومو حد ركبة مزيرة بلا كم وفيها سنتير فلخصر بالأزرق وبعض لفراشات بالوان صيفية مزينين لكسوة جاتا طوب مع فورمتا لبسات معاها سنيدلة بلا فلازرق وجلسات كتعدل فلمايكاب كتافات بكلوص فبوردو وماسكارا كتفت بيها شفارا وايكخون دشمس جمعات شعرا كود شوفال وعملات حلقات طوال فلفضي وساعة فنفس شكل ونظرات شمسية فلابيض فوق شعرا شافت فديك لافاليز تنهدات وخرجات متوجهة لعندو💧